ਮੈਸ਼ ਪ੍ਰੋਲਾਈਫ ਹਸਪਤਾਲ ਦੀ 7ਵੀਂ ਵਰ੍ਹੇਗੰਢ ਮਨਾਈ
ਆਲਮਗੀਰ , 1 ਅਗਸਤ ( ਜਰਨੈਲ ਸਿੰਘ ਪੱਟੀ )- ਮੈਸ਼ ਪ੍ਰੋਲਾਈਫ ਹਸਪਤਾਲ ਗਿੱਲ ਨੇ ਆਪਣਾ 7 ਵਾਂ ਸਥਾਪਨਾ ਦਿਵਸ ਉਤਸ਼ਾਹ ਅਤੇ ਨਿਰਸਵਾਰਥ ਸੇਵਾ ਦੀ ਭਾਵਨਾ ਨਾਲ ਮਨਾਇਆ । ਇਸ ਸ਼ੁੱਭ ਮੌਕੇ ’ ਤੇ ਵੱਡੀ ਗਿਣਤੀ ਵਿਚ ਡਾਕਟਰ , ਸਟਾਫ਼ ਮੈਂਬਰ , ਮਰੀਜ਼ , ਉਨ੍ਹਾਂ ਦੇ ਪਰਿਵਾਰ , ਸਮਾਜ ਸੇਵਕ ਅਤੇ ਵਿਸ਼ੇਸ਼ ਮਹਿਮਾਨ ਇਸ ਜਸ਼ਨ ਵਿਚ ਸ਼ਾਮਿਲ ਹੋਏ ।
ਆਲਮਗੀਰ , 1 ਅਗਸਤ ( ਜਰਨੈਲ ਸਿੰਘ ਪੱਟੀ )- ਮੈਸ਼ ਪ੍ਰੋਲਾਈਫ ਹਸਪਤਾਲ ਗਿੱਲ ਨੇ ਆਪਣਾ 7 ਵਾਂ ਸਥਾਪਨਾ ਦਿਵਸ ਉਤਸ਼ਾਹ ਅਤੇ ਨਿਰਸਵਾਰਥ ਸੇਵਾ ਦੀ ਭਾਵਨਾ ਨਾਲ ਮਨਾਇਆ । ਇਸ ਸ਼ੁੱਭ ਮੌਕੇ ’ ਤੇ ਵੱਡੀ ਗਿਣਤੀ ਵਿਚ ਡਾਕਟਰ , ਸਟਾਫ਼ ਮੈਂਬਰ , ਮਰੀਜ਼ , ਉਨ੍ਹਾਂ ਦੇ ਪਰਿਵਾਰ , ਸਮਾਜ ਸੇਵਕ ਅਤੇ ਵਿਸ਼ੇਸ਼ ਮਹਿਮਾਨ ਇਸ ਜਸ਼ਨ ਵਿਚ ਸ਼ਾਮਿਲ ਹੋਏ । ਸ੍ਰੀ ਸੁਖਮਨੀ ਸਾਹਿਬ ਦੇ ਪਾਠ ਉਪਰੰਤ ਬਾਬਾ ਅਮਨਦੀਪ ਸਿੰਘ ਸੰਗੋਵਾਲ ਵਾਲਿਆਂ ਨੇ ਗੁਰਬਾਣੀ ਕੀਰਤਨ ਕਰਕੇ ਸੰਗਤ ਨੂੰ ਨਿਹਾਲ ਕੀਤਾ । ਇਸ ਮੌਕੇ ਮੈਸ ਪ੍ਰੋਲਾਈਫ ਹਸਪਤਾਲ ਦੇ ਡਾਇਰੈਕਟਰ ਡਾ . ਹਰਪ੍ਰੀਤ ਸਿੰਘ ਜੌਲੀ , ਚੇਅਰਮੈਨ ਹਨੀਸ਼ ਬਾਂਸਲ ਨੇ ਕਿਹਾ ਕਿ ਹਸਪਤਾਲ ਦੀ ਸਥਾਪਨਾ 7 ਸਾਲ ਪਹਿਲਾਂ ਪੰਜਾਬ ਦੇ ਲੋਕਾਂ ਨੂੰ ਆਧੁਨਿਕ , ਨੈਤਿਕ , ਕਿਫ਼ਾਇਤੀ ਅਤੇ ਮਰੀਜ਼ - ਕੇਂਦ੍ਰਿਤ ਸਿਹਤ ਸੰਭਾਲ ਪ੍ਰਦਾਨ ਕਰਨ ਦੇ ਦ੍ਰਿਸ਼ਟੀਕੋਣ ਨਾਲ ਕੀਤੀ ਗਈ ਸੀ । ਉਨ੍ਹਾਂ ਕਿਹਾ ਕਿ ਹਜ਼ਾਰਾਂ ਮਰੀਜ਼ਾਂ ਦੇ ਵਿਸ਼ਵਾਸ , ਡਾਕਟਰਾਂ ਦੇ ਸਮਰਪਣ , ਸਟਾਫ਼ ਮੈਂਬਰਾਂ ਦੀ ਵਚਨਬੱਧਤਾ ਅਤੇ ਸਮਾਜ ਦੇ ਸਮਰਥਨ ਨੇ ਮੈਸ ਪ੍ਰੋਲਾਈਫ ਹਸਪਤਾਲ ਨੂੰ ਸਿਹਤ ਸੰਭਾਲ ਖੇਤਰ ਵਿਚ ਇਕ ਸਤਿਕਾਰਯੋਗ ਸਥਾਨ ਪ੍ਰਾਪਤ ਕਰਨ ਵਿਚ ਮਦਦ ਕੀਤੀ ਹੈ । ਮਾਤਾ ਬਲਵੰਤ ਕੌਰ ਨੇ ਪੂਰੇ ਮੈਸ ਪ੍ਰੋਲਾਈਫ ਪਰਿਵਾਰ ਨੂੰ ਅਸ਼ੀਰਵਾਦ ਦਿੱਤਾ ਅਤੇ ਕਿਹਾ ਕਿ ਸੇਵਾ , ਮਨੁੱਖਤਾ ਅਤੇ ਹਮਦਰਦੀ ’ ਤੇ ਬਣੇ ਅਦਾਰੇ ਹਮੇਸ਼ਾ ਸਥਾਈ ਸਫਲਤਾ ਪ੍ਰਾਪਤ ਕਰਦੇ ਹਨ । ਸੀ . ਈ . ਓ . ਰਣਵੀਰ ਸਿੰਘ , ਐਡਮਿਨ ਹੈੱਡ ਸਮ੍ਰਿਤੀ ਦੇਵੀ ਨੇ ਡਾਕਟਰਾਂ , ਪ੍ਰਬੰਧਨ ਅਤੇ ਸਟਾਫ਼ ਮੈਂਬਰਾਂ ਨੂੰ ਉਨ੍ਹਾਂ ਦੇ ਅਣਥੱਕ ਯਤਨਾਂ ਲਈ ਵਧਾਈ ਦਿੱਤੀ । ਜੀ . ਐੱਮ . ਡਾ . ਹਰਮਿੰਦਰ ਸਿੰਘ ਨੇ ਕਿਹਾ ਕਿ ਹਸਪਤਾਲ ਵਿਸ਼ਵ ਪੱਧਰੀ ਸਿਹਤ ਸੰਭਾਲ ਪ੍ਰਦਾਨ ਕਰਨ ਲਈ ਨਵੀਨਤਮ ਡਾਕਟਰੀ ਤਕਨਾਲੋਜੀਆਂ ਅਤੇ ਆਧੁਨਿਕ ਇਲਾਜ ਸਹੂਲਤਾਂ ਨੂੰ ਅਪਣਾਉਣ ਲਈ ਵਚਨਬੱਧ ਹੈ । ਡਾਕਟਰਾਂ , ਨਰਸਿੰਗ ਸਟਾਫ਼ , ਪੈਰਾ ਮੈਡੀਕਲ ਟੀਮਾਂ , ਪ੍ਰਸ਼ਾਸਨਿਕ ਅਧਿਕਾਰੀਆਂ ਅਤੇ ਹਸਪਤਾਲ ਦੇ ਕਰਮਚਾਰੀਆਂ ਨੂੰ ਉਨ੍ਹਾਂ ਦੇ ਸ਼ਾਨਦਾਰ ਸਮਰਪਣ ਅਤੇ ਕੀਮਤੀ ਯੋਗਦਾਨ ਲਈ ਸਨਮਾਨਿਤ ਵੀ ਕੀਤਾ ਗਿਆ ।
