ਮੀਂਹ ਕਾਰਨ ਮਨੀਮਾਜਰਾ 'ਚ ਮਕਾਨ ਦੀ ਛੱਤ ਡਿਗੀ, ਤਿੰਨ ਬੱਚੇ ਜ਼ਖ਼ਮੀ <br/>
ਅਜੀਤ ਡੈਸਕ
24-01-2026
ਮਿਲੀ ਜਾਣਕਾਰੀ ਅਨੁਸਾਰ ਅੱਜ ਪਏ ਮੀਂਹ ਕਾਰਨ ਚੰਡੀਗੜ੍ਹ ਦੇ ਮਨੀਮਾਜਰਾ 'ਚ ਗੋਬਿੰਦਪੁਰਾ ਇਲਾਕੇ ਦਾ ਇੱਟ ਬਾਲਿਆਂ ਵਾਲੇ ਮਕਾਨ ਨੰਬਰ-1119 ਦੀ ਛੱਤ ਡਿੱਗ ਗਈ ਅਤੇ ਤਿੰਨ ਬੱਚੇ ਛੱਤ ਹੇਠ ਦੱਬ ਗਏ | ਛੱਤ ਥੱਲੇ ਦੱਬੇ ਬੱਚਿਆਂ ਦੀ ਪਛਾਣ ਰਾਹੁਲ, ਗੌਰਵ, ਸੰਨੀ ਵਜੋਂ ਹੋਈ, ਜਿਨ੍ਹਾਂ ਲੋਕਾਂ ਨੇ ਮਲਬੇ ਵਿੱਚੋ ਕੱਢ ਕੇ ਮਨੀਮਾਜਰਾ ਹਸਪਤਾਲ ਵਿਚ ਦਾਖ਼ਲ ਕਰਾਇਆ | ਇੱਥੇ ਡਾਕਟਰਾਂ ਨੇ ਦੱਸਿਆ ਕਿ ਦੋ ਬੱਚਿਆਂ ਦੀ ਹਾਲਤ ਸਥਿਰ ਤੇ ਠੀਕ ਹੈ, ਪਰ ਇੱਕ ਬੱਚੇ ਦੀ ਹਾਲਤ ਗੰਭੀਰ ਹੈ ਅਤੇ ਉਸ ਦਾ ਇਲਾਜ ਚੱਲ ਰਿਹਾ ਹੈ | ਦੂਜੇ ਪਾਸੇ ਮੀਂਹ ਅਤੇ ਝੱਖੜ ਕਾਰਨ ਸਰਕਾਰੀ ਮੈਡੀਕਲ ਕਾਲਜ ਅਤੇ ਹਸਪਤਾਲ ਸੈਕਟਰ 32 ਵਿਚਲੀ ਇਕ ਇਮਾਰਤ ਦੀ ਛੱਤ ਹੇਠਲੀ ਸੀਿਲੰਗ ਡਿੱਗ ਗਈ, ਜਿਸ ਕਾਰਨ ਉੱਥੇ ਆਏ ਲੋਕ ਘਬਰਾ ਗਏ ਅਤੇ ਇੱਧਰ ਉੱਧਰ ਭੱਜਣ ਲੱਗੇ | ਜਦੋਂ ਕਿ ਸੈਕਟਰ ਇਕ ਚੱਲਦੀ ਸਕੂਟੀ 'ਤੇ ਰੁੱਖ ਦਾ ਟਾਹਣਾ ਡਿੱਗ ਗਿਆ ਅਤੇ ਸਕੂਟਰੀ ਸਵਾਰ ਨੌਜਵਾਨ ਜ਼ਖ਼ਮੀ ਹੋ ਗਿਆ, ਪਰ ਹੈਲਮੈਟ ਪਾਇਆ ਹੋਣ ਕਾਰਨ ਉਸ ਦੀ ਜਾਨ ਬੱਚ ਗਈ | ਸੈਕਟਰ 17 ਵਿਚ ਰੁੱਖ ਟੁੱਟ ਕੇ ਬਿਜਲੀ ਦੀਆਂ ਤਾਰਾਂ 'ਤੇ ਡਿੱਗ ਪਿਆ ਅਤੇ ਇਲਾਕੇ ਬਿਜਲੀ ਠੱਪ ਹੋ ਕੇ ਰਹਿ ਗਈ | ਸੈਕਟਰ 39= 40 ਵਿਚ ਇੱਕ ਵੱਡਾ ਰੁੱਖ ਕਾਰ ਉੱਤੇ ਡਿੱਗ ਗਿਆ ਅਤੇ ਕਾਰ ਨੁਕਸਾਨੀ ਗਈ | ਸੈਕਟਰ 40 ਏ ਦੇ ਕਮਿਊਨਿਟੀ ਕੇਂਦਰ ਦੀ ਕੰਧ 'ਤੇ ਰੁੱਖ ਡਿੱਗਿਆ, ਜਦੋਂ ਕਿ 40 ਡੀ ਦੀ ਮਾਰਕੀਟ ਵਿਚ ਵੀ ਰੁੱਖ ਡਿੱਗਿਆ | ਮੀਂਹ ਤੇ ਝੱਖੜ ਕਾਰਨ ਗਣਤੰਤਰ ਦਿਵਸ ਦੀਆਂ ਤਿਆਰੀਆਂ ਵਿਚ ਰੁਕਾਵਟ ਆਈ, ਜਦੋਂ ਸੈਕਟਰ 17 ਵਿਚਲੇ ਪਰੇਡ ਗਰਾੳਾੂਡ ਵਿਚ ਲਾਏ ਗਏ ਟੈਂਟ ਦੇ ਪੋਲ ਉੱਖੜ ਗਏ ਅਤੇ ਸੀਿਲੰਗਾਂ ਹਵਾ ਵਿਚ ਉੱਡ ਗਈਆਂ |
