ਚੰਡੀਗੜ੍ਹ, 10 ਮਾਰਚ (ਮਾਰਕੰਡਾ)- ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਦੇ ਲਾਅ ਆਡੀਟੋਰੀਅਮ ਵਿਖੇ 32 ਵਿਭਾਗਾਂ ਦੇ 500 ਤੋਂ ਵੱਧ ਵਿਦਿਆਰਥੀਆਂ ਦੀ ਹਾਜ਼ਰੀ 'ਚ ਸੈਂਟਰਲ ਪਲੇਸਮੈਂਟ ਸੈੱਲ ਦੁਆਰਾ ਸਾਲਾਨਾ 'ਇੰਡਸਟਰੀ ਅਕਾਦਮੀਆ ਮੀਟ 2026' ਦਾ ਪੋਸਟਰ ਰਜਿਸਟਰਾਰ ਪ੍ਰੋ. ਯਜਵੇਂਦਰ ਪਾਲ ਵਰਮਾ ਨੇ ਜਾਰੀ ਕੀਤਾ | ਉਨ੍ਹਾਂ ਨੇ ਦੱਸਿਆ ਕਿ ਪੰਜਾਬ ਯੂਨੀਵਰਸਿਟੀ ਦਾ ਪਲੇਸਮੈਂਟ ਡਰਾਈਵ 6, 7 ਅਤੇ 8 ਅਪ੍ਰੈਲ ਨੂੰ ਹੋਵੇਗਾ | ਮੁੱਖ ਮਹਿਮਾਨ ਪ੍ਰੋ. ਯਜਵੇਂਦਰ ਪਾਲ ਵਰਮਾ ਨੇ ਵਿਦਿਆਰਥੀਆਂ ਨੂੰ ਸਫਲਤਾ ਪ੍ਰਾਪਤ ਕਰਨ ਲਈ ਸਵੈ-ਅੱਪਗ੍ਰੇਡੇਸ਼ਨ ਅਤੇ ਇਕ ਮਜ਼ਬੂਤ ਮੁਹਿੰਮ ਬਣਾਈ ਰੱਖਣ ਦੀ ਮਹੱਤਤਾ 'ਤੇ ਵੀ ਜ਼ੋਰ ਦਿੱਤਾ | ਰਾਕੇਸ਼ ਸੰਧੂ ਨੇ ਵਿਦਿਆਰਥੀਆਂ ਨੂੰ ਆਪਣੇ ਸਫ਼ਰ ਦੀ ਜ਼ਿੰਮੇਵਾਰੀ ਖੁਦ ਲੈਣ ਲਈ ਉਤਸ਼ਾਹਿਤ ਕੀਤਾ | ਦਿਨੇਸ਼ ਦੁੱਗਲ ਨੇ ਵਿਦਿਆਰਥੀਆਂ ਨੂੰ ਆਪਣੇ ਯਤਨਾਂ ਵਿਚ ਇਮਾਨਦਾਰ ਅਤੇ ਵਚਨਬੱਧ ਰਹਿਣ ਦੀ ਸਲਾਹ ਦਿੱਤੀ | ਸ਼ਿਖਿਰ ਗੁਪਤਾ ਨੇ ਸਹੀ ਹੁਨਰ ਵਿਕਸਤ ਕਰਨ ਅਤੇ ਇਕ ਮਜ਼ਬੂਤ ਸਿੱਖਣ ਦਾ ਰਵੱਈਆ ਬਣਾਈ ਰੱਖਣ ਦੀ ਜ਼ਰੂਰਤ ਬਾਰੇ ਗੱਲ ਕੀਤੀ | ਪਵਨ ਚੌਧਰੀ ਨੇ ਨੌਜਵਾਨ ਪੇਸ਼ੇਵਰਾਂ ਲਈ ਉਪਲੱਬਧ ਵਿਸ਼ਵਵਿਆਪੀ ਮੌਕਿਆਂ ਬਾਰੇ ਗੱਲ ਕੀਤੀ | ਵਿਕਰਮ ਢੀਂਗਰਾ ਨੇ ਕਰੀਅਰ ਦਾ ਰਸਤਾ ਚੁਣਦੇ ਸਮੇਂ ਟੀਚਿਆਂ ਦੀ ਸਪੱਸ਼ਟਤਾ ਦੀ ਮਹੱਤਤਾ 'ਤੇ ਜ਼ੋਰ ਦਿੱਤਾ | ਇਸ ਤੋਂ ਪਹਿਲਾਂ ਪ੍ਰੋ. ਮੀਨਾ ਸ਼ਰਮਾ ਆਨਰੇਰੀ ਡਾਇਰੈਕਟਰ ਨੇ ਪਤਵੰਤਿਆਂ ਦਾ ਸਵਾਗਤ ਕੀਤਾ ਅਤੇ ਵਿਦਿਆਰਥੀਆਂ ਨੂੰ ਉਦਯੋਗ ਮਾਹਿਰਾਂ ਨਾਲ ਜੋੜਨ 'ਚ ਅਜਿਹੇ ਆਪਸੀ ਤਾਲਮੇਲ ਦੀ ਮਹੱਤਤਾ 'ਤੇ ਚਾਨਣਾ ਪਾਇਆ | ਪ੍ਰੋ. ਸਰਬਜੀਤ ਸਿੰਘ ਨੇ ਧੰਨਵਾਦ ਦਾ ਮਤਾ ਪੇਸ਼ ਕੀਤਾ | ਡਾ. ਰਵਨੀਤ ਕੌਰ ਅਤੇ ਡਾ. ਰੋਹਿਨੀ ਸ਼ਰਮਾ ਦੁਆਰਾ ਨਿਭਾਈ ਗਈ ਭੂਮਿਕਾ ਦਾ ਵੀ ਧੰਨਵਾਦ ਕੀਤਾ |
