21-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 07-05-2026

ਗਰਮੀਆਂ 'ਚ ਗੁਰਦੇ ਦੀ ਪੱਥਰੀ ਤੇ ਯੂ.ਟੀ.ਆਈ. ਦਾ ਖ਼ਤਰਾ ਵਧਦਾ ਹੈ- ਡਾ. ਵਿਦੁਰ ਭੱਲਾ <br/>

Ad Position 21
No active advertisement
ਅਜੀਤ ਡੈਸਕ 07-05-2026
ਚੰਡੀਗੜ੍ਹ, 6 ਮਈ (ਅ.ਬ.) - ਜਿਵੇਂ-ਜਿਵੇਂ ਤਾਪਮਾਨ ਵਧਦਾ ਜਾ ਰਿਹਾ ਹੈ, ਗੁਰਦੇ ਨਾਲ ਸਬੰਧਿਤ ਬਿਮਾਰੀਆਂ, ਖ਼ਾਸ ਕਰ ਕੇ ਗੁਰਦੇ ਦੀ ਪਥਰੀ ਤੇ ਪਿਸ਼ਾਬ ਨਾਲੀ ਦੀ ਲਾਗ (ਯੂ.ਟੀ.ਆਈ.) ਵਿਚ ਕਾਫ਼ੀ ਵਾਧਾ ਦੇਖਿਆ ਜਾ ਰਿਹਾ ਹੈ | ਵਧਦੀ ਗਰਮੀ ਪਿਸ਼ਾਬ ਦੀ ਸਿਹਤ 'ਤੇ ਸਿੱਧਾ ਪ੍ਰਭਾਵ ਪਾ ਰਹੀ ਹੈ, ਜਿਸ ਨਾਲ ਜਾਗਰੂਕਤਾ ਤੇ ਰੋਕਥਾਮ ਹੁਣ ਪਹਿਲਾਂ ਨਾਲੋਂ ਕਿਤੇ ਜ਼ਿਆਦਾ ਮਹੱਤਵਪੂਰਨ ਹੋ ਗਈ ਹੈ | ਪੰਚਕੂਲਾ ਦੇ ਪਾਰਕ ਹਸਪਤਾਲ ਦੇ ਯੂਰੋਲੋਜੀ ਵਿਭਾਗ ਦੇ ਡਾਇਰੈਕਟਰ ਤੇ ਮੁਖੀ ਡਾ. ਵਿਦੁਰ ਭੱਲਾ ਨੇ ਕਿਹਾ ਕਿ ਇਸ ਮੌਸਮੀ ਵਾਧੇ ਪਿੱਛੇ ਡੀਹਾਈਡਰੇਸ਼ਨ ਮੁੱਖ ਕਾਰਨ ਹੈ | ਗਰਮ ਮੌਸਮ ਦੌਰਾਨ ਸਰੀਰ ਪਸੀਨੇ ਰਾਹੀਂ ਕਾਫ਼ੀ ਮਾਤਰਾ ਵਿਚ ਪਾਣੀ ਗੁਆ ਦਿੰਦਾ ਹੈ | ਜਦੋਂ ਇਸ ਤਰਲ ਪਦਾਰਥ ਦੀ ਕਮੀ ਨੂੰ ਸਹੀ ਢੰਗ ਨਾਲ ਨਹੀਂ ਭਰਿਆ ਜਾਂਦਾ ਤਾਂ ਪਿਸ਼ਾਬ ਗਾੜ੍ਹਾ ਹੋ ਜਾਂਦਾ ਹੈ, ਇਸ ਨਾਲ ਕੈਲਸ਼ੀਅਮ, ਆਕਸਲੇਟ ਤੇ ਯੂਰਿਕ ਐਸਿਡ ਵਰਗੇ ਖਣਿਜ ਕ੍ਰਿਸਟਲਾਈਜ਼ ਹੋ ਜਾਂਦੇ ਹਨ ਜਿਸ ਨਾਲ ਗੁਰਦੇ ਦੀ ਪਥਰੀ ਬਣ ਜਾਂਦੀ ਹੈ | ਉਨ੍ਹਾਂ ਅੱਗੇ ਕਿਹਾ ਕਿ ਨਾਲ ਹੀ, ਪਾਣੀ ਦੀ ਘਾਟ ਕਾਰਨ ਪਿਸ਼ਾਬ ਦੀ ਪੈਦਾਵਾਰ ਘੱਟ ਜਾਂਦੀ ਹੈ ਜਿਸ ਨਾਲ ਬੈਕਟੀਰੀਆ ਦੇ ਵਧਣ-ਫੁੱਲਣ ਲਈ ਪਿਸ਼ਾਬ ਨਾਲੀ ਦੇ ਅੰਦਰ ਇੱਕ ਆਦਰਸ਼ ਵਾਤਾਵਰਨ ਬਣ ਜਾਂਦਾ ਹੈ | ਲੱਛਣਾਂ 'ਤੇ ਚਰਚਾ ਕਰਦੇ ਹੋਏ ਡਾ. ਭੱਲਾ ਨੇ ਪਿੱਠ ਦੇ ਹੇਠਲੇ ਹਿੱਸੇ ਜਾਂ ਪੇਟ ਵਿਚ ਤੇਜ਼ ਦਰਦ, ਪਿਸ਼ਾਬ ਦੌਰਾਨ ਜਲਣ, ਵਾਰ-ਵਾਰ ਪਿਸ਼ਾਬ ਕਰਨ ਦੀ ਇੱਛਾ, ਬੱਦਲਵਾਈ ਜਾਂ ਬਦਬੂਦਾਰ ਪਿਸ਼ਾਬ, ਪਿਸ਼ਾਬ 'ਚ ਖੂਨ ਤੇ ਬੁਖ਼ਾਰ (ਇਨਫੈਕਸ਼ਨ ਦੇ ਮਾਮਲਿਆਂ 'ਚ) ਵੱਲ ਧਿਆਨ ਦੇਣ ਦੀ ਸਲਾਹ ਦਿੱਤੀ |

Ad Position 22
No active advertisement
ਪਿਛਲੀ ਖ਼ਬਰ 20 ਸਾਲ ਬਾਅਦ ਹਾਈ ਕੋਰਟ ਨੇ ਸੁਧਾਰੀ '6 ਹਜ਼ਾਰ ਮਹੀਨਾਵਾਰ ਆਮਦਨ' ਦੀ ਗ਼ਲਤੀ <br/> ਅਗਲੀ ਖ਼ਬਰ ਰਾਮਗੜ੍ਹੀਆ ਸਭਾ ਨੇ ਸ਼ਰਧਾ ਨਾਲ ਮਨਾਇਆ ਮਹਾਰਾਜਾ ਜੱਸਾ ਸਿੰਘ ਰਾਮਗੜ੍ਹੀਆ ਦਾ ਜਨਮ ਦਿਹਾੜਾ <br/>
Ad Position 24