ਖਰੜ, 28 ਮਈ (ਗੁਰਮੁੱਖ ਸਿੰਘ ਮਾਨ)- ਖਰੜ ਵਿਕਾਸ ਗਰੁੱਪ ਦੇ ਸੰਸਾਥਪਕ ਸੁਧੀਰ ਗਲੇਰੀਆ ਵਲੋਂ ਗਰੁੱਪ ਦਾ ਵਿਸਥਾਰ ਕਰਦੇ ਹੋਏ ਖਰੜ ਦੇ ਰਹਿਣ ਵਾਲੇ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਦੇ ਵਕੀਲ ਐਡਵੋਕੇਟ ਮਨੀਸ਼ ਭਾਰਦਵਾਜ ਨੂੰ ਗਰੁੱਪ ਦਾ ਲੀਗਲ ਐਡਵਾਈਜ਼ਰ ਨਿਯੁਕਤ ਕੀਤਾ ਗਿਆ ਹੈ | ਇਸ ਮੌਕੇ ਸੁਧੀਰ ਗੁਲੇਰੀਆ ਨੇ ਗੱਲਬਾਤ ਕਰਦਿਆਂ ਕਿਹਾ ਕਿ ਐਡਵੋਕੇਟ ਮਨੀਸ਼ ਭਾਰਦਵਾਜ ਦੀ ਨਿਯੁਕਤੀ ਨਾਲ ਸ਼ਹਿਰ ਦੇ ਵਿਕਾਸ 'ਚ ਤੇਜੀ ਆਵੇਗੀ | ਉਨ੍ਹਾਂ ਕਿਹਾ ਕਿ ਗਰੁੱਪ ਕੋਲ ਆਪਣੀ ਲੀਗਲ ਟੀਮ ਹੈ, ਜੋ ਕਿ ਲੋਕ ਮੁੱਦਿਆਂ 'ਤੇ ਸਮੇਂ-ਸਮੇਂ ਸਿਰ ਨਗਰ ਕੌਂਸਲ ਖਰੜ ਤੇ ਸਰਕਾਰ ਖ਼ਿਲਾਫ਼ ਕਾਨੂੰਨੀ ਕਾਰਵਾਈ ਕਰਕੇ ਹਾਈਕੋਰਟ ਰਾਹੀਂ ਜਵਾਬ ਮੰਗੇਗੀ | ਉਨ੍ਹਾਂ ਕਿਹਾ ਕਿ ਹੁਣ ਸ਼ਹਿਰ 'ਚ ਹੋਏ ਨਾਜਾਇਜ਼ ਕਬਜ਼ਿਆਂ ਤੇ ਨਾਜਾਇਜ਼ ਉਸਾਰੀਆਂ ਖ਼ਿਲਾਫ਼ ਹੋਰ ਵੀ ਮਜ਼ਬੂਤੀ ਨਾਲ ਲੜਾਈ ਲੜੀ ਜਾਵੇਗੀ |
