ਪਿੰਡ ਮਹਿਮਾ ਸਰਕਾਰੀ ਵਿਖੇ ਭਾਰਤੀ ਮਿਆਰ ਬਿਊਰੋ ਵਲੋਂ ਗ੍ਰਾਮ ਚੌਪਾਲ ਕਰਵਾਈ
ਮਹਿਮਾ ਸਰਜਾ, 28 ਸਤੰਬਰ (ਬਲਦੇਵ ਸੰਧੂ)- ਭਾਰਤੀ ਮਿਆਰ ਬਿਊਰੋ ਦੀ ਚੰਡੀਗੜ੍ਹ ਸ਼ਾਖਾ ਨੇ ਸੰਕਲਪ ਐਜੂਕੇਸ਼ਨਲ ਵੈਲਫ਼ੇਅਰ ਸੁਸਾਇਟੀ ਦੇ ਸਹਿਯੋਗ ਨਾਲ ਪਿੰਡ ਮਹਿਮਾ ਸਰਕਾਰੀ ਵਿਖੇ ਵਿਸ਼ਵ ਮਾਨਕ ਦਿਵਸ 2026 ਨੂੰ ਸਮਰਪਿਤ ਗ੍ਰਾਮ ਚੌਪਾਲ ਕਰਵਾਈ। ਪ੍ਰੋਗਰਾਮ ਵਿਚ ਬੀ.
ਮਹਿਮਾ ਸਰਜਾ, 28 ਸਤੰਬਰ (ਬਲਦੇਵ ਸੰਧੂ)- ਭਾਰਤੀ ਮਿਆਰ ਬਿਊਰੋ ਦੀ ਚੰਡੀਗੜ੍ਹ ਸ਼ਾਖਾ ਨੇ ਸੰਕਲਪ ਐਜੂਕੇਸ਼ਨਲ ਵੈਲਫ਼ੇਅਰ ਸੁਸਾਇਟੀ ਦੇ ਸਹਿਯੋਗ ਨਾਲ ਪਿੰਡ ਮਹਿਮਾ ਸਰਕਾਰੀ ਵਿਖੇ ਵਿਸ਼ਵ ਮਾਨਕ ਦਿਵਸ 2026 ਨੂੰ ਸਮਰਪਿਤ ਗ੍ਰਾਮ ਚੌਪਾਲ ਕਰਵਾਈ। ਪ੍ਰੋਗਰਾਮ ਵਿਚ ਬੀ.ਆਈ.ਐਸ. ਮਿਆਰਾਂ, ਆਈ.ਐਸ.ਆਈ. ਮਾਰਕਾ ਅਤੇ ਹਾਲਮਾਰਕਿੰਗ ਬਾਰੇ ਲੋਕਾਂ ਨੂੰ ਜਾਗਰੂਕ ਕੀਤਾ ਗਿਆ। ਬੀ.ਆਈ.ਐਸ. ਦੇ ਰਿਸੋਰਸ ਪਰਸਨ ਨਰਿੰਦਰ ਸਿੰਘ ਪੰਮਾ ਸੰਧੂ ਨੇ ਕਿਹਾ ਕਿ ਮਿਆ ਰ ਉਤਪਾਦ ਦੀ ਗੁਣਵੱਤਾ, ਸੁਰੱਖਿਆ ਅਤੇ ਭਰੋਸੇ ਨਾਲ ਜੁੜੇ ਹੁੰਦੇ ਹਨ। ਉਨ੍ਹਾਂ ਨੇ ਬਿਜਲੀ ਦੇ ਸਮਾਨ, ਗੈਸ ਉਪਕਰਣ, ਹੈਲਮੈਟ, ਸੀਮੈਂਟ, ਸਟੀਲ ਅਤੇ ਪੈਕ ਕੀਤੇ ਸਾਮਾਨ ਦੀ ਖਰੀਦ ਸਮੇਂ ਆਈ. ਐਸ. ਆਈ. ਮਾਰਕਾ ਤੇ ਹਾਲਮਾਰਕ ਦੀ ਜਾਂਚ ਕਰਨ ਦੀ ਅਪੀਲ ਕੀਤੀ। ਉਨ੍ਹਾਂ ਨੇ ਅਸਲੀ-ਨਕਲੀ ਸਾਮਾਨ ਦੀ ਪਛਾਣ ਲਈ ਬੀ.ਆਈ.ਐਸ. ਕੇਅਰ ਐਪ ਦੀ ਵਰਤੋਂ ਬਾਰੇ ਵੀ ਜਾਣਕਾਰੀ ਦਿੱਤੀ। ਇਹ ਪ੍ਰੋਗਰਾਮ ਬੀ.ਆਈ.ਐਸ. ਚੰਡੀਗੜ੍ਹ ਸ਼ਾਖਾ ਦੀ ਡਾਇਰੈਕਟਰ ਸ਼ਾਲੂ ਵਰਸ਼ਨੇ ਦੀ ਅਗਵਾਈ ਹੇਠ, ਗ੍ਰਾਮ ਪੰਚਾਇਤ ਮਹਿਮਾ ਸਰਕਾਰੀ ਅਤੇ ਸਮਾਜ ਸੇਵਕ ਜਗਤਾਰ ਸਿੰਘ ਮਾਨ ਦੇ ਸਹਿਯੋਗ ਨਾਲ ਕਰਵਾਇਆ ਗਿਆ। ਸਰਪੰਚ ਮੇਲ ਕੌਰ ਨੇ ਉਪਰਾਲੇ ਦੀ ਸ਼ਲਾਘਾ ਕੀਤੀ। ਇਸ ਮੌਕੇ ਸਰਪੰਚ ਬਲਤੇਜ ਸਿੰਘ, ਕੁਲਦੀਪ ਸਿੰਘ ਮਾਨ, ਜਗਤਾਰ ਸਿੰਘ ਮਾਨ, ਜਸਅਮ੍ਰਿਤ ਸਿੰਘ ਮਾਨ, ਜਸਪਾਲ ਸਿੰਘ, ਭਵਕੀਰਤ ਸਿੰਘ ਸੰਧੂ ਅਤੇ ਪੰਚਾਇਤ ਨੁਮਾਇੰਦੇ ਹਾਜ਼ਰ ਸਨ।
