ਵੇਦਾਂਤਾ ਪਾਵਰ ਦੀ ਦੂਜੀ ਤਿਮਾਹੀ ’ਚ ਬਿਜਲੀ ਵਿੱਕਰੀ 26 ਫ਼ੀਸਦੀ ਵਧੀ ਪਹਿਲੀ ਛਿਮਾਹੀ ’ਚ 10 ਹਜ਼ਾਰ 817 ਮਿਲੀਅਨ ਯੂਨਿਟ ਦੀ ਵਿੱਕਰੀ
ਮਾਨਸਾ, 5 ਅਕਤੂਬਰ (ਬਲਵਿੰਦਰ ਸਿੰਘ ਧਾਲੀਵਾਲ)- ਵੇਦਾਂਤਾ ਪਾਵਰ ਲਿਮਟਿਡ ਨੇ ਵਿੱਤੀ ਸਾਲ 2027 ਦੀ ਦੂਜੀ ਤਿਮਾਹੀ ਦੌਰਾਨ ਹੁਣ ਤੱਕ ਦੀ ਸਭ ਤੋਂ ਵੱਧ 5 ਹਜ਼ਾਰ 593 ਮਿਲੀਅਨ ਯੂਨਿਟ ਬਿਜਲੀ ਦੀ ਵਿੱਕਰੀ ਦਰਜ ਕੀਤੀ ਹੈ। ਇਹ ਵਿੱਕਰੀ ਪਿਛਲੇ ਸਾਲ ਦੀ ਮਿਆਦ ਦੇ ਮੁਕਾਬਲੇ 26 ਫ਼ੀਸਦੀ ਵੱਧ ਹੈ ।
ਮਾਨਸਾ, 5 ਅਕਤੂਬਰ (ਬਲਵਿੰਦਰ ਸਿੰਘ ਧਾਲੀਵਾਲ)- ਵੇਦਾਂਤਾ ਪਾਵਰ ਲਿਮਟਿਡ ਨੇ ਵਿੱਤੀ ਸਾਲ 2027 ਦੀ ਦੂਜੀ ਤਿਮਾਹੀ ਦੌਰਾਨ ਹੁਣ ਤੱਕ ਦੀ ਸਭ ਤੋਂ ਵੱਧ 5 ਹਜ਼ਾਰ 593 ਮਿਲੀਅਨ ਯੂਨਿਟ ਬਿਜਲੀ ਦੀ ਵਿੱਕਰੀ ਦਰਜ ਕੀਤੀ ਹੈ। ਇਹ ਵਿੱਕਰੀ ਪਿਛਲੇ ਸਾਲ ਦੀ ਮਿਆਦ ਦੇ ਮੁਕਾਬਲੇ 26 ਫ਼ੀਸਦੀ ਵੱਧ ਹੈ । ਇਸੇ ਤਰ੍ਹਾਂ ਪਹਿਲੀ ਛਿਮਾਹੀ ’ਚ ਵੀ ਕੰਪਨੀ ਨੇ 10 ਹਜ਼ਾਰ 817 ਮਿਲੀਅਨ ਯੂਨਿਟ ਬਿਜਲੀ ਵੇਚੀ, ਜਿਸ ’ਚ ਸਾਲਾਨਾ ਆਧਾਰ ’ਤੇ 32 ਫ਼ੀਸਦੀ ਵਾਧਾ ਦਰਜ ਕੀਤਾ ਗਿਆ ਹੈ। ਜ਼ਿਲ੍ਹੇ ਦੇ ਪਿੰਡ ਬਣਾਂਵਾਲਾ ਵਿਖੇ ਸਥਿਤ ਤਲਵੰਡੀ ਸਾਬੋ ਤਾਪ ਘਰ ਦੇ ਸੀ.ਈ.ਓ. ਪਕੰਜ ਸ਼ਰਮਾ ਨੇ ਦੱਸਿਆ ਕਿ ਵਿੱਕਰੀ ’ਚ ਇਹ ਵਾਧਾ ਮੀਨਾਕਸ਼ੀ ਐਨਰਜੀ ਅਤੇ ਝਾਰਸੁਗੁੜਾ ਥਰਮਲ ਪਲਾਂਟ ਦੀ ਬਿਹਤਰ ਕਾਰਗੁਜ਼ਾਰੀ ਸਦਕਾ ਸੰਭਵ ਹੋਇਆ। ਉਨ੍ਹਾਂ ਦੱਸਿਆ ਕਿ ਮੀਨਾਕਸ਼ੀ ਐਨਰਜੀ ਦੀ ਦੂਜੀ ਤਿਮਾਹੀ ਦੀ ਬਿਜਲੀ ਵਿੱਕਰੀ 111 ਫ਼ੀਸਦੀ ਦੇ ਵਾਧੇ ਨਾਲ 1 ਹਜ਼ਾਰ 470 ਮਿਲੀਅਨ ਯੂਨਿਟ ਹੋ ਗਈ ਜਦਕਿ ਪਹਿਲੀ ਛਿਮਾਹੀ ’ਚ ਵਿੱਕਰੀ 2 ਹਜ਼ਾਰ 820 ਮਿਲੀਅਨ ਯੂਨਿਟ ਰਹੀ, ਜੋ ਪਿਛਲੇ ਸਾਲ ਨਾਲੋਂ 160 ਫ਼ੀਸਦੀ ਵੱਧ ਹੈ। ਉਨ੍ਹਾਂ ਦੱਸਿਆ ਕਿ ਇਹ ਵਾਧਾ ਪਲਾਂਟ ਦੀ ਵਧੀ ਹੋਈ 1 ਹਜ਼ਾਰ ਮੈਗਾਵਾਟ ਸਮਰੱਥਾ ਦੇ ਸੰਚਾਲਨ ਨਾਲ ਵੀ ਜੁੜਿਆ ਹੈ। ਉਨ੍ਹਾਂ ਦੱਸਿਆ ਕਿ ਤਲਵੰਡੀ ਸਾਬੋ ਥਰਮਲ ਪਲਾਂਟ ਦੀ ਦੂਜੀ ਤਿਮਾਹੀ ’ਚ ਬਿਜਲੀ ਵਿੱਕਰੀ 2 ਹਜ਼ਾਰ 945 ਮਿਲੀਅਨ ਯੂਨਿਟ ਰਹੀ, ਜੋ ਪਿਛਲੇ ਸਾਲ ਨਾਲੋਂ 6 ਫ਼ੀਸਦੀ ਵੱਧ ਹੈ। ਪਹਿਲੀ ਛਿਮਾਹੀ ’ਚ ਪਲਾਂਟ ਨੇ 5 ਹਜ਼ਾਰ 668 ਮਿਲੀਅਨ ਯੂਨਿਟ ਬਿਜਲੀ ਦੀ ਵਿੱਕਰੀ ਕੀਤੀ ਸੀ। ਇਸ ਦੌਰਾਨ ਪਲਾਂਟ ਦੀ ਉਪਲਬਧਤਾ 86 ਫ਼ੀਸਦੀ ਰਹੀ, ਜੋ ਪੰਜਾਬ ਸਰਕਾਰ ਨਾਲ ਹੋਏ ਬਿਜਲੀ ਖ਼ਰੀਦ ਸਮਝੌਤੇ ਤਹਿਤ ਨਿਰਧਾਰਿਤ 80 ਫ਼ੀਸਦੀ ਮਿਆਰੀ ਪੱਧਰ ਤੋਂ ਵੱਧ ਹੈ।
