ਨੂਰਪੁਰ ਬੇਦੀ, 2 ਜਨਵਰੀ (ਪੱਤਰ ਪ੍ਰੇਰਕ)-ਨਵੇਂ ਵਰ੍ਹੇ ਮੌਕੇ ਨੂਰਪੁਰ ਬੇਦੀ ਇਲਾਕੇ ਦੇ ਤਖ਼ਤਗੜ੍ਹ ਤੇ ਕਲਮਾਂ ਜ਼ਿਲ੍ਹਾ ਪ੍ਰੀਸ਼ਦ ਜ਼ੋਨ ਤੋਂ ਚੁਣੇ ਗਏ ਦੋ ਮੈਂਬਰਾਂ ਦਾ ਸ਼ੋਸ਼ਲ ਫਰੈਂਡਜ਼ ਗਰੁੱਪ ਵਲੋਂ ਵਿਸ਼ੇਸ਼ ਤੌਰ ਤੇ ਸਨਮਾਨ ਕੀਤਾ ਗਿਆ | ਇਸ ਮੌਕੇ ਨਵ ਨਿਯੁਕਤ ਜ਼ਿਲ੍ਹਾ ਪ੍ਰੀਸ਼ਦ ਮੈਂਬਰ ਜਰਨੈਲ ਸਿੰਘ ਲਾਲੀ ਅਤੇ ਦੇਸ ਰਾਜ ਸੈਣੀਮਾਜਰਾ ਦਾ ਸਿਰੋਪਾਉ ਦੇ ਕੇ ਸਨਮਾਨ ਕੀਤਾ ਗਿਆ | ਸੋਸ਼ਲ ਗਰੁੱਪ ਦੇ ਮੈਂਬਰਾਂ ਕੇਸਰ ਸਿੰਘ ਮੂਸਾਪੁਰ, ਕਰਨੈਲ ਸਿੰਘ ਆਜ਼ਮਪੁਰ, ਲੈਕ. ਪਾਲੀ ਰਾਏਪੁਰ, ਲੈਕ. ਚਰਨਜੀਤ ਸਿੰਘ ਠਾਣਾ, ਨਿਰਮਲ ਸਿੰਘ ਲਾਲਪੁਰ, ਸੁੁਰਿੰਦਰ ਸੈਣੀ ਬੜਵਾ, ਹਰਦੀਪ ਸਿੰਘ ਬਿੱਲਪੁਰ ਅਤੇ ਨਿਰਮਲ ਸਿੰਘ ਰੌਲੀ ਨੇ ਜਿੱਥੇ ਇਸ 10 ਮੈਂਬਰੀ ਗਰੁੱਪ ਵਿਚੋਂ ਦੋ ਮੈਂਬਰਾਂ ਦਾ ਜ਼ਿਲ੍ਹਾ ਪ੍ਰੀਸ਼ਦ ਮੈਂਬਰ ਬਣਨ 'ਤੇ ਮਾਣ ਮਹਿਸੂਸ ਕੀਤਾ ਉੱਥੇ ਉਹਨਾਂ ਨੇ ਨਵੇਂ ਚੁਣੇ ਦੋਨੋਂ ਮੈਂਬਰਾਂ ਲਾਲੀ ਤੇ ਸੈਣੀ ਨੂੰ ਮੁਬਾਰਕਬਾਦ ਵੀ ਦਿੱਤੀ | ਨਵੇਂ ਚੁਣੇ ਜ਼ਿਲ੍ਹਾ ਪ੍ਰੀਸ਼ਦ ਮੈਂਬਰ ਦੇਸ ਰਾਜ ਸੈਣੀ ਮਾਜਰਾ ਤੇ ਜਰਨੈਲ ਸਿੰਘ ਲਾਲੀ ਨੇ ਜਿੱਥੇ ਸਭ ਨੂੰ ਨਵੇਂ ਸਾਲ ਦੀ ਵਧਾਈ ਦਿੱਤੀ ਉੱਥੇ ਉਹਨਾਂ ਨੇ ਕਿਹਾ ਕਿ ਉਹਨਾਂ ਨੂੰ ਮਾਣ ਹੈ ਕਿ ਉਹ 10 ਮੈਂਬਰੀ ਸ਼ੋਸ਼ਲ ਗਰੁੱਪ ਦੇ ਮੈਂਬਰ ਹਨ | ਦੋਨਾਂ ਦੇ ਜ਼ਿਲ੍ਹਾ ਪ੍ਰੀਸ਼ਦ ਲਈ ਚੁਣੇ ਜਾਣਾ ਵੀ ਮਾਣ ਵਾਲੀ ਗੱਲ ਹੈ | ਉਨ੍ਹਾਂ ਸਮੂਹ ਲੋਕਾਂ ਦਾ ਵੀ ਧੰਨਵਾਦ ਕੀਤਾ |
