ਘਨੌਲੀ, 25 ਜਨਵਰੀ (ਜਸਵੀਰ ਸਿੰਘ ਸੈਣੀ)-ਰੇਲਵੇ ਪੁਲਿਸ ਵਲੋਂ 26 ਜਨਵਰੀ ਦੇ ਮੱਦੇਨਜ਼ਰ ਅਤੇ ਸਰਹੰਦ ਵਿਖੇ ਹੋਏ ਰੇਲਵੇ ਸਟੇਸ਼ਨ ਤੇ ਬੰਬ ਬਲਾਸਟ ਨੂੰ ਧਿਆਨ ਵਿਚ ਰੱਖਦਿਆਂ ਹੋਇਆ ਰੇਲਵੇ ਸਟੇਸ਼ਨ ਰੂਪਨਗਰ ਦੇ ਰੇਲਵੇ ਪੁਲਿਸ ਏਐਸਆਈ ਸੁਗਰੀਵ ਚੰਦ ਦੀ ਅਗਵਾਈ ਹੇਠ ਪੁਲਿਸ ਪਾਰਟੀ ਵਲੋਂ ਘਨੌਲੀ ਰੇਲਵੇ ਸਟੇਸ਼ਨ ਦੀ ਵਿਸ਼ੇਸ਼ ਚੈਕਿੰਗ ਕੀਤੀ ਗਈ | ਉਨ੍ਹਾਂ ਵਲੋਂ ਰੇਲਵੇ ਸਟੇਸ਼ਨ ਤੇ ਬੈਠੇ ਵਿਅਕਤੀਆਂ ਦੀ ਵੀ ਤਲਾਸ਼ੀ ਲਈ ਗਈ ਅਤੇ ਪੁੱਛ ਗਿੱਛ ਕੀਤੀ ਗਈ | ਉਨ੍ਹਾਂ ਨੇ ਕਿਹਾ ਕਿ ਜਿਹੜੇ ਰੇਲਵੇ ਸਟੇਸ਼ਨ ਘਨੌਲੀ ਤੇ ਜੋ ਆਪਣੇ ਵਹੀਕਲ ਖੜ੍ਹੇ ਕਰਦੇ ਹਨ ਉਨ੍ਹਾਂ ਨੂੰ ਤਾੜਨਾ ਕੀਤੀ ਕਿ ਕੋਈ ਵੀ ਵਹੀਕਲ ਰੇਲਵੇ ਸਟੇਸ਼ਨ ਤੇ ਨਾ ਖੜ੍ਹਾ ਕੀਤਾ ਜਾਵੇ | ਇਸ ਵਿਚ ਰੇਲਵੇ ਪੁਲਿਸ ਦੀ ਕੋਈ ਜ਼ਿੰਮੇਵਾਰੀ ਨਹੀਂ ਹੋਵੇਗੀ | ਇਸ ਮੌਕੇ ਏਐਸਆਈ ਸੁਗਰੀਵ ਚੰਦ ਇੰਚਾਰਜ ਰੇਲਵੇ ਪੁਲਿਸ ਰੂਪਨਗਰ, ਏ.ਐਸ.ਆਈ. ਅਤਰ ਸਿੰਘ ਏਐਸਆਈ ਖੇਮ ਸਿੰਘ , ਹੌਲਦਾਰ ਸਿਧਾਰਥ, ਲਖਬੀਰ ਸਿੰਘ ਆਰ.ਪੀ.ਐਫ., ਰਜਨੀਸ ਆਰ.ਪੀ.ਐਫ., ਇੰਜੀਨੀਅਰ ਡਿਪਾਰਟਮੈਂਟ ਮੋਹਿਤ ਕੁਮਾਰ, ਆਦਿ ਹਾਜ਼ਰ ਸਨ |
