22-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 12-03-2026

ਸਫ਼ਾਈ ਪ੍ਰਬੰਧ ਠੀਕ ਨਾ ਹੋਣ ਕਾਰਨ ਮਾਨਸਿਕ ਸੰਤਾਪ ਹੰਢਾਅ ਰਹੇ ਨੰਗਲ ਦੇ ਲੋਕ

Ad Position 21
No active advertisement
ਕਿਲਨ ਏਰੀਆ ਲਾਗੇ ਸੜਕ 'ਤੇ ਘੁੰਮਦੇ ਬੇਸਹਾਰਾ ਜਾਨਵਰ | (ਸੱਜੇ) ਡਬਲ ਐਫ. ਬਲਾਕ ਲਾਗੇ ਪਿਆ ਕੂੜਾ | <br/> ਦੁਰਦਸ਼ਾ ਹੰਢਾਅ ਰਿਹਾ ਹੈ ਸੁਸ਼ੀਲ ਮਾਰਗ ਦਾ ਨਿਕਾਸੀ ਨਾਲਾ | <br/> 12-03-2026
ਨੰਗਲ, 11 ਮਾਰਚ (ਗੁਰਪ੍ਰੀਤ ਸਿੰਘ ਗਰੇਵਾਲ)-ਵੱਡੇ ਬਜਟ ਵਾਲੀ ਨੰਗਲ ਨਗਰ ਕੌਂਸਲ, ਭਾਖੜਾ ਬਿਆਸ ਪ੍ਰਬੰਧ ਬੋਰਡ, ਐਨ.ਐਫ.ਐਲ. ਵਰਗੇ ਵੱਡੇ ਅਦਾਰਿਆ ਦੀ ਹੋਂਦ ਦੇ ਬਾਵਜੂਦ 5-7 ਕਿ.ਮੀ. 'ਚ ਫੈਲੇ 40000 ਦੀ ਅਬਾਦੀ ਵਾਲੇ ਨੰਗਲ 'ਚ ਸਫ਼ਾਈ ਪ੍ਰਬੰਧ ਠੀਕ ਨਹੀਂ ਹਨ | ਥਾਂ-ਥਾਂ ਗੰਦਗੀ ਦੇ ਢੇਰ ਲੱਗੇ ਹਨ ਅਤੇ ਨਿਕਾਸੀ ਨਾਲਿਆਂ ਦੀ ਸਫ਼ਾਈ ਨਹੀਂ ਹੋ ਰਹੀ | ਜਨਤਕ ਪਖਾਨੇ ਦੁਰਦਸ਼ਾ ਹੰਢਾਅ ਰਹੇ ਹਨ | ਬੇਸਹਾਰਾ ਜਾਨਵਰਾਂ ਦੀ ਭਰਮਾਰ ਨਾਸੂਰ ਸਮੱਸਿਆ ਬਣ ਚੁੱਕੀ ਹੈ | ਕੋਈ ਸੜਕ, ਕੋਈ ਪਾਰਕ, ਕੋਈ ਬਾਜ਼ਾਰ ਅਜਿਹਾ ਨਹੀਂ, ਜਿੱਥੇ ਬੇਸਹਾਰਾ ਜਾਨਵਰ ਨਾ ਘੁੰਮਦੇ ਹੋਣ | ਬੇਸਹਾਰਾ ਜਾਨਵਰਾਂ ਦੀ ਭਰਮਾਰ ਕਾਰਨ ਨਾ ਸਿਰਫ ''ਸਵੱਛ ਭਾਰਤ ਮੁਹਿੰਮ'' ਦੀ ਫੂਕ ਨਿਕਲ ਚੁੱਕੀ ਹੈ, ਸਗੋਂ ਸੜਕ ਹਾਦਸੇ ਵੀ ਵਧ ਗਏ ਹਨ | ਨਿੱਤ ਸੜਕਾਂ 'ਤੇ ਭਿੜਦੇ ਢੱਠੇ ਲੋਕਾਂ ਦੀਆਂ ਗੱਡੀਆਂ ਤੱਕ ਭੰਨ ਰਹੇ ਹਨ | ਢੱਠੇ ਵਲੋਂ ਕੀਤੇ ਹਮਲੇ 'ਚ ਨੰਗਲ ਦੇ ਲੋਕ ਪ੍ਰਸਿੱਧ ਯੋਗਾ ਗੁਰੂ ਸਵਰਗੀ ਪ੍ਰੇਮ ਪ੍ਰਕਾਸ਼ ਨਿਸ਼ਕਾਮ ਨੂੰ ਗਵਾ ਚੁੱਕੇ ਹਨ | ਸ਼ਹਿਰ ਦਾ ਸੀਵਰੇਜ਼ ਸਿਸਟਮ ਵੀ ਤਰੁੱਟੀਆਂ ਭਰਿਆ ਹੈ ਜਿਸ ਕਾਰਨ ਨਿੱਤ ਹੀ ਕਿਤੇ ਨਾ ਕਿਤੇ ਲੀਕੇਜ ਰਹਿੰਦੀ ਹੈ | ਆਰ.ਟੀ.ਆਈ. ਕਾਰਕੁਨ ਯੋਗੇਸ਼ ਸੱਚਦੇਵਾ ਦੱਸਿਆ ਕਿ ਸਰਕਾਰੀ ਘਰਾਂ 'ਚ ਸਰਕਾਰੀ ਮੁਲਾਜ਼ਮ ਨੇ ਆਦਮ ਕੱਦ ਕੁੱਤੇ ਰੱਖੇ ਹਨ, ਜਦੋਂ ਕਿ ਸਰਕਾਰੀ ਨਿਯਮ ਆਗਿਆ ਨਹੀਂ ਦਿੰਦੇ | ਕਿਤੇ ਵੀ, ਕੋਈ ਵੀ ਕੂੜਾ ਤੇ ਪੱਤੇ ਸਾੜ ਰਿਹਾ ਹੈ, ਜਦੋਂ ਕਿ ਨੰਗਲ ਦੀ ਹਵਾ ਗੁਣਵੱਤਾ ਮਾੜੀ ਹੋ ਰਹੀ ਹੈ | ਸਫ਼ਾਈ ਪ੍ਰਬੰਧ ਵਿਗੜਨ ਦਾ ਇੱਕ ਅਹਿਮ ਕਾਰਨ ਇਹ ਵੀ ਹੈ ਕਿ ਨਗਰ ਕੌਂਸਲ ਦੇ ਸਫ਼ਾਈ ਕਰਮਚਾਰੀਆਂ ਨੂੰ ਸ਼ਹਿਰੋਂ ਬਾਹਰ ਹੋਰਨੀ ਥਾਂਈਾ ਭੇਜਣ ਦਾ ਪੱਕਾ ਰਿਵਾਜ਼ ਵਰਿ੍ਹਆਂ ਤੋਂ ਚੱਲ ਰਿਹਾ ਹੈ | ਨੰਗਲ ਨਗਰ ਕੌਂਸਲ ਦੇ ਪ੍ਰਧਾਨ ਸੰਜੈ ਸਾਹਨੀ ਨੇ ਦੱਸਿਆ ਕਿ ਅਸੀਂ ਤਾਂ ਤਿਉਹਾਰਾਂ ਦੇ ਸੀਜ਼ਨ 'ਚ ਰਾਤ ਨੂੰ ਵੀ ਸਫ਼ਾਈ ਕਰਵਾਉਂਦੇ ਹਾਂ | ਆਵਾਰਾ ਢੱਠਿਆਂ ਵੀ ਸਮੱਸਿਆ ਸੱਚੀਂ ਗੰਭੀਰ ਹੈ | ਕਿਉਂਕਿ ਲੋਕੀਂ ਰਾਤ ਬਰਾਤੇ ਦੂਜੇ ਸ਼ਹਿਰਾਂ ਤੋਂ ਲਿਆ ਕੇ ਜਾਨਵਰ ਛੱਡ ਜਾਂਦੇ ਹਨ | ਕੌਂਸਲਰ ਪਰਮਜੀਤ ਸਿੰਘ ਪੰਮਾ ਨੇ ਦੱਸਿਆ ਕਿ ਹਰ ਕੌਂਸਲਰ ਨੂੰ ਵਿੱਤੀ ਸ਼ਕਤੀਆਂ ਦੇਣ ਦੀ ਲੋੜ ਹੈ | ਕੌਂਸਲਰ ਕੋਲ ਕੋਈ ਫੰਡ ਨਹੀਂ ਹੁੰਦਾ, ਹਰੇਕ ਮਤਾ ਚੰਡੀਗੜ੍ਹ ਜਾਂਦਾ ਹੈ, ਮੁੜ ਲੱਭਦਾ ਹੀ ਨਹੀਂ |

Ad Position 22
No active advertisement
ਪਿਛਲੀ ਖ਼ਬਰ ਸੀ.ਟੀ. ਗਰੁੱਪ ਨੇ ਮਕਸੂਦਾਂ ਕੈਂਪਸ ਵਿਖੇ ਅੰਤਰ ਵਿਭਾਗ ਅਥਲੈਟਿਕਸ ਮੀਟ ਕਰਵਾਈ ਅਗਲੀ ਖ਼ਬਰ ਰਿਆਤ ਬਾਹਰਾ ਯੂਨੀਵਰਸਿਟੀ 'ਚ 'ਨਾਰੀ ਸ਼ਕਤੀ ਸਨਮਾਨ' ਸਮਾਰੋਹ ਕਰਵਾਇਆ <br/>
Ad Position 24