ਰੂਪਨਗਰ

ਭਾਜਪਾ ਨੇ ਅਨੁਸ਼ਾਸਨਹੀਨਤਾ 'ਤੇ ਸਖ਼ਤ ਕਾਰਵਾਈ ਕਰਦਿਆਂ ਕਈ ਕਾਰਕੁਨਾਂ ਨੂੰ ਪਾਰਟੀ ਤੋਂ ਕੱਢਿਆ

ਅ

ਅਜੀਤ ਡੈਸਕ 03-05-2026

ਪੰਚਕੂਲਾ, 2 ਮਈ (ਕਪਿਲ)-ਭਾਜਪਾ ਪੰਚਕੂਲਾ ਦੇ ਜ਼ਿਲ੍ਹਾ ਪ੍ਰਧਾਨ ਅਜੈ ਮਿੱਤਲ ਨੇ ਪਾਰਟੀ ਵਿਰੋਧੀ ਗਤੀਵਿਧੀਆਂ ਵਿਚ ਸ਼ਾਮਿਲ ਕਾਰਕੁਨਾਂ ਖ਼ਿਲਾਫ਼ ਸਖ਼ਤ ਕਾਰਵਾਈ ਕਰਦਿਆਂ ਉਨ੍ਹਾਂ ਨੂੰ ਪਾਰਟੀ ਦੀ ਪ੍ਰਾਇਮਰੀ ਮੈਂਬਰਸ਼ਿਪ ਤੋਂ ਤੁਰੰਤ ਪ੍ਰਭਾਵ ਨਾਲ ਕੱਢ ਦਿੱਤਾ ਹੈ | ਪਾਰਟੀ ਤੋਂ ਕੱਢੇ ਗਏ ਕਾਰਕੁਨਾਂ ਵਿਚ ਵਾਰਡ ਨੰਬਰ 3 ਤੋਂ ਵੀਨੂ ਰਾਵ, ਵਾਰਡ ਨੰਬਰ 12 ਤੋਂ ਓਮਵਤੀ ਪੁਨੀਆ ਤੇ ਸੁਖਬੀਰ ਪੁਨੀਆ, ਵਾਰਡ ਨੰਬਰ 7 ਤੋਂ ਭਾਨੂ ਪ੍ਰਤਾਪ ਤੇ ਜਸਬੀਰ ਬਿੜਲਾਨ (ਜੱਸੀ) ਦੇ ਨਾਂਅ ਸ਼ਾਮਿਲ ਹਨ | ਇਸ ਸੰਬੰਧੀ ਜ਼ਿਲ੍ਹਾ ਪ੍ਰਧਾਨ ਨੇ ਕਿਹਾ ਕਿ ਪੰਚਕੂਲਾ ਵਿਚ ਚੱਲ ਰਹੀਆਂ ਨਗਰ ਨਿਗਮ ਚੋਣਾਂ ਦੌਰਾਨ ਕੁਝ ਕਾਰਕੁਨਾਂ ਵਲੋਂ ਪਾਰਟੀ ਦੇ ਅਧਿਕਾਰਤ ਉਮੀਦਵਾਰਾਂ ਖ਼ਿਲਾਫ਼ ਕੰਮ ਕੀਤਾ ਜਾ ਰਿਹਾ ਸੀ | ਇਸ ਦੇ ਨਾਲ ਹੀ ਕੁਝ ਕਾਰਕੁਨ ਸੁਤੰਤਰ ਉਮੀਦਵਾਰ ਵਜੋਂ ਚੋਣ ਮੈਦਾਨ ਵਿਚ ਉਤਰੇ ਜਿਸ ਨਾਲ ਪਾਰਟੀ ਅਨੁਸ਼ਾਸਨ ਦੀ ਉਲੰਘਣਾ ਹੋਈ | ਉਨ੍ਹਾਂ ਦੱਸਿਆ ਕਿ ਪਾਰਟੀ ਦੀ ਉੱਚ ਲੀਡਰਸ਼ਿਪ ਨੇ ਇਸਨੂੰ ਗੰਭੀਰ ਅਨੁਸ਼ਾਸਨਹੀਨਤਾ ਮੰਨਦੇ ਹੋਏ ਸੰਬੰਧਿਤ ਕਾਰਕੁਨਾਂ ਨੂੰ ਤੁਰੰਤ ਪ੍ਰਭਾਵ ਨਾਲ ਭਾਜਪਾ ਦੀ ਪ੍ਰਾਇਮਰੀ ਮੈਂਬਰਸ਼ਿਪ ਤੋਂ ਕੱਢਣ ਦਾ ਫੈਸਲਾ ਕੀਤਾ ਹੈ |

ਪਿਛਲੀ ਖ਼ਬਰ ਸ੍ਰੀ ਅਨੰਦਪੁਰ ਸਾਹਿਬ ਪ੍ਰੀਮੀਅਰ ਲੀਗ ਕਰਕੇ ਵੱਖ-ਵੱਖ ਗਰਾਊਾਡਾਂ 'ਚ ਲੱਗੀਆਂ ਰੌਣਕਾਂ-5 ਨੂੰ ਹੋਵੇਗਾ ਫਾਈਨਲ ਮੁਕਾਬਲਾ... ਅਗਲੀ ਖ਼ਬਰ ਵਿਸ਼ਵ ਪ੍ਰੈੱਸ ਆਜ਼ਾਦੀ ਦਿਵਸ ਮਨਾਇਆ

ਭਾਜਪਾ ਨੇ ਅਨੁਸ਼ਾਸਨਹੀਨਤਾ 'ਤੇ ਸਖ਼ਤ ਕਾਰਵਾਈ ਕਰਦਿਆਂ ਕਈ ਕਾਰਕੁਨਾਂ ਨੂੰ ਪਾਰਟੀ ਤੋਂ ਕੱਢਿਆ

ਸੰਬੰਧਿਤ ਖ਼ਬਰਾਂ