ਨੰਗਲ, 14 ਮਈ (ਪ੍ਰੀਤਮ ਸਿੰਘ ਬਰਾਰੀ)- ਅਰਵਿੰਦ ਕੁਮਾਰ ਨੇ ਭਾਰਤ ਸਰਕਾਰ ਦੇ ਰਸਾਇਣ ਤੇ ਖਾਦ ਮੰਤਰਾਲੇ ਦੇ ਅਧੀਨ ਨਵਰਤਨ ਜਨਤਕ ਖੇਤਰ ਦੇ ਉੱਦਮ, ਨੈਸ਼ਨਲ ਫਰਟੀਲਾਈਜ਼ਰ ਲਿਮਟਿਡ ਵਿਚ ਡਾਇਰੈਕਟਰ (ਵਿੱਤ) ਵਜੋਂ ਅਹੁਦਾ ਸੰਭਾਲ ਲਿਆ ਹੈ | ਇਸ ਤੋਂ ਪਹਿਲਾਂ, ਉਹ ਇੰਡੀਅਨ ਆਇਲ ਕਾਰਪੋਰੇਸ਼ਨ ਲਿਮਟਿਡ ਤੇ ਹਿੰਦੁਸਤਾਨ ਉਰਵਰਕ ਐਂਡ ਰਸਾਇਣ ਲਿਮਟਿਡ 'ਚ ਵਿੱਤ ਵਿਭਾਗ ਵਿਚ ਸੀਨੀਅਰ ਅਹੁਦਿਆਂ 'ਤੇ ਕੰਮ ਕਰ ਚੁੱਕੇ ਹਨ | ਅਰਵਿੰਦ ਕੁਮਾਰ ਕੋਲ ਐਮ.ਕਾਮ ਦੀ ਵਿੱਦਿਅਕ ਯੋਗਤਾ ਹੈ | ਪੇਸ਼ੇਵਾਰ ਤੌਰ 'ਤੇ, ਉਹ 'ਇੰਸਟੀਚਿਊਟ ਆਫ਼ ਕਾਸਟ ਅਕਾਊਾਟੈਂਟਸ ਆਫ਼ ਇੰਡੀਆ' ਦੇ ਫੈਲੋ ਮੈਂਬਰ ਤੇ 'ਇੰਸਟੀਚਿਊਟ ਆਫ਼ ਕੰਪਨੀ ਸੈਕਟਰੀਜ਼ ਆਫ਼ ਇੰਡੀਆ' ਦੇ ਐਸੋਸੀਏਟ ਮੈਂਬਰ ਹਨ | ਉਨ੍ਹਾਂ ਕੋਲ ਵਿੱਤੀ ਪ੍ਰਬੰਧਨ, ਅੰਦਰੂਨੀ ਆਡਿਟ, ਬਜਟ, ਬੈਂਕਿੰਗ, ਟੈਕਸੇਸ਼ਨ, ਵਪਾਰਕ ਲੇਖਾਕਾਰੀ, ਕਾਰਪੋਰੇਟ ਗਵਰਨੈਂਸ ਤੇ ਰੈਗੂਲੇਟਰੀ ਪਾਲਣਾ ਦੇ ਖੇਤਰਾਂ 'ਚ ਵਿਭਿੰਨ ਤੇ ਡੂੰਘਾ ਅਨੁਭਵ ਹੈ | ਅਰਵਿੰਦ ਕੁਮਾਰ ਆਪਣੀ ਪੇਸ਼ੇਵਾਰ ਮੁਹਾਰਤ, ਵਿਸ਼ਲੇਸ਼ਣਾਤਮਿਕ ਦਿ੍ਸ਼ਟੀਕੋਣ ਤੇ ਵਿੱਤ, ਲੇਖਾ ਪੜਤਾਲ (ਆਡਿਟ) ਤੇ ਕਾਰਪੋਰੇਟ ਪ੍ਰਬੰਧਨ 'ਚ ਵਿਆਪਕ ਤਜਰਬੇ ਲਈ ਜਾਣੇ ਜਾਂਦੇ ਹਨ |
