ਮੋਰਿੰਡਾ, 30 ਮਈ (ਪਿ੍ਤਪਾਲ ਸਿੰਘ)- ਰੋਟਰੀ ਕਲੱਬ ਮੋਰਿੰਡਾ ਵਲੋਂ ਅਰੋੜਾ ਡੈਂਟਲ ਹਸਪਤਾਲ ਮੋਰਿੰਡਾ ਦੇ ਸਹਿਯੋਗ ਨਾਲ ਊਮਾ ਰਾਣਾ ਸਕੂਲ ਕੌਰਡੀਆਂ ਗਰੁੱਪ ਊਚਾ ਪਿੰਡ ਸੰਘੋਲ ਵਿਖੇ ਦੰਦਾਂ ਦਾ ਮੁਫ਼ਤ ਚੈਕਅੱਪ ਕੈਂਪ ਲਗਾਇਆ ਗਿਆ | ਰੋਟਰੀ ਕਲੱਬ ਦੇ ਸਕੱਤਰ ਡਾ. ਨਿਰਮਲ ਧੀਮਾਨ ਨੇ ਦੱਸਿਆ ਕਿ ਇਸ ਕੈਂਪ ਦੌਰਾਨ ਡਾ. ਸੰਦੀਪ ਅਰੋੜਾ, ਡਾ. ਸਾਲਣੀ ਅਰੋੜਾ ਆਦਿ ਡਾਕਟਰਾਂ ਦੀ ਟੀਮ ਵਲੋਂ 600 ਸਕੂਲੀ ਬੱਚਿਆਂ ਦੇ ਦੰਦਾਂ ਦੀ ਜਾਂਚ ਕੀਤੀ ਗਈ ਤੇ ਲੋੜਵੰਦਾਂ ਨੂੰ ਦਵਾਈਆਂ ਤੇ ਬਰੱਸ਼ ਕਰਨ ਤੇ ਦੰਦਾਂ ਦੀ ਸਫਾਈ ਬਾਰੇ ਜਾਣਕਾਰੀ ਦਿੱਤੀ ਗਈ | ਇਸ ਮੌਕੇ ਕੌਰਡੀਆਂ ਗਰੁੱਪ ਦੇ ਸੰਸਥਾਪਕ ਲਾਰਡ ਦਲਜੀਤ ਸਿੰਘ ਰਾਣਾ, ਉਰਮਿਲਾ ਰਾਣਾ, ਕੋਆਰਡੀਨੇਟਰ ਗੁਲੀਆ ਜੀ, ਸਮੂਹ ਸਟਾਫ, ਰੋਟਰੀ ਕਲੱਬ ਮੋਰਿੰਡਾ ਦੇ ਪ੍ਰਧਾਨ ਯਾਸੂ ਸੂਦ, ਪ੍ਰੋਜੈਕਟ ਚੇਅਰਮੈਨ ਰਜਿੰਦਰ ਸੱਚਦੇਵਾ, ਅਵਤਾਰ ਸਿੰਘ, ਗੁਰਵਿੰਦਰ ਸਿੰਘ ਰੀਹਲ, ਰਾਜ ਕੁਮਾਰ ਤਲਾਨੀ ਆਦਿ ਹਾਜ਼ਰ ਸਨ | ਇਸ ਮੌਕੇ ਪਿ੍ੰਸੀਪਲ ਡਾ. ਰਜਨੀ ਗੌੜ ਵੱਲੋਂ ਸਮੂਹ ਡਾਕਟਰਾਂ ਅਤੇ ਆਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ |
