ਪਿੰਡ ਹਵੇਲੀ ਖ਼ੁਰਦ ਵਾਸੀਆਂ ਲਈ ਵਾਟਰ ਟੈਂਕਰ ਦੇ ਨਾਲ ਫਾਇਰ ਕੰਟਰੋਲ ਸਿਸਟਮ ਭੇਟ
ਰੂਪਨਗਰ, 29 ਅਗਸਤ (ਸਟਾਫ਼ ਰਿਪੋਰਟਰ)- ਹਲਕਾ ਵਿਧਾਇਕ ਦਿਨੇਸ਼ ਚੱਢਾ ਦੀ ਪ੍ਰੇਰਨਾ ਸਦਕਾ ਗ੍ਰਾਮ ਪੰਚਾਇਤ ਹਵੇਲੀ ਖੁਰਦ ਵਲੋਂ ਪਿੰਡ ਵਾਸੀਆਂ ਦੀ ਸਹੂਲਤ ਲਈ ਵਾਟਰ ਟੈਂਕਰ ਤਿਆਰ ਕਰਵਾਇਆ ਗਿਆ ਹੈ। ਇਸ ਟੈਂਕਰ ਰਾਹੀਂ ਵੱਖ-ਵੱਖ ਵਾਰਡਾਂ ਵਿਚ ਪਾਣੀ ਦੀ ਸਪਲਾਈ ਦੇ ਨਾਲ-ਨਾਲ ਲੋੜ ਪੈਣ ’ਤੇ ਹੋਰ ਜਨਤਕ ਕੰਮ ਵੀ ਕੀਤੇ ਜਾ ਸਕਣਗੇ।
ਰੂਪਨਗਰ, 29 ਅਗਸਤ (ਸਟਾਫ਼ ਰਿਪੋਰਟਰ)- ਹਲਕਾ ਵਿਧਾਇਕ ਦਿਨੇਸ਼ ਚੱਢਾ ਦੀ ਪ੍ਰੇਰਨਾ ਸਦਕਾ ਗ੍ਰਾਮ ਪੰਚਾਇਤ ਹਵੇਲੀ ਖੁਰਦ ਵਲੋਂ ਪਿੰਡ ਵਾਸੀਆਂ ਦੀ ਸਹੂਲਤ ਲਈ ਵਾਟਰ ਟੈਂਕਰ ਤਿਆਰ ਕਰਵਾਇਆ ਗਿਆ ਹੈ। ਇਸ ਟੈਂਕਰ ਰਾਹੀਂ ਵੱਖ-ਵੱਖ ਵਾਰਡਾਂ ਵਿਚ ਪਾਣੀ ਦੀ ਸਪਲਾਈ ਦੇ ਨਾਲ-ਨਾਲ ਲੋੜ ਪੈਣ ’ਤੇ ਹੋਰ ਜਨਤਕ ਕੰਮ ਵੀ ਕੀਤੇ ਜਾ ਸਕਣਗੇ। ਟੈਂਕਰ ਦੀ ਵਿਸ਼ੇਸ਼ਤਾ ਇਹ ਹੈ ਕਿ ਇਸ ਵਿਚ ਫਾਇਰ ਕੰਟਰੋਲ ਸਿਸਟਮ ਵੀ ਲਗਾਇਆ ਗਿਆ ਹੈ, ਜਿਸ ਨਾਲ ਅੱਗ ਲੱਗਣ ਦੀ ਐਮਰਜੈਂਸੀ ਦੌਰਾਨ ਇਸ ਨੂੰ ਤੁਰੰਤ ਵਰਤਿਆ ਜਾ ਸਕੇਗਾ। ਇਸ ਮੌਕੇ ਗ੍ਰਾਮ ਪੰਚਾਇਤ ਹਵੇਲੀ ਖੁਰਦ ਦੇ ਲੰਮਾ ਇੰਡੀਆ ਨੇ ਕਿਹਾ ਕਿ ਵਿਧਾਇਕ ਦਿਨੇਸ਼ ਚੱਢਾ ਦੀ ਪ੍ਰੇਰਨਾ ਨਾਲ ਪਿੰਡ ਵਾਸੀਆਂ ਨੂੰ ਬਿਹਤਰ ਸਹੂਲਤਾਂ ਦੇਣ ਲਈ ਲਗਾਤਾਰ ਜਨਹਿੱਤ ਦੇ ਕਾਰਜ ਕੀਤੇ ਜਾ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਭਵਿੱਖ ਵਿਚ ਵੀ ਪਿੰਡ ਦੇ ਵਿਕਾਸ ਅਤੇ ਲੋਕ ਸੇਵਾ ਲਈ ਅਜਿਹੇ ਉਪਰਾਲੇ ਜਾਰੀ ਰਹਿਣਗੇ।
