ਕੱਥੂਨੰਗਲ ਖੁਰਦ ਦੀ ਜਪਨੀਤ ਕੌਰ ਨੇ ਸਾਈਕਲਿੰਗ ਟੀਮ ਸਪਰਿੰਟ ਵਿਚ ਗੋਲਡ ਮੈਡਲ ਦੇ ਨਾਲ ਓਵਰਆਲ ਟਰਾਫੀ ਕੀਤੀ ਪ੍ਰਾਪਤ <br/>

ਕੱਥੂਨੰਗਲ, 28 ਜਨਵਰੀ (ਦਲਵਿੰਦਰ ਸਿੰਘ ਰੰਧਾਵਾ)-ਕੱਥੂਨੰਗਲ ਖੁਰਦ ਦੀ ਜਪਨੀਤ ਕੌਰ ਨੇ ਸਾਈਕਲਿੰਗ ਟੀਮ ਸਪਰਿੰਟ ਵਿਚ ਗੋਲਡ ਮੈਡਲ ਦੇ ਨਾਲ ਓਵਰ ਆਲ ਟਰਾਫੀ ਪ੍ਰਾਪਤ ਕੀਤੀ, ਹਰਜਿੰਦਰ ਸਿੰਘ ਵਾਸੀ ਕੱਥੂਨੰਗਲ ਖੁਰਦ ਨੇ ਜਾਣਕਾਰੀ ਦਿੰਦਿਆਂ ਹੋਇਆਂ ਦੱਸਿਆ ਕਿ ਪਿੰਡ ਕੱਥੂਨੰਗਲ ਖੁਰਦ ਦੇ ਵਾਸੀ ਨਿਸ਼ਾਨ ਸਿੰਘ ਭੰਗੂ ਦੀ ਪੋਤਰੀ ਜਪਨੀਤ ਕੌਰ ਨੇ ਰਾਂਚੀ (ਝਾਰਖੰਡ) ਵਿਖੇ ਪਿਛਲੇ ਦਿਨੀ ਆਯੋਜਿਤ ਹੋਈਆਂ 69ਵੀਆਂ ਸਕੂਲ ਨੈਸ਼ਨਲ ਖੇਡਾਂ ਵਿਚ ਭਾਗ ਲੈਂਦਿਆਂ ਅੰਡਰ-17 ਲੜਕੀਆਂ ਦੇ ਵਰਗ ਵਿਚ ਟਰੈਕ ਸਾਈਕਲਿੰਗ ਟੀਮ ਸਪਰਿੰਟ ਵਿਚ ਗੋਲਡ ਮੈਡਲ ਅਤੇ ਅੰਡਰ-17 ਲੜਕੀਆਂ ਦੇ ਵਰਗ ਵਿਚ ਓਵਰਆਲ ਟਰਾਫੀ ਪ੍ਰਾਪਤ ਕੀਤੀ | ਇਸ ਉਪਰੰਤ ਅੱਜ ਸਮੂਹ ਭੰਗੂ ਪਰਿਵਾਰ ਅਤੇ ਪਿੰਡ ਵਾਸੀਆਂ ਵਲੋਂ ਜਪਨੀਤ ਕੌਰ ਦਾ ਪਿੰਡ ਪੁੱਜਣ 'ਤੇ ਨਿੱਘਾ ਸਵਾਗਤ ਕੀਤਾ |
ਇਸ ਮੌਕੇ ਆਮ ਆਦਮੀ ਪਾਰਟੀ ਦੇ ਸੀਨੀਅਰ ਆਗੂ ਹਰਜਿੰਦਰ ਸਿੰਘ ਭੰਗੂ ਸਮੇਤ ਰਾਜਿੰਦਰ ਸਿੰਘ, ਸਤਨਾਮ ਸਿੰਘ, ਗੁਰਨਾਮ ਸਿੰਘ, ਅਮਨਦੀਪ ਸਿੰਘ, ਜਗਦੀਪ ਸਿੰਘ, ਜਸਜੀਤ ਸਿੰਘ, ਤਰਵਿੰਦਰ ਕੌਰ, ਸੁਖਜਿੰਦਰ ਕੌਰ, ਮਨਰੂਪ ਕੌਰ, ਹਰਗੁਨਦੀਪ ਕੌਰ, ਅਮਰਪ੍ਰੀਤ ਸਿੰਘ ਅਤੇ ਨਵਦੀਪ ਸਿੰਘ ਆਦਿ ਹਾਜਰ ਸਨ |