ਜੈਂਤੀਪੁਰ, 17 ਅਪ੍ਰੈਲ (ਭੁਪਿੰਦਰ ਸਿੰਘ ਗਿੱਲ)-ਪੁਲਿਸ ਜ਼ਿਲ੍ਹਾ ਅੰਮਿ੍ਤਸਰ ਦਿਹਾਤੀ ਅਧੀਨ ਚੱਲ ਰਹੀ ਪੁਲਿਸ ਚੌਕੀ ਜੈਂਤੀਪੁਰ ਅਗਲੇ ਹੁਕਮਾਂ ਤੱਕ ਪਿਛਲੇ ਦਿਨੀਂ ਪੁਲਿਸ ਥਾਣਾ ਕੱਥੂਨੰਗਲ 'ਚ ਮਰਜ ਕਰ ਦਿੱਤੀ ਗਈ ਸੀ | ਇਸ ਸੰਬੰਧੀ ਇਲਾਕੇ ਦੇ ਮੁਹਤਬਰਾਂ ਤੇ ਆਮ ਲੋਕਾਂ ਨੇ ਗੱਲਬਾਤ ਕਰਦਿਆਂ ਕਿਹਾ ਕਿ ਦੁਬਾਰਾ ਪੁਲਿਸ ਚੌਕੀ ਤਬਦੀਲ ਹੋਣ ਨਾਲ ਇਲਾਕੇ ਦੇ ਲੋਕਾਂ 'ਚ ਖੁਸ਼ੀ ਦੀ ਲਹਿਰ ਪਾਈ ਜਾ ਰਹੀ ਹੈ ਕਿਉਂਕਿ ਪੁਲਿਸ ਦੇ ਕਰਕੇ ਭੈੜੇ ਅਨਸਰਾਂ ਦੇ ਮਨਾ ਵਿਚ ਡਰ ਬਣਿਆ ਰਹੇਗਾ ਅਤੇ ਕਰਾਇਮ ਕਰਨ ਲੱਗੇ ਡਰਨਗੇ | ਇਲਾਕੇ ਦੇ ਮੁਹਤਬਰਾਂ ਨੇ ਐੱਸ.ਐੱਸ.ਪੀ. ਅੰਮਿ੍ਤਸਰ ਦਾ ਧੰਨਵਾਦ ਕੀਤਾ ਕਿ ਉਨ੍ਹਾਂ ਨੇ ਦੁਬਾਰਾ ਪੁਲਿਸ ਚੌਂਕੀ ਜੈਂਤੀਪੁਰ 'ਚ ਦੁਬਾਰਾ ਬਹਾਲ ਕੀਤਾ | ਕਿਉਂਕਿ ਇਸ ਚੌਕੀ ਦੇ ਅਧੀਨ ਕੁਝ ਪਿੰਡ ਜ਼ਿਲ੍ਹਾ ਗੁਰਦਾਸਪੁਰ ਦੇ ਨਾਲ ਲੱਗਦੇ ਸਨ ਜਿਸ ਕਰਕੇ ਇਲਾਕੇ 'ਚ ਭੈੜੇ ਅਨਸਰ ਘੁੰਮਦੇ ਰਹਿੰਦੇ ਸਨ |
