ਰਾਜਾਸਾਂਸੀ/ ਹਰਸ਼ਾ ਛੀਨਾ, 17 ਅਪ੍ਰੈਲ (ਖੀਵਾ/ਕੜਿਆਲ)-ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਅਗਵਾਈ ਵਾਲੀ ਪੰਜਾਬ ਸਰਕਾਰ ਵਿਚ ਆੜ੍ਹਤੀਆਂ, ਕਿਸਾਨਾਂ ਤੇ ਮਜ਼ਦੂਰਾਂ ਨੂੰ ਕਿਸੇ ਕਿਸਮ ਦੀ ਮੁਸ਼ਕਿਲ ਨਹੀਂ ਆਉਣ ਦਿੱਤੀ ਜਾਵੇਗੀ | ਇਹ ਪ੍ਰਗਟਾਵਾ ਬੀ.ਡੀ.ਐੱਸ. ਟਰੇਡਿੰਗ ਕੰਪਨੀ ਦੇ ਦਫ਼ਤਰ ਕੁੱਕੜਾਂ ਵਾਲਾ ਵਿਖੇ ਜ਼ਿਲ੍ਹਾ ਪ੍ਰੀਸ਼ਦ ਮੈਂਬਰ ਤੇਜਬੀਰ ਸਿੰਘ ਮਾਨ ਨੇ ਗੱਲਬਾਤ ਕਰਦਿਆਂ ਕੀਤਾ | ਉਨ੍ਹਾਂ ਵਲੋਂ ਆੜ੍ਹਤੀਆਂ ਨਾਲ ਇਕ ਵਿਸ਼ੇਸ਼ ਮੀਟਿੰਗ ਕਰਕੇ ਉਨ੍ਹਾਂ ਨਾਲ ਆ ਰਹੀਆਂ ਮੁਸ਼ਕਿਲਾਂ ਸੰਬੰਧੀ ਵਿਚਾਰ-ਵਟਾਂਦਰੇ ਕੀਤੇ ਗਏ ਅਤੇ ਉਨ੍ਹਾਂ ਭਰੋਸਾ ਦਿਵਾਇਆ ਕਿ ਹਲਕਾ ਇੰਚਾਰਜ ਸੋਨੀਆ ਮਾਨ ਨਾਲ ਇਸ ਮੁੱਦੇ 'ਤੇ ਗੱਲਬਾਤ ਕਰਕੇ ਸਾਰੇ ਮਸਲੇ ਪਹਿਲ ਦੇ ਆਧਾਰ 'ਤੇ ਹੱਲ ਕਰਵਾਏ ਜਾਣਗੇ | ਇਸ ਦੌਰਾਨ ਸਾਬਕਾ ਸਰਪੰਚ ਗੁਰਮੁੱਖ ਸਿੰਘ ਲੱਲਾ ਅਫ਼ਗ਼ਾਨਾਂ ਤੋਂ ਇਲਾਵਾ ਬਲਾਕ ਸੰਮਤੀ ਹਰਸ਼ਾ ਛੀਨਾ ਦੇ ਚੇਅਰਮੈਨ ਕਰਮਜੀਤ ਸਿੰਘ ਛੀਨਾ, ਆੜ੍ਹਤੀ ਐਸੋਸੀਏਸ਼ਨ ਪੰਜਾਬ ਦੇ ਜ਼ਿਲ੍ਹਾ ਅੰਮਿ੍ਤਸਰ ਦੇ ਮੀਤ ਪ੍ਰਧਾਨ ਸਿਮਰਜੀਤ ਸਿੰਘ ਰੰਧਾਵਾ ਸੈਂਸਰਾ, ਸਾਬਕਾ ਪ੍ਰਧਾਨ ਉਡੀਕ ਸਿੰਘ ਸੈਦੂਪੁਰਾ, ਰਾਣਾ ਭੋਏਵਾਲੀ, ਮੇਜਰ ਸਿੰਘ ਭੋਏਵਾਲੀ, ਬਲਜਿੰਦਰ ਸਿੰਘ ਲੋਪੋਕੇ, ਬਲਬੀਰ ਸਿੰਘ ਖਿਆਲੀਆ, ਮੋਹਨ ਸਿੰਘ ਬਾਠ, ਦੀਦਾਰ ਸਿੰਘ, ਅਮਨ ਔਲਖ, ਕਰਨ ਸਿੰਘ ਛੀਨਾ, ਹਰਦੀਪ ਸਿੰਘ ਸੋਨੂੰ ਸੈਂਸਰਾ, ਮੋਹਨ ਸਿੰਘ ਸੈਂਸਰਾ, ਸਰਤਾਜ ਸਿੰਘ ਵਿਰਕ, ਧੰਨਵੰਤ ਸਿੰਘ ਸੈਂਸਰਾ, ਬਲਕਾਰ ਸਿੰਘ ਢਿੱਲੋਂ ਉਕਤ ਆਗੂ ਤੇਜਬੀਰ ਸਿੰਘ ਬੱਗਾ, ਆੜ੍ਹਤੀ ਐਸੋਸੀਏਸ਼ਨ ਪੰਜਾਬ ਦੇ ਨਵ ਨਿਯੁਕਤ ਜ਼ਿਲ੍ਹਾ ਮੀਤ ਪ੍ਰਧਾਨ ਸਿਮਰ ਰੰਧਾਵਾ ਤੇ ਬਲਾਕ ਸੰਮਤੀ ਹਰਸ਼ਾ ਛੀਨਾ ਦੇ ਚੇਅਰਮੈਨ ਕਰਮਜੀਤ ਸਿੰਘ ਛੀਨਾ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ |
