ਅੰਮ੍ਰਿਤਸਰ / ਦਿਹਾਤੀ

ਧਾਰਮਿਕ ਪ੍ਰੀਖਿਆ 'ਚੋਂ ਨੈਸ਼ਨਲ ਪਬਲਿਕ ਸਕੂਲ ਮਜੀਠਾ ਦੇ ਵਿਦਿਆਰਥੀਆਂ ਨੇ ਮਾਰੀਆਂ ਮੱਲਾਂ

ਸਾਲਾਨਾ ਧਾਰਮਿਕ ਪ੍ਰੀਖਿਆ 'ਚੋਂ ਨੈਸ਼ਨਲ ਪਬਲਿਕ ਸਕੂਲ ਮਜੀਠਾ ਦੇ ਅੱਵਲ ਆਏ ਵਿਦਿਆਰਥੀਆਂ ਨੂੰ ਸਨਮਾਨਿਤ ਕਰਦੇ ਹੋਏ ਭਾਈ ਮਨਜੀਤ ਸਿੰਘ ਜੇਠੂਵਾਲ, ਪਿ੍ੰਸੀਪਲ ਜੋਗਾ ਸਿੰਘ ਅਠਵਾਲ, ਭਾਈ ਸੁਰਜੀਤ ਸਿੰਘ ਨਾਲ ਪਿ੍ੰਸੀਪਲ ਸਾਰਕਿਾ ਸ਼ਰਮਾ ਅਤੇ ਸਕੂਲ ਦੇ ਸਟਾਫ ਮੈਂਬਰ | ਤਸਵੀਰ : ਸੋਖੀ <br/> 28-04-2026

ਮਜੀਠਾ, 27 ਅਪ੍ਰੈਲ (ਮਨਿੰਦਰ ਸਿੰਘ ਸੋਖੀ)-ਸਿੱਖ ਮਿਸ਼ਨਰੀ ਕਾਲਜ ਲੁਧਿਆਣਾ ਵਲੋਂ ਸਕੂਲੀ ਵਿਦਿਆਰਥੀਆਂ ਦੀ ਹਰ ਸਾਲ ਧਾਰਮਿਕ ਪ੍ਰੀਖਿਆ ਲਈ ਜਾਂਦੀ ਹੈ | ਇਹ ਪ੍ਰੀਖਿਆ ਨੈਸ਼ਨਲ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ ਮਜੀਠਾ ਦੇ ਵਿਦਿਆਰਥੀਆਂ ਨੇ ਵੀ ਦਿੱਤੀ | ਸਕੂਲ ਪਿ੍ੰਸੀਪਲ ਮੈਡਮ ਸਾਰਿਕਾ ਸ਼ਰਮਾ ਵਲੋਂ ਮਿਲੀ ਜਾਣਕਾਰੀ ਅਨੁਸਾਰ ਸਕੂਲ ਦੇ 54 ਵਿਦਿਆਰਥੀਆਂ ਨੇ ਇਹ ਪ੍ਰੀਖਿਆ ਦਿੱਤੀ | ਜਿਨ੍ਹਾਂ 'ਚੋਂ 22 ਬੱਚਿਆਂ ਨੇ ਸ਼ੀਲਡਾਂ ਪ੍ਰਾਪਤ ਕੀਤੀਆਂ | ਇਨ੍ਹਾਂ 'ਚ 2 ਵਿਦਿਆਰਥੀ ਰੂਬਲਪ੍ਰੀਤ ਸਿੰਘ ਅਤੇ ਸਿਮਰਨਪ੍ਰੀਤ ਕੌਰ ਮੈਰਿਟ ਲਿਸਟ 'ਚ ਆਏ | ਏ ਗਰੇਡ 'ਚ ਆਉਣ ਵਾਲੇ ਬੱਚਿਆਂ ਵਿਚ ਮਨਪ੍ਰੀਤ ਕੌਰ, ਸੁਰਖਾਬ ਸਿੰਘ ਅਤੇ ਨਾਵੀਆ ਹਨ | ਪ੍ਰੀਖਿਆ 'ਚੋਂ ਅੱਵਲ ਆਏ ਇਨ੍ਹਾਂ ਵਿਦਿਆਰਥੀਆਂ ਨੂੰ ਸਿੱਖ ਮਿਸ਼ਨਰੀ ਕਾਲਜ ਲੁਧਿਆਣਾ ਵਲੋਂ ਭੇਜੀਆਂ ਗਈਆਂ ਸ਼ੀਲਡਾਂ ਕਾਲਜ ਦੇ ਸਰਕਲ ਕੱਥੂਨੰਗਲ ਦੇ ਇੰਚਾਰਜ ਭਾਈ ਮਨਜੀਤ ਸਿੰਘ ਜੇਠੂਵਾਲ, ਪਿ੍ੰਸੀਪਲ ਜੋਗਾ ਸਿੰਘ ਅਠਵਾਲ ਅਤੇ ਭਾਈ ਸੁਰਜੀਤ ਸਿੰਘ ਵਲੋਂ ਸਕੂਲ ਵਿਚ ਆ ਕੇ ਤਕਸੀਮ ਕੀਤੀਆਂ ਗਈਆਂ | ਗੱਲਬਾਤ ਕਰਦਿਆਂ ਭਾਈ ਮਨਜੀਤ ਸਿੰਘ ਅਤੇ ਪਿ੍ੰਸੀਪਲ ਜੋਗਾ ਸਿੰਘ ਅਠਵਾਲ ਨੇ ਦੱਸਿਆ ਕਿ ਇਸ ਧਾਰਮਿਕ ਪ੍ਰੀਖਿਆ ਵਿਚ ਸੂਬੇ ਭਰ ਵਿਚੋਂ ਕਰੀਬ 74743 ਬੱਚਿਆਂ ਨੇ ਭਾਗ ਲਿਆ ਜਿਨ੍ਹਾਂ 'ਚੋਂ 1442 ਬੱਚੇ ਮੈਰਿਟ ਵਿਚ ਆਏ, ਏ ਗਰੇਡ 'ਚ 2193 ਬੱਚੇ ਆਏ, ਬੀ ਗਰੇਡ 'ਚ 2747 ਬੱਚੇ ਅਤੇ ਇਸੇ ਤਰ੍ਹਾਂ ਗਰੇਡ ਸੀ ਵਿਚ 3628 ਬੱਚੇ ਆਏ | ਉਨ੍ਹਾਂ ਕਿਹਾ ਕਿ ਸੂਬੇ ਭਰ ਵਿਚੋਂ ਇਸ ਧਾਰਮਿਕ ਪ੍ਰੀਖਿਆ ਨੂੰ ਸਕੂਲੀ ਬਚਿਆਂ ਅਤੇ ਅਧਿਆਪਕਾਂ ਵਲੋਂ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ ਅਤੇ ਇਹ ਧਾਰਮਿਕ ਸਿਖਿਆ ਲੈ ਕੇ ਬੱਚੇ ਧਾਰਮਿਕ ਖੇਤਰ ਵਿਚ ਉਚ ਮੁਕਾਮ ਤੇ ਪਹੁੰਚ ਚੁੱਕੇ ਹਨ | ਕਾਲਜ ਵਲੋਂ ਸਕੂਲ ਪਿ੍ੰਸੀਪਲ ਸਾਰਿਕਾ ਸ਼ਰਮਾ ਅਤੇ ਧਾਰਮਿਕ ਸਿਖਿਆ ਅਧਿਆਪਕ ਜਤਿੰਦਰ ਕੌਰ ਨੂੰ ਵਿਸ਼ੇਸ਼ ਤੌਰ ਤੇ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਉਪਰੋਕਤ ਤੋਂ ਇਲਾਵਾ ਅਧਿਆਪਕਾਂ ਵਿਚ ਹਰਜਿੰਦਰ ਕੌਰ, ਮੈਡਮ ਰਚਨਾ, ਗੁਰਮਿੰਦਰ ਕੌਰ, ਸੁਨੀਲ ਕੁਮਾਰ, ਵੰਦਨਾ, ਰਾਜਵਿੰਦਰ ਕੌਰ, ਸੁਮਨ, ਕਿਰਨਜੋਤ ਕੌਰ ਅਤੇ ਬੱਚੇ ਵੀ ਹਾਜ਼ਰ ਸਨ |