ਬਾਬਾ ਬਕਾਲਾ ਸਾਹਿਬ, 25 ਮਈ (ਸ਼ੇਲਿੰਦਰਜੀਤ ਸਿੰਘ ਰਾਜਨ)-ਇਤਿਹਾਸਕ ਗੁ: 9ਵੀਂ ਪਾਤਸ਼ਾਹੀ ਬਾਬਾ ਬਕਾਲਾ ਸਾਹਿਬ ਦੇ ਸਕੂਟਰ/ਮੋਟਰ ਸਾਈਕਲ ਵਾਲੀ ਕੱਚੀ ਜਗ੍ਹਾ ਉਪਰ ਇੰਟਰਲਾੲਕ ਟਾਇਲਾਂ ਲਾਉਣ ਦਾ ਰਸਮੀਨ ਉਦਘਾਟਾ ਕੀਤਾ ਗਿਆ | ਇਸ ਮੌਕੇ ਮੌਕੇ ਮੈਨੇਜਰ ਭਾਈ ਗੁਰਪ੍ਰੀਤ ਸਿੰਘ ਮੱਲੇਵਾਲ ਅਤੇ ਮੀਤ ਮੈਨੇਜਰ ਭਾਈ ਸ਼ੇਰ ਸਿੰਘ ਨੇ ਦੱਸਿਆ ਹੈ ਕਿ ਸਕੂਟਰ/ ਮੋਟਰ ਸਾਈਕਲ ਸਟੈਂਡ ਵਾਲੀ ਕੱਚੀ ਜਗ੍ਹਾ, ਜਿਸ ਨਾਲ ਮੀਂਹ ਪੈਣ ਨਾਲ ਚਿੱਕੜ ਹੋ ਜਾਂਦਾ ਸੀ ਅਤੇ ਮਿੱਟੀ ਘੱਟਾ ਉੱਡਕੇ ਸੰਗਤਾਂ ਉੱਪਰ ਪੈਂਦਾ ਸੀ, ਇਸ ਮੁਸ਼ਕਲ ਨੂੰ ਮੁੱਖ ਰੱਖਦੇ ਹੋਏ ਇਸ ਕੱਚੀ ਜਗ੍ਹਾ, ਜੋ ਕਿ 1000 ਸਕੇਅਰ ਫੁੱਟ ਬਣਦੀ ਹੈ, ਉਸ ਉੱਪਰ ਸ਼੍ਰੋਮਣੀ ਕਮੇਟੀ ਵਲੋਂ ਟਾਇਲਾਂ ਲਾਉਣ ਦਾ ਕੰਮ ਸ਼ੁਰੂ ਕੀਤਾ ਗਿਆ ਹੈ | ਇਸ ਦੀ ਆਰੰਭਤਾ ਅਰਦਾਸ ਕਰਨ ਉਪ੍ਰੰਤ ਕੀਤੀ ਗਈ | ਇਸ ਮੌਕੇ ਦਵਿੰਦਰ ਸਿੰਘ ਭੱਟੀ, ਜੇ.ਈ. ਸ਼ਮਿੰਦਰਜੀਤ ਸਿੰਘ, ਹਰਦੀਪ ਸਿੰਘ ਹਰਭਿੰਦਰ ਸਿੰਘ ਧਾਰੋਵਾਲੀ, ਗੁਰਭੇਜ ਸਿੰਘ ਕੰਗ ਸਰਾਂ ਅਤੇ ਹੋਰ ਸਟਾਫ ਮੌਜੂਦ ਸੀ |
