ਖਾਨਪੁਰ ਬੰਗਰ ਤੋਂ ਤਿੰਨ ਮੱਝਾਂ ਚੋਰੀ
ਬਨੂੜ, 19 ਅਗਸਤ (ਭੁਪਿੰਦਰ ਸਿੰਘ)-ਪਿੰਡ ਖਾਨਪੁਰ ਬੰਗਰ ਤੋਂ ਬੀਤੀ ਰਾਤ ਤਿੰਨ ਮੱਝਾਂ ਚੋਰੀ ਹੋ ਗਈਆਂ। ਚੋਰਾਂ ਵਲੋਂ ਮੱਝਾਂ ਦੇ ਨਾਲ ਇਕ ਗਾਂ ਨੂੰ ਵੀ ਖੋਲਿਆ ਗਿਆ ਸੀ ਪਰ ਉਹ ਕਿਸੇ ਤਰ੍ਹਾਂ ਚੋਰਾਂ ਦੇ ਚੁੰਗਲ ਤੋਂ ਬਚ ਕੇ ਦੁਬਾਰਾ ਮਾਲਕ ਦੇ ਘਰ ਆ ਗਈ।
ਬਨੂੜ, 19 ਅਗਸਤ (ਭੁਪਿੰਦਰ ਸਿੰਘ)-ਪਿੰਡ ਖਾਨਪੁਰ ਬੰਗਰ ਤੋਂ ਬੀਤੀ ਰਾਤ ਤਿੰਨ ਮੱਝਾਂ ਚੋਰੀ ਹੋ ਗਈਆਂ। ਚੋਰਾਂ ਵਲੋਂ ਮੱਝਾਂ ਦੇ ਨਾਲ ਇਕ ਗਾਂ ਨੂੰ ਵੀ ਖੋਲਿਆ ਗਿਆ ਸੀ ਪਰ ਉਹ ਕਿਸੇ ਤਰ੍ਹਾਂ ਚੋਰਾਂ ਦੇ ਚੁੰਗਲ ਤੋਂ ਬਚ ਕੇ ਦੁਬਾਰਾ ਮਾਲਕ ਦੇ ਘਰ ਆ ਗਈ। ਪੀੜਤ ਜਸਵਿੰਦਰ ਸਿੰਘ ਪੁੱਤਰ ਰਾਮ ਲਾਲ ਨੇ ਦੱਸਿਆ ਕਿ ਚੋਰੀ ਦੀ ਇਹ ਘਟਨਾ ਰਾਤੀਂ ਪੌਣੇ ਕੁ ਦੋ ਵਜੇ ਦੇ ਕਰੀਬ ਵਾਪਰੀ। ਉਨ੍ਹਾਂ ਕਿਹਾ ਕਿ ਚੋਰ ਵਾੜੇ ਵਿਚ ਖੜ੍ਹੀਆਂ ਸਾਰੀਆਂ ਤਿੰਨੋਂ ਮੱਝਾਂ ਅਤੇ ਇਕ ਗਾਂ ਖੋਲ ਕੇ ਲੈ ਲਏ। ਉਨ੍ਹਾਂ ਦੱਸਿਆ ਕਿ ਘਟਨਾ ਦਾ ਪਤਾ ਸਵੇਰੇ ਲੱਗਿਆ। ਉਨ੍ਹਾਂ ਦੱਸਿਆ ਕਿ ਜਦੋਂ ਮੱਝਾਂ ਦੀ ਭਾਲ ਕੀਤੀ ਤਾਂ ਵੇਖਿਆ ਕਿ ਚੋਰ ਮੱਝਾਂ ਨੂੰ ਢਾਈ ਕਿਲੋਮੀਟਰ ਤੱਕ ਝੋਨੇ ਦੇ ਖੇਤਾਂ ਵਿਚੋਂ ਤੋਰ ਕੇ ਲੈ ਕੇ ਗਏ ਅਤੇ ਉਸ ਮਗਰੋਂ ਉਨ੍ਹਾਂ ਮੱਝਾਂ ਗੱਡੀ ਉੱਤੇ ਚੜ੍ਹਾਈਆਂ। ਉਨ੍ਹਾਂ ਦੱਸਿਆ ਕਿ ਗਾਂ ਗੱਡੀ ਤੇ ਨਾ ਚੜ੍ਹਨ ਕਾਰਨ ਵਾਪਿਸ ਘਰ ਪਰਤ ਆਈ। ਉਨ੍ਹਾਂ ਦੱਸਿਆ ਕਿ ਇਸ ਸੰਬੰਧੀ ਬਨੂੜ ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਾਈ ਗਈ ਹੈ।
