ਡੱਬਵਾਲੀ, 31 ਦਸੰਬਰ (ਇਕਬਾਲ ਸਿੰਘ ਸ਼ਾਂਤ)-ਸਥਾਨਕ ਮਹਾਰਾਣਾ ਪ੍ਰਤਾਪ ਮਹਿਲਾ ਕਾਲਜ ਦੀ ਬੀ.ਏ-1 ਦੀ ਵਿਦਿਆਰਥਣ ਸਿਮਰਨਜੀਤ ਦੀ ਚੋਣ ਚੌਧਰੀ ਦੇਵੀ ਲਾਲ ਯੂਨੀਵਰਸਿਟੀ ਸਿਰਸਾ (ਸੀਡੀਐਲਯ) ਦੀ ਨੌਰਥ ਜ਼ੋਨ ਇੰਟਰ ਯੂਨੀਵਰਸਿਟੀ ਮਹਿਲਾ ਬਾਸਕਿਟਬਾਲ ਟੀਮ 'ਚ ਹੋਈ ਹੈ | ਇਹ ਚੋਣ 20 ਨਵੰਬਰ 2025 ਨੂੰ ਸੀਡੀਐਲਯੂ, ਸਿਰਸਾ ਵਿਚ ਕਰਵਾਏ ਗਏ ਇੰਟਰ ਕਾਲਜ ਬਾਸਕਿਟਬਾਲ ਟੂਰਨਾਮੈਂਟ 'ਚ ਉਸਦੇ ਸ਼ਾਨਦਾਰ ਪ੍ਰਦਰਸਨ ਦੇ ਆਧਾਰ 'ਤੇ ਹੋਈ ਹੈ | ਸਿਮਰਨਜੀਤ 16 ਤੋਂ 21 ਜਨਵਰੀ 2026 ਤੱਕ ਗਵਰਨਮੈਂਟ ਆਰਟਸ ਐਂਡ ਸਪੋਰਟਸ ਕਾਲਜ, ਜਲੰਧਰ ਵਿਖੇ ਨੌਰਥ ਜ਼ੋਨ ਇੰਟਰ ਯੂਨੀਵਰਸਿਟੀ ਚੈਂਪਿਅਨਸ਼ਿਪ 'ਚ ਸੀਡੀਐਲਯੂ ਦੀ ਨੁਮਾਇੰਦਗੀ ਕਰੇਗੀ |
