ਸ੍ਰੀ ਮੁਕਤਸਰ ਸਾਹਿਬ, 24 ਜਨਵਰੀ (ਹਰਮਹਿੰਦਰ ਪਾਲ)-ਪੰਜਾਬ ਸੁਬਾਰਡੀਨੇਟ ਸਰਵਿਸਿਜ਼ ਫੈਡਰੇਸ਼ਨ ਵਿਗਿਆਨਕ ਪੰਜਾਬ ਦੇ 17 ਸਾਥੀ ਗਗਨਦੀਪ ਸਿੰਘ ਅਤੇ ਐੱਨ.ਡੀ. ਤਿਵਾੜੀ ਦੀ ਅਗਵਾਈ ਹੇਠ 18ਵੀਂ ਕਾਨਫ਼ਰੰਸ (ਡੈਲੀਗੇਟ ਇਜਲਾਸ) ਵਿਚ ਭਾਗ ਲੈਣ ਸਿਰੜੀ (ਮਹਾਰਾਸ਼ਟਰ) ਵਿਚ ਪਹੁੰਚੇ | ਇਹ ਚਾਰ ਰੋਜ਼ਾ ਡੈਲੀਗੇਟ ਇਜਲਾਸ ਸੁਭਾਸ਼ ਲਾਂਬਾ ਦੀ ਅਗਵਾਈ ਹੇਠ ਕਰਵਇਆ ਜਾਵੇਗਾ, ਜਿਸ ਵਿਚ ਪੂਰੇ ਭਾਰਤ 'ਚੋਂ 1200 ਦੇ ਲਗਪਗ ਡੈਲੀਗੇਟ ਪਹੁੰਚ ਰਹੇ ਹਨ | ਇਸ ਵਿਚ ਮੁਲਾਜ਼ਮਾਂ ਦੀਆਂ ਹੱਕੀ ਮੰਗਾਂ 'ਤੇ ਵਿਚਾਰ ਚਰਚਾ ਕੀਤੀ ਜਾਵੇਗੀ ਅਤੇ ਨਵੇਂ ਸੰਘਰਸ਼ ਦੀ ਰੂਪਰੇਖਾ ਉਲੀਕੀ ਜਾਵੇਗੀ | ਪੁਰਾਣੀ ਪੈਨਸ਼ਨ ਬਹਾਲੀ ਲਈ ਮੋਦੀ ਸਰਕਾਰ ਖ਼ਿਲਾਫ਼ ਸੰਘਰਸ਼ ਤੇਜ਼ ਕੀਤਾ ਜਾਵੇਗਾ | ਇਸ ਮੌਕੇ ਪਰਗਟ ਸਿੰਘ ਜੰਬਰ, ਗੁਰਪ੍ਰੀਤ ਸਿੰਘ ਸੰਧੂ, ਮੋਹਨ ਲਾਲ, ਜਗਮੀਤ ਸਿੰਘ, ਗੁਲਜ਼ਾਰ ਖਾਨ, ਰਾਜਿੰਦਰ ਸਿੰਘ, ਚਰਨਜੀਤ ਸਿੰਘ, ਭੁਪਿੰਦਰ ਕੌਰ ਹਾਜ਼ਰ ਸਨ |
