ਦੋਦਾ, 27 ਮਾਰਚ (ਰਵੀਪਾਲ)-ਸਰਕਾਰੀ ਪ੍ਰਾਇਮਰੀ ਸਕੂਲ ਦੋਦਾ ਮੇਨ (ਬੋਹੜਾਂ ਵਾਲਾ) ਦੀ ਵਿਦਿਆਰਥਣ ਜਸਮੀਨ ਪੁੱਤਰੀ ਗੋਪਾ ਸਿੰਘ ਵਾਸੀ ਪਿੰਡ ਦੋਦਾ ਦੀ ਜਵਾਹਰ ਨਵੋਦਿਆ ਵਿਦਿਆਲਿਆ ਵਿਚ ਛੇਵੀਂ ਜਮਾਤ ਦੇ ਦਾਖ਼ਲੇ ਲਈ ਚੋਣ ਹੋਈ | ਬਲਾਕ ਪ੍ਰਾਇਮਰੀ ਸਿੱਖਿਆ ਅਫ਼ਸਰ ਮਨੋਜ ਕੁਮਾਰ, ਸੈਂਟਰ ਮੁੱਖ ਅਧਿਆਪਕਾ ਸੰਤੋਸ਼ ਕੁਮਾਰੀ, ਜਮਾਤ ਇੰਚਾਰਜ ਗੁਲਦੀਪ ਕੌਰ ਤੇ ਸਮੂਹ ਸਕੂਲ ਸਟਾਫ਼ ਨੇ ਵਿਦਿਆਰਥਣ ਦੀ ਹੌਂਸਲਾ ਅਫ਼ਜਾਈ ਕੀਤੀ ਤੇ ਪਰਿਵਾਰ ਨੂੰ ਵਧਾਈ ਦਿੱਤੀ | ਸੀ.ਐੱਚ.ਟੀ. ਸੰਤੋਸ਼ ਕੁਮਾਰੀ ਨੇ ਦੱਸਿਆ ਕਿ ਜਵਾਹਰ ਨਵੋਦਿਆ ਵਿਦਿਆਲਿਆ ਲਈ ਟੈੱਸਟ ਹੋਇਆ ਸੀ, ਜਿਸ 'ਚੋਂ ਵਿਦਿਆਥਣ ਜਸਮੀਨ ਨੇ ਚੰਗੇ ਅੰਕ ਲੈ ਕੇ ਦਾਖ਼ਲਾ ਲਿਆ ਹੈ, ਜਿਸ ਦੀ ਸਾਰੀ ਸਿੱਖਿਆ ਆਦਿ ਖ਼ਰਚ ਮੁਫ਼ਤ ਹੋਵੇਗਾ | ਇਸ ਮੌਕੇ ਸਮੂਹ ਸਟਾਫ਼ ਨੇ ਵਿਦਿਆਰਥਣ ਜਸਮੀਨ ਦੇ ਚੰਗੇ ਭਵਿੱਖ ਦੀ ਕਾਮਨਾ ਕੀਤੀ |
