ਫ਼ਰੀਦਕੋਟ, 30 ਮਈ (ਹਰਮਿੰਦਰ ਸਿੰਘ ਮਿੰਦਾ)-ਸਰਕਾਰੀ ਪ੍ਰਾਇਮਰੀ ਸਕੂਲ ਦਸ਼ਮੇਸ਼ ਨਗਰ ਫ਼ਰੀਦਕੋਟ ਵਿਖੇ ਵਿਦਿਆਰਥੀਆਂ ਨੂੰ ਫ਼ਰੈਂਡਜ ਸਹਿਯੋਗ ਸੇਵਾ ਸੁਸਾਇਟੀ ਦੇ ਸੇਵਾਦਾਰ ਇੰਜ: ਵਜਿੰਦਰ ਵਿਨਾਇਕ, ਰਮੇਸ਼ ਕੁਮਾਰ ਗੇਰਾ, ਦਰਸ਼ਨ ਲਾਲ ਚੁੱਘ, ਤਰਸੇਮ ਕੁਮਾਰ ਕਟਾਰੀਆ, ਰੋਸ਼ਨ ਲਾਲ ਟੱਕਰ ਅਤੇ ਗੀਤਾ ਗੇਰਾ ਵਲੋਂ ਕਾਪੀਆਂ, ਪੈਨਸ਼ਲਾਂ ਤੇ ਹੋਰ ਸਟੇਸ਼ਨਰੀ ਵੰਡੀ ਗਈ | ਕਾਪੀਆਂ ਪੈਨਸ਼ਲਾਂ ਵੰਡਣ ਲਈ ਸੇਵਾ ਸਟੇਟ ਬੈਂਕ ਆਫ਼ ਇੰਡੀਆ ਦੇ ਸੇਵਾ ਮੁਕਤ ਮੈਨੇਜਰ ਪਵਨ ਕੁਮਾਰ ਮੌਂਗਾ ਨੇ ਕੈਨੇਡਾ ਤੋਂ 2100 ਰੁਪਏ ਭੇਜ ਕੇ ਕੀਤੀ | ਸਕੂਲ ਹੈਡ ਟੀਚਰ ਪਰਮਿੰਦਰ ਕੌਰ ਨੇ ਸੁਸਾਇਟੀ ਦੇ ਸੇਵਾਦਾਰਾਂ ਦਾ ਸਵਾਗਤ ਕੀਤਾ | ਪਤੰਜਲੀ ਯੋਗ ਸੰਮਤੀ ਦੇ ਪ੍ਰਧਾਨ ਗੀਤਾ ਗੇਰਾ ਨੇ ਵਿਦਿਆਰਥੀਆਂ ਨੂੰ ਯੋਗਾ ਸਬੰਧੀ ਜਾਣਕਾਰੀ ਦਿੱਤੀ | ਇਸ ਮੌਕੇ ਪੰਜਵੀਂ ਜਮਾਤ ਦੀਆਂ ਵਿਦਿਆਰਥਣਾਂ ਵੀਰਪਾਲ ਕੌਰ ਅਤੇ ਮਨਵੀਰ ਕੌਰ ਨੇ ਧਾਰਮਿਕ ਗੀਤ ਪੇਸ਼ ਕੀਤਾ | ਇੰਜ. ਵਿਜਿੰਦਰ ਵਿਨਇਾਕ ਨੇ ਸਕੂਲ ਵਲੋਂ ਦਿੱਤੇ ਸਹਿਯੋਗ ਦੀ ਪ੍ਰਸੰਸ਼ਾ ਕਰਦਿਆਂ ਉਨ੍ਹਾਂ ਦਾ ਧੰਨਵਾਦ ਕੀਤਾ | ਇਸ ਮੌਕੇ ਰਣਜੀਤ ਕੌਰ, ਰਮਨਦੀਪ ਕੌਰ, ਸੁਖਦੀਪ ਕੌਰ, ਰੁਚੀ ਗੋਇਲ ਅਤੇ ਸਵੇਤਾ ਰਾਣੀ ਵੀ ਹਾਜ਼ਰ ਸਨ |
