ਫਰੀਦਕੋਟ

ਸੂਬੇ ’ਤੇ ਦਿਨ-ਬ-ਦਿਨ ਵਧ ਰਿਹਾ ਕਰਜ਼ਾ ਚਿੰਤਾ ਦਾ ਵਿਸ਼ਾ : ਮਨਤਾਰ ਸਿੰਘ ਬਰਾੜ

ਅ

ਅਜੀਤ ਡੈਸਕ 17-09-2026

ਕੋਟਕਪੂਰਾ, 16 ਸਤੰਬਰ (ਰਿੰਕੂ ਮਲਹੋਤਰਾ)-ਮੌਜੂਦਾ ਸਰਕਾਰ ਨੇ ਪੰਜਾਬ ਦੇ ਕਰਜ਼ਿਆਂ ਦੀ ਪੰਡ ਨੂੰ ਦੁਗਣਾ ਕਰ ਦਿੱਤਾ ਹੈ, ਬੇ ਲੋੜੀਂਦੇ ਖਰਚੇ ਪੰਜਾਬ ਦਾ ਪੈਸਾ ਹੋਰਾਂ ਰਾਜਾਂ ਵੱਲ ਲਗਾਉਣਾ ਵੀ ਸੂਬੇ ਦੇ ਖਜ਼ਾਨੇ ’ਤੇ ਵਾਧੂ ਬੋਝ ਪਾ ਰਿਹਾ ਹੈ, ਜੋ ਇਕ ਚਿੰਤਾ ਦਾ ਵਿਸ਼ਾ ਬਣ ਚੁੱਕਾ ਹੈ। ਕੋਟਕਪੂਰਾ ਦੇ ਸਾਬਕਾ ਵਿਧਾਇਕ ਮਨਤਾਰ ਸਿੰਘ ਬਰਾੜ ਨੇ ਕਿਹਾ ਕਿ ਸੰਨ 1981 ਤੋਂ 2022 ਤੱਕ ਪੰਜਾਬ ਸਿਰ 2.75 ਲੱਖ ਕਰੋੜ ਦੇ ਆਸ ਪਾਸ ਕਰਜ਼ਾ ਸੀ ਪਰ ਹੁਣ ਮੌਜੂਦਾ ਸਥਿਤੀ 4.70 ਲੱਖ ਕਰੋੜ ਰੁਪਏ ਦੇ ਆਸ ਪਾਸ ਪਹੁੰਚ ਚੁੱਕਾ ਹੈ। ਉਨ੍ਹਾਂ ਦੱਸਿਆ ਕਿ ਇੰਨੀ ਵੱਡੀ ਰਕਮ ਆਮ ਆਦਮੀ ਪਾਰਟੀ ਦੇ ਸ਼ਾਸਨ ਕਾਲ ਵਿਚ ਲਈ ਗਈ ਹੈ। ਸਾਬਕਾ ਵਿਧਾਇਕ ਨੇ ਕਿਹਾ ਪਿਛਲੀਆਂ ਸਰਕਾਰਾਂ ਨੇ ਜਿੰਨਾ ਕਰਜ਼ਾ ਆਪਣੇ ਸ਼ਾਸਨ ਕਾਲ ਵਿਚ ਲਿਆ ਉਸ ਤੋਂ ਮੌਜੂਦਾ ਸਰਕਾਰ ਕਿਤੇ ਜ਼ਿਆਦਾ ਅੱਗੇ ਟੱਪ ਚੁੱਕੀ ਹੈ। ਉਨ੍ਹਾਂ ਦੱਸਿਆ ਕਿ ਪੰਜਾਬ ਵਿਚ ਬਿਜਲੀ ਸ਼੍ਰੋਮਣੀ ਅਕਾਲੀ ਦਲ ਦੀ ਸਰਕਾਰ ਸਮੇਂ ਸਰਪਲੱਸ ਸੀ ਪਰ ਮੌਜੂਦਾ ਸਰਕਾਰ ਸਮੇਂ ਬਿਜਲੀ ਦੇ ਕੱਟ ਕਿਸਾਨਾਂ ਦੀਆਂ ਫ਼ਸਲਾਂ ਖ਼ਰਾਬ ਕਰ ਰਹੇ ਹਨ। ਕਿਸਾਨਾਂ ਨੂੰ ਬਿਜਲੀ ਪੂਰੀ ਨਾ ਆਉਣ ਦੇ ਰੋਸ ਵਜੋਂ ਧਰਨੇ ਦੇਣ ਲਈ ਮਜ਼ਬੂਰ ਹੋਣਾ ਪੈ ਰਿਹਾ ਹੈ।

ਪਿਛਲੀ ਖ਼ਬਰ ਅਕਾਲੀ ਦਲ ਬਾਦਲ ਨੇ ਬਿਜਲੀ ਸੰਕਟ ਨੂੰ ਲੈ ਕੇ ਸਾਦਿਕ ’ਚ ਲਗਾਇਆ ਧਰਨਾ ਅਗਲੀ ਖ਼ਬਰ ਐਸ.ਬੀ.ਐਸ. ਪਬਲਿਕ ਸਕੂਲ ਦੇ ਖਿਡਾਰੀਆਂ ਨੇ ਚਾਂਦੀ ਦੇ ਤਗਮੇ ਜਿੱਤੇ

ਸੂਬੇ ’ਤੇ ਦਿਨ-ਬ-ਦਿਨ ਵਧ ਰਿਹਾ ਕਰਜ਼ਾ ਚਿੰਤਾ ਦਾ ਵਿਸ਼ਾ : ਮਨਤਾਰ ਸਿੰਘ ਬਰਾੜ

ਸੰਬੰਧਿਤ ਖ਼ਬਰਾਂ