ਦੁਬਈ, 6 ਮਾਰਚ (ਏਜੰਸੀ)-ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਮੱਧ ਪੂਰਬ 'ਚ ਟਕਰਾਅ ਨੂੰ ਖਤਮ ਕਰਨ ਲਈ ਈਰਾਨ ਨਾਲ ਗੱਲਬਾਤ ਨੂੰ ਰੱਦ ਕਰਦੇ ਜਾਪਦੇ ਹਨ | ਉਨ੍ਹਾਂ ਸ਼ੁੱਕਰਵਾਰ ਨੂੰ ਇਕ ਸੋਸ਼ਲ ਮੀਡੀਆ ਪੋਸਟ 'ਚ ਕਿਹਾ ਕਿ ਤਹਿਰਾਨ ਵਲੋਂ 'ਬਿਨਾਂ ਸ਼ਰਤ ਸਮਰਪਣ' ਤੋਂ ਬਿਨਾਂ ਕੋਈ ਸਮਝੌਤਾ ਨਹੀਂ ਹੋਵੇਗਾ | ਉਨ੍ਹਾਂ ਕਿਹਾ ਕਿ ਉਸ ਤੋਂ ਬਾਅਦ ਤੇ ਇਕ ਮਹਾਨ ਤੇ ਸਵੀਕਾਰਯੋਗ ਨੇਤਾਵਾਂ ਦੀ ਚੋਣ ਤੋਂ ਬਾਅਦ ਅਸੀਂ ਤੇ ਸਾਡੇ ਬਹੁਤ ਸਾਰੇ ਸ਼ਾਨਦਾਰ ਤੇ ਬਹੁਤ ਬਹਾਦਰ ਸਹਿਯੋਗੀ ਤੇ ਭਾਈਵਾਲ ਈਰਾਨ ਨੂੰ ਤਬਾਹੀ ਦੇ ਕੰਢੇ ਤੋਂ ਵਾਪਸ ਲਿਆਉਣ ਲਈ ਅਣਥੱਕ ਮਿਹਨਤ ਕਰਾਂਗੇ ਤੇ ਇਸ ਨੂੰ ਆਰਥਿਕ ਤੌਰ 'ਤੇ ਪਹਿਲਾਂ ਨਾਲੋਂ ਵੱਡਾ, ਬਿਹਤਰ ਤੇ ਮਜ਼ਬੂਤ ਬਣਾਵਾਂਗੇ |
