ਰਾਮਾਂ ਮੰਡੀ, 22 ਅਪ੍ਰੈਲ (ਤਰਸੇਮ ਸਿੰਗਲਾ)-ਚਿੱਟੇ ਦੀ ਵੱਧ ਮਾਤਰਾ ਲੈਣ ਨਾਲ ਇਕ 20 ਸਾਲ ਦੇ ਨੌਜਵਾਨ ਯਸ਼ ਪੁੱਤਰ ਮਾਹਲਾ ਰਾਮ ਵਾਸੀ ਸ਼ਾਂਤ ਨਗਰ, ਰਾਮਾਂ ਮੰਡੀ ਦੀ ਮੌਤ ਹੋ ਗਈ | ਰਾਮਾਂ ਮੰਡੀ ਵਾਸੀਆਂ ਨੇ ਕਿਹਾ ਕਿ ਚਿੱਟੇ ਨੇ ਇਕ ਮਾਂ ਤੋਂ ਉਸ ਦਾ ਛੋਟਾ ਪੁੱਤਰ ਅਤੇ ਇਕ ਭੈਣ ਤੋਂ ਉਸ ਦਾ ਦੂਸਰਾ ਭਰਾ ਵੀ ਖੋਹ ਲਿਆ ਹੈ | ਮਿ੍ਤਕ ਯਸ਼ ਦੀ ਮਾਤਾ ਜੋਤੀ ਰਾਣੀ ਵਿਧਵਾ ਮਾਹਲਾ ਰਾਮ ਨੇ ਰਾਮਾਂ ਮੰਡੀ ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿਚ ਦੱਸਿਆ ਕਿ ਸੁਖਜਿੰਦਰ ਸਿੰਘ ਵਾਸੀ ਪਿੰਡ ਬੰਗੀ ਰੁਲਦੂ, ਹਰਬੰਸ ਸਿੰਘ ਵਾਸੀ ਪਿੰਡ ਕਮਾਲੂ, ਕਾਲੂ ਵਾਸੀ ਰਾਮਾਂ ਮੰਡੀ, ਵੀਰਪਾਲ ਕੌਰ ਵਾਸੀ ਬੀਬੜੀਆ ਜ਼ਿਲ੍ਹਾ ਮਾਨਸਾ ਤੇ ਕੁਝ ਹੋਰ ਅਣਪਛਾਤੇ ਵਿਅਕਤੀਆਂ ਨੇ ਮਿਲਕੇ ਉਸਦੇ ਲੜਕੇ ਨੂੰ ਚਿੱਟੇ ਨਸ਼ੇ ਦੀ ਓਵਰਡੋਜ਼ ਦੇ ਦਿੱਤੀ, ਜਿਸ ਨਾਲ ਉਸ ਦਾ ਪੁੱਤਰ ਘਰ ਪਹੁੰਚਦੇ ਹੀ ਬੇਹੋਸ਼ ਹੋ ਗਿਆ ਅਤੇ ਹਸਪਤਾਲ ਲਿਜਾਂਦੇ ਸਮੇਂ ਰਸਤੇ 'ਚ ਹੀ ਉਸ ਦੀ ਮੌਤ ਹੋ ਗਈ | ਰਾਮਾਂ ਪੁਲਿਸ ਨੇ ਜੋਤੀ ਰਾਣੀ ਦੇ ਬਿਆਨਾਂ ਦੇ ਆਧਾਰ 'ਤੇ ਸੁਖਜਿੰਦਰ ਸਿੰਘ ਵਾਸੀ ਪਿੰਡ ਬੰਗੀ ਰੁਲਦੂ, ਹਰਬੰਸ ਸਿੰਘ ਵਾਸੀ ਪਿੰਡ ਕਮਾਲੂ, ਕਾਲੂ ਵਾਸੀ ਰਾਮਾਂ ਮੰਡੀ, ਵੀਰਪਾਲ ਕੌਰ ਵਾਸੀ ਬੀਬੜੀਆ ਜ਼ਿਲ੍ਹਾ ਮਾਨਸਾ ਤੇ ਕੁਝ ਹੋਰ ਅਣਪਛਾਤੇ ਵਿਅਕਤੀਆਂ ਵਿਰੁੱਧ ਵੱਖ-ਵੱਖ ਧਾਰਾਵਾਂ ਅਧੀਨ ਮਾਮਲਾ ਦਰਜ ਕਰਕੇ ਦੋ ਦੋਸ਼ੀਆਂ ਸੁਖਜਿੰਦਰ ਸਿੰਘ ਅਤੇ ਹਰਬੰਸ ਸਿੰਘ ਨੂੰ ਗਿ੍ਫ਼ਤਾਰ ਕਰ ਲਿਆ ਹੈ |
