ਜੰਮੂ ਵਾਸੀ ਬੀ.ਐਸ.ਐਫ. ਜਵਾਨ ਦੀ ਐਨ.ਸੀ.ਬੀ. ਹਿਰਾਸਤ 'ਚ ਮੌਤ ਦਾ ਮਾਮਲਾ- ਪੋਸਟਮਾਰਟਮ ਰਿਪੋਰਟ ਲੂੰ ਕੰਢੇ ਖੜ੍ਹੇ ਕਰਨ ਵਾਲੀ ਸਰੀਰ 'ਤੇ 34 ਸੱਟਾਂ ਦੇ ਨਿਸ਼ਾਨ ਪਾਏ ਜਾਣ ਦਾ ਖੁਲਾਸਾ <br/>

ਅੰਮਿ੍ਤਸਰ, 23 ਅਪ੍ਰੈਲ (ਰੇਸ਼ਮ ਸਿੰਘ)-ਜੰਮੂ ਦੇ ਰਹਿਣ ਵਾਲੇ ਬੀ.ਐਸ.ਐਫ. ਦੇ ਜਵਾਨ ਦੀ ਐਨ.ਸੀ.ਬੀ. ਦੀ ਹਿਰਾਸਤ 'ਚ ਹੋਈ ਮੌਤ ਦੇ ਚਰਚਿਤ ਮਾਮਲੇ ਦੀ ਅੱਜ ਮਿਲੀ ਪੋਸਟਮਾਰਟਮ ਰਿਪੋਰਟ ਅੰਨੇ੍ਹ ਪੁਲਿਸ ਤਸ਼ੱਦਦ ਦੀ ਗਵਾਹੀ ਭਰਦੀ ਹੈ, ਜਿਸ 'ਚ ਮਿ੍ਤਕ ਸਰੀਰ 'ਤੇ 34 ਸੱਟਾਂ ਗੰਭੀਰ ਦੇ ਨਿਸ਼ਾਨ ਪਾਏ ਗਏ ਹਨ | ਇਹ ਵਾਕਿਆ ਬੀਤੀ 20 ਮਾਰਚ ਦਾ ਹੈ ਜਦੋਂ ਕਿ ਕੌਮੀ ਨਾਰਕੋਟਿਸ ਕੰਟਰੋਲ ਬਿਊਰੋ ਜੰਮੂ ਵਲੋਂ ਤਸਕਰੀ 'ਚ ਜੰਮੂ ਐੱਨ.ਸੀ.ਬੀ. ਵਲੋਂ ਪੁਛਗਿੱਛ ਲਈ ਲਿਆਂਦੇ ਜਵਾਨ ਦੀ ਮੌਤ ਹੋ ਗਈ ਸੀ | ਉਸ ਦੀ ਲਾਸ਼ ਦੇ ਪੋਸਟਮਾਰਟਮ ਮੌਕੇ ਮਿ੍ਤਕ ਦੇ ਪਰਿਵਾਰਕ ਮੈਂਬਰਾਂ ਨੇ ਦੋਸ਼ ਲਾਇਆ ਕਿ ਉਨ੍ਹਾਂ ਦੇ ਪੱੁਤਰ ਦੀ ਮੌਤ ਕਥਿਤ ਤਸ਼ੱਦਦ ਕਾਰਨ ਹੋਈ ਹੈ | ਮਿ੍ਤਕ ਬੀ.ਐੱਸ.ਐੱਫ. ਜਵਾਨ ਦੀ ਸ਼ਨਾਖਤ ਜਸਵਿੰਦਰ ਸਿੰਘ ਉਰਫ ਸੰਨੀ ਵਾਸੀ ਨਿਉ ਦੀਵਾਨਗੜ੍ਹ ਜੰਮੂ ਵਜੋਂ ਹੋਈ ਸੀ ਜੋ ਕਿ ਤਿ੍ਪੁਰਾ ਵਿਖੇ ਆਪਣੀਆਂ ਸੇਵਾਵਾਂ ਨਿਭਾਅ ਰਿਹਾ ਸੀ | ਮਨੁਖੀ ਅਧਿਕਾਰ ਸੰਗਠਨ ਦੇ ਆਗੂ ਸਰਬਜੀਤ ਸਿੰਘ ਵੇਰਕਾ ਨੇ ਦੱਸਿਆ ਕਿ ਅੱਜ ਉਸ ਦੇ ਪੋਸਟਮਾਰਟਮ ਰਿਪੋਰਟ ਹਾਸਲ ਕਰਨ ਲਈ ਮਿ੍ਤਕਾ ਦੀ ਵਿਧਵਾ ਲਵਜੀਤ ਕੌਰ, ਭਰਾ ਭੁਪਿੰਦਰ ਸਿੰਘ ਤੇ ਮਾਤਾ ਗੁਰਮੀਤ ਕੌਰ ਵੀ ਪੁੱਜੇ ਹੋਏ ਸਨ | ਪੋਸਟਮਾਰਟਮ ਰਿਪੋਰਟ ਮੁਤਾਬਕ ਉਸ ਦੇ ਸਰੀਰ 'ਤੇ 34 ਸੱਟਾਂ ਦੇ ਨਿਸ਼ਾਨ ਸਨ ਜਿਨ੍ਹਾਂ 'ਚੋਂ 25 ਸੱਟਾਂ ਕੇਵਲ 2 ਤੋਂ 4 ਦਿਨ ਪੁਰਾਣੀਆਂ ਸਨ ਜਦੋਂ ਕਿ 18 ਸੱਟਾਂ ਮਿ੍ਤਕ ਦੀ ਮੌਤ ਤੋਂ ਕੇਵਲ 24 ਘੰਟੇ ਹੀ ਪੁਰਾਣੀਆਂ ਸਨ | ਜਸਵਿੰਦਰ ਸਿੰਘ ਨੂੰ 13 ਮਾਰਚ ਨੂੰ ਚੁਕਿਆ ਗਿਆ ਸੀ ਜਦੋਂ ਕਿ 20 ਮਾਰਚ ਤੱਕ ਉਹ ਐੱਨ.ਸੀ.ਬੀ. ਦੀ ਹਿਰਾਸਤ ਵਿਚ ਹੀ ਸੀ | ਵੇਰਕਾ ਨੇ ਦੱਸਿਆ ਕਿ ਅੱਜ ਪਰਿਵਾਰ ਵਲੋਂ ਜ਼ਿਲ੍ਹਾ ਸੈਸ਼ਨ ਜੱਜ ਜਤਿੰਦਰ ਕੌਰ ਦੀ ਅਦਾਲਤ 'ਚ ਪੇਸ਼ ਹੋ ਕੇ ਅਰਜ਼ੀ ਦਿੱਤੀ ਗਈ ਹੈ ਕਿ ਇਸ ਮਾਮਲੇ 'ਚ ਲੋੜੀਂਦੀ ਜਾਂਚ ਤੇਜ਼ੀ ਨਾਲ ਕੀਤੀ ਜਾਵੇ ਅਤੇ ਜੰਮੂ ਐਨ.ਸੀ.ਬੀ. ਅਧਿਕਾਰੀਆਂ ਨੂੰ ੂ ਕਤਲ ਮਾਮਲੇ 'ਚ ਨਾਮਜਦ ਕਰਕੇ ਗਿ੍ਫਤਾਰ ਕੀਤਾ ਜਾਵੇ |