ਕੋਲਕਾਤਾ, 14 ਜੂਨ (ਏਜੰਸੀ)-ਬਾਗ਼ੀ ਤਿ੍ਣਮੂਲ ਕਾਂਗਰਸ ਦੇ ਸੰਸਦ ਮੈਂਬਰ ਕਾਕੋਲੀ ਘੋਸ਼ ਦਸਤੀਦਾਰ ਦੇ ਪੁੱਤਰ ਨੇ ਐਤਵਾਰ ਨੂੰ ਕਿਹਾ ਕਿ ਉਹ ਪੱਛਮੀ ਬੰਗਾਲ ਦੀ ਸਾਬਕਾ ਮੁੱਖ ਮੰਤਰੀ ਮਮਤਾ ਬੈਨਰਜੀ ਵਲੋਂ ਉਨ੍ਹਾਂ ਨੂੰ ਅਤੇ ਉਨ੍ਹਾਂ ਦੀ ਪਤਨੀ ਨੂੰ ਦਿੱਤੇ ਗਏ ਤੋਹਫ਼ੇ ਵਾਪਸ ਕਰ ਦੇਣਗੇ | ਉਨ੍ਹਾਂ ਇਸ ਲਈ ਹਾਲੀਆ ਘਟਨਾਵਾਂ ਅਤੇ ਨਿੱਜੀ ਜ਼ਮੀਰ ਦਾ ਹਵਾਲਾ ਦਿੱਤਾ | ਸੰਸਦ ਮੈਂਬਰ ਦੇ ਪੁੱਤਰ ਡਾ. ਬੈਦਿਆਨਾਥ ਘੋਸ਼ ਨੇ ਇਹ ਵੀ ਕਿਹਾ ਕਿ ਮਮਤਾ ਬੈਨਰਜੀ ਅਤੇ ਕਈ ਤਿ੍ਣਮੂਲ ਕਾਂਗਰਸ ਸੰਸਦ ਮੈਂਬਰਾਂ ਨੂੰ , ਜੋ ਬਾਗ਼ੀ ਗੁੱਟ 'ਚ ਸ਼ਾਮਿਲ ਨਹੀਂ ਹੋਏ, ਨੂੰ ਉਨ੍ਹਾਂ ਵਿਰੁੱਧ ਕੀਤੀਆਂ ਗਈਆਂ ਕੁਝ ਅਣਉਚਿਤ ਟਿੱਪਣੀਆਂ ਕਰਨ ਲਈ ਕਾਨੂੰਨੀ ਨੋਟਿਸ ਭੇਜਿਆ ਜਾਵੇਗਾ | ਐਕਸ 'ਤੇ ਪੋਸਟ 'ਚ ਬੈਦਿਆਨਾਥ ਨੇ ਕਿਹਾ ਕਿ ਉਹ ਉਨ੍ਹਾਂ ਦੀ ਪਤਨੀ ਨੂੰ ਸਾਡੇ ਵਿਆਹ 'ਚ ਤੋਹਫ਼ੇ ਵਜੋਂ ਦਿੱਤਾ ਗਿਆ ਸੋਨੇ ਦਾ ਹਾਰ ਅਤੇ ਮਮਤਾ ਦਫ਼ਤਰ ਵਲੋਂ ਦੁਰਗਾ ਪੂਜਾ ਦÏਰਾਨ ਦਿੱਤਾ ਗਿਆ ਕੁੜਤਾ-ਪਜਾਮਾ ਵਾਪਸ ਕਰ ਰਹੇ ਹਨ | ਸੋਸ਼ਲ ਮੀਡੀਆ 'ਤੇ ਆਪਣੇ ਪੁੱਤਰ ਦੀ ਪੋਸਟ ਸਾਂਝੀ ਕਰਦੇ ਹੋਏ, ਬਾਰਾਸਾਤ ਦੇ ਸੰਸਦ ਮੈਂਬਰ ਨੇ ਉਨ੍ਹਾਂ ਦੇ ਫ਼ੈਸਲੇ ਦਾ ਸਮਰਥਨ ਕੀਤਾ | ਮੀਡੀਆ ਨਾਲ ਗੱਲ ਕਰਦੇ ਹੋਏ ਬੈਦਿਆਨਾਥ ਨੇ ਕਿਹਾ ਕਿ ਬੈਨਰਜੀ ਨੇ ਪਿਛਲੇ ਪੰਜ ਤੋਂ ਛੇ ਸਾਲਾਂ ਤੋਂ ਹਰ ਦੁਰਗਾ ਪੂਜਾ 'ਤੇ ਉਨ੍ਹਾਂ ਨੂੰ ਰਵਾਇਤੀ ਕੁੜਤਾ-ਪਜਾਮਾ ਸੈੱਟ ਤੋਹਫ਼ੇ ਵਜੋਂ ਦਿੱਤੇ ਹਨ | ਮੈਂ ਉਨ੍ਹਾਂ ਸਾਰਿਆਂ ਨੂੰ ਉਨ੍ਹਾਂ ਦੇ ਕਾਲੀਘਾਟ ਨਿਵਾਸ 'ਤੇ ਵਾਪਸ ਕਰ ਦਿਆਂਗਾ | ਉਨ੍ਹਾਂ ਕਿਹਾ ਕਿ ਉਹ ਮੇਰੇ ਵਿਆਹ 'ਚ ਵੀ ਸ਼ਾਮਿਲ ਹੋਈ ਸੀ ਅਤੇ ਉਨ੍ਹਾਂ ਦੀ ਪਤਨੀ ਨੂੰ ਸੋਨੇ ਦਾ ਹਾਰ ਤੋਹਫ਼ੇ ਵਜੋਂ ਦਿੱਤਾ ਸੀ | ਉਹ ਵੀ ਵਾਪਸ ਕਰ ਦਿੱਤਾ ਜਾਵੇਗਾ | ਜੇਕਰ ਹਾਰ ਸਾਡੇ ਕੋਲ ਰਹਿਣ ਵਾਲੇ ਦੋ ਸਾਲਾਂ ਲਈ ਵਿਆਜ ਦੇਣਾ ਪੈਂਦਾ ਹੈ, ਤਾਂ ਮੈਂ ਉਹ ਵੀ ਦੇਣ ਲਈ ਤਿਆਰ ਹਾਂ | ਮੈਨੂੰ ਉਸ ਵਰਗੇ ਵਿਅਕਤੀ ਤੋਂ ਕੁਝ ਨਹੀਂ ਚਾਹੀਦਾ | ਬੈਦਿਆਨਾਥ ਨੇ ਇਹ ਵੀ ਐਲਾਨ ਕੀਤਾ ਕਿ ਉਨ੍ਹਾਂ ਦੇ ਵਕੀਲ ਬੈਨਰਜੀ ਅਤੇ ਤਿੰਨ ਤਿ੍ਣਮੂਲ ਸੰਸਦ ਮੈਂਬਰਾਂ ਨੂੰ ਉਨ੍ਹਾਂ ਤੇ ਉਨ੍ਹਾਂ ਦੇ ਪਰਿਵਾਰ ਬਾਰੇ ਕੀਤੀਆਂ ਗਈਆਂ ਟਿੱਪਣੀਆਂ 'ਤੇ ਕਾਨੂੰਨੀ ਨੋਟਿਸ ਭੇਜਣਗੇ | ਉਨ੍ਹਾਂ ਕਿਹਾ ਕਿ ਅਸੀਂ ਚਾਹੁੰਦੇ ਹਾਂ ਕਿ ਟੀ.ਐਮ.ਸੀ. ਮੁਖੀ ਅਤੇ ਹੋਰ ਆਪਣੀਆਂ ਟਿੱਪਣੀਆਂ ਵਾਪਸ ਲੈਣ | ਅਸੀਂ ਸੋਮਵਾਰ ਜਾਂ ਮੰਗਲਵਾਰ ਨੂੰ ਮਮਤਾ ਬੈਨਰਜੀ, ਕਲਿਆਣ ਬੈਨਰਜੀ, ਮਹੂਆ ਮੋਇਤਰਾ, ਸÏਗਾਤਾ ਰਾਏ ਅਤੇ ਸੋਨਾਲੀ ਗੁਹਾ ਨੂੰ ਕਾਨੂੰਨੀ ਨੋਟਿਸ ਭੇਜਾਂਗੇ |
