ਸੰਸਦ ਮੈਂਬਰ ਅਨੁਰਾਗ ਸ਼ਰਮਾ ਦੀ ਪਹਿਲ ਨਾਲ ਕੱਟੇ ਬੁੱਲਾਂ ਤੇ ਤਾਲੂ ਦਾ ਮੁਫ਼ਤ ਇਲਾਜ

ਜਲੰਧਰ, 12 ਸਤੰਬਰ (ਅ. ਬ.)

ਅ

ਅਜੀਤ ਡੈਸਕ 13-09-2026

ਜਲੰਧਰ, 12 ਸਤੰਬਰ (ਅ.ਬ.)-ਕੱਟੇ ਬੁੱਲਾਂ ਅਤੇ ਤਾਲੂ (ਕਲੇਫਟ) ਤੋਂ ਪੀੜਤ ਬੱਚਿਆਂ ਲਈ 9 ਦਿਨਾਂ ਤੱਕ ਚੱਲਿਆ ਮੁਫ਼ਤ ਸਰਜੀਕਲ ਕੈਂਪ ’ਚ 78 ਜ਼ਰੂਰਤਮੰਦ ਬੱਚਿਆਂ ਦਾ ਇਲਾਜ ਕੀਤਾ ਗਿਆ। ਇਹ ਕੈਂਪ ਵਿਰਾਂਗਨਾ ਫਾਊਂਡੇਸ਼ਨ, ਜੋ ਮੁੱਖ ਰੂਪ ’ਚ ਮਹਿਲ ਸ਼ਕਤੀਕਰਨ, ਬੱਚਿਆਂ ਦੇ ਕਲਿਆਣ ਅਤੇ ਪੇਂਡੂ ਵਿਕਾਸ ਦੇ ਖੇਤਰਾਂ ’ਚ ਸਮਾਿਜਕ ਕੰਮਾਂ ਲਈ ਜਾਣੀ ਜਾਂਦੀ ਹੈ ਵਲੋਂ ‘ਆਪ੍ਰੇਸ਼ਨ ਸਮਾਈਲ’ ਵਲੋਂ ਸੰਯੁਕਤ ਰੂਪ ਨਾਲ ਕਰਵਾਇਆ ਗਿਆ ਸੀ। ਝਾਂਸੀ-ਲਲਿਤਪੁਰ ਤੋਂ ਸੰਸਦ ਮੈਂਬਰ ਅਨੁਰਾਗ ਸ਼ਰਮਾ, ਜਿਨ੍ਹਾਂ ਇਸ ਕੈਂਪ ਨੂੰ ਲਗਾਉਣ ’ਚ ਅਹਿਮ ਭੂਮਿਕਾ ਨਿਭਾਈ, ਨੇ ਕਿਹਾ ਕਿ ਕੱਟੇ ਬੁੱਲ ਅਤੇ ਤਾਲੂ ਦੀ ਸਮੱਸਿਆ ਤੋਂ ਪ੍ਰਭਾਵਿਤ ਬੱਚਿਆਂ ਲਈ ਸਮੇਂ ’ਤੇ ਇਲਾਜ ਬੇਹੱਦ ਜ਼ਰੂਰੀ ਹੈ ਪਰ ਇਲਾਜ ਦੀ ਉੱਚੀ ਲਾਗਤ ਕਾਰਨ ਇਹ ਸੁਵਿਧਾ ਅਕਸਰ ਗਰੀਬ ਪਰਿਵਾਰਾਂ ਦੀ ਪਹੁੰਚ ਤੋਂ ਬਾਹਰ ਰਹਿ ਜਾਂਦੀ ਹੈ। ਅਨੁਰਾਗ ਸ਼ਰਮਾ ਬੈਦਨਾਥ ਦੇ ਜੇ.ਐਮ.ਡੀ. ਵੀ ਹਨ, ਜੋ ਲੋਕਾਂ ਨੂੰ ਮੁਫ਼ਤ ਇਲਾਜ ਸਲਾਹ ਦੀ ਸੁਵਿਧਾ ਉਪਲਬਧ ਕਰਵਾਉਂਦੀ ਹੈ। ਵਿਰਾਂਗਨਾ ਫਾਊਂਡੇਸ਼ਨ ਦੀ ਮੁਖੀ ਪੂਨਮ ਸ਼ਰਮਾ ਨੇ ਕਿਹਾ ਕਿ ਇਹ ਇਸ ਕੈਂਪ ਦਾ ਦੂਜਾ ਸੀਜ਼ਨ ਹੈ। ਪਹਿਲੇ ਕੈਂਪ ਦੀ ਸਫ਼ਲਤਾ ਅਤੇ ਜ਼ਰੂਰਤਮੰਦ ਮਰੀਜ਼ਾਂ ਦੀ ਜ਼ਰੂਰਤਾਂ ਨੂੰ ਦੇਖਦੇ ਹੋਏ ਇਸ ਵਾਰ ਵੀ ਵੱਡੇ ਪੱਧਰ ’ਤੇ ਕੈਂਪ ਲਗਾਇਆ ਗਿਆ ਸੀ। ਜ਼ਿਕਰਯੋਗ ਹੈ ਕਿ ‘ਆਪ੍ਰੇਸ਼ਨ ਸਮਾਈਲ’ ਅਮਰੀਕਾ ਅਧਾਰਿਤ ਭਲਾਈ ਸੰਸਥਾ ਹੈ, ਜੋ ਦੁਨੀਆ ਭਰ ’ਚ ਜ਼ਰੂਰਤਮੰਦ ਬੱਚਿਆਂ ਦੀ ‘ਕਲੇਫਟ’ ਦੇਖਭਾਲ ਕਰਦੀ ਹੈ। ਅਭਿਸ਼ੇਕ ਸੇਨਗੁਪਤਾ ‘ਆਪ੍ਰੇਸ਼ਨ ਸਮਾਈਲ’ (ਏਸ਼ੀਆ) ਦੇ ਐਸੋਸੀਏਟ ਉਪ ਪ੍ਰਧਾਨ ਹਨ।