ਲਹਿੰਦੇ ਪੰਜਾਬ ’ਚ ਕੁਫ਼ਰ ਦੇ ਦੋਸ਼ ਹੇਠ ਈਸਾਈ ਵਿਅਕਤੀ ਦੇ ਘਰ ਤੇ ਦੁਕਾਨ ਨੂੰ ਲਗਾਈ ਅੱਗ
ਅੰਮ੍ਰਿਤਸਰ, 11 ਅਕਤੂਬਰ (ਸੁਰਿੰਦਰ ਕੋਛੜ)-ਲਹਿੰਦੇ ਪੰਜਾਬ ’ਚ ਕੁਫ਼ਰ (ਈਸ਼ਨਿੰਦਾ) ਦੇ ਕਥਿਤ ਦੋਸ਼ਾਂ ਤੋਂ ਬਾਅਦ ਭੜਕੀ ਹਿੰਸਕ ਭੀੜ ਵਲੋਂ ਇਕ ਈਸਾਈ ਵਿਅਕਤੀ ਕਮਰਾਨ ਗੁਲ ਮਸੀਹ ਦੇ ਘਰ ਤੇ ਉਸ ਦੀ ਮੈਡੀਕਲ ਦੁਕਾਨ ਨੂੰ ਅੱਗ ਲਗਾਉਣ ਦਾ ਗੰਭੀਰ ਮਾਮਲਾ ਸਾਹਮਣੇ ਆਇਆ ਹੈ। ਘਟਨਾ ਤੋਂ ਬਾਅਦ ਸੰਭਾਵੀ ਹਮਲਿਆਂ ਦੇ ਡਰੋਂ ਘੱਟ ਗਿਣਤੀ ਭਾਈਚਾਰੇ ਦੇ 35 ਤੋਂ ਵੱਧ ਈਸਾਈ ਪਰਿਵਾਰ ਆਪਣੀ ਜਾਨ ਬਚਾਉਣ ਲਈ ਇਲਾਕੇ ’ਚੋਂ ਭੱਜ ਗਏ।
ਅੰਮ੍ਰਿਤਸਰ, 11 ਅਕਤੂਬਰ (ਸੁਰਿੰਦਰ ਕੋਛੜ)-ਲਹਿੰਦੇ ਪੰਜਾਬ ’ਚ ਕੁਫ਼ਰ (ਈਸ਼ਨਿੰਦਾ) ਦੇ ਕਥਿਤ ਦੋਸ਼ਾਂ ਤੋਂ ਬਾਅਦ ਭੜਕੀ ਹਿੰਸਕ ਭੀੜ ਵਲੋਂ ਇਕ ਈਸਾਈ ਵਿਅਕਤੀ ਕਮਰਾਨ ਗੁਲ ਮਸੀਹ ਦੇ ਘਰ ਤੇ ਉਸ ਦੀ ਮੈਡੀਕਲ ਦੁਕਾਨ ਨੂੰ ਅੱਗ ਲਗਾਉਣ ਦਾ ਗੰਭੀਰ ਮਾਮਲਾ ਸਾਹਮਣੇ ਆਇਆ ਹੈ। ਘਟਨਾ ਤੋਂ ਬਾਅਦ ਸੰਭਾਵੀ ਹਮਲਿਆਂ ਦੇ ਡਰੋਂ ਘੱਟ ਗਿਣਤੀ ਭਾਈਚਾਰੇ ਦੇ 35 ਤੋਂ ਵੱਧ ਈਸਾਈ ਪਰਿਵਾਰ ਆਪਣੀ ਜਾਨ ਬਚਾਉਣ ਲਈ ਇਲਾਕੇ ’ਚੋਂ ਭੱਜ ਗਏ। ਇਹ ਘਟਨਾ ਲਾਹੌਰ ਤੋਂ ਕਰੀਬ 50 ਕਿੱਲੋਮੀਟਰ ਦੂਰ ਸ਼ੇਖ਼ੂਪੁਰਾ ਜ਼ਿਲ੍ਹੇ ਦੇ ਪਿੰਡ ਘੜਿਆਲ ਕਲਾਂ ਦੀ ਨਾਰੰਗ ਮੰਡੀ ’ਚ ਵਾਪਰੀ। ਦੋਸ਼ ਹੈ ਕਿ 40 ਸਾਲਾ ਕਮਰਾਨ ਨੇ ਸੋਸ਼ਲ ਮੀਡੀਆ ’ਤੇ ਕਥਿਤ ਤੌਰ ’ਤੇ ਕੁਫ਼ਰ ਨਾਲ ਸੰਬੰਧਿਤ ਸਮੱਗਰੀ ਸਾਂਝੀ ਕੀਤੀ ਸੀ। ਹਾਲਾਂਕਿ, ਉੱਥੋਂ ਦੀ ਇਕ ਸਥਾਨਕ ਮਸਜਿਦ ਤੋਂ ਐਲਾਨ ਹੋਣ ਮਗਰੋਂ ਵੱਡੀ ਗਿਣਤੀ ‘ਚ ਭੀੜ ਕਮਰਾਨ ਦੇ ਘਰ ਦੇ ਬਾਹਰ ਇਕੱਠੀ ਹੋ ਗਈ। ਬੇਕਾਬੂ ਭੀੜ ਨੇ ਪਹਿਲਾਂ ਉਸ ਦੇ ਘਰ ਨੂੰ ਅੱਗ ਲਗਾ ਦਿੱਤੀ ਤੇ ਬਾਅਦ ’ਚ ਉਸ ਦੀ ਦਵਾਈਆਂ ਦੀ ਦੁਕਾਨ ਨੂੰ ਵੀ ਸਾੜ ਦਿੱਤਾ। ਪੁਲਿਸ ਨੇ ਕਾਮਰਾਨ ਮਸੀਹ ਵਿਰੁੱਧ ਮਾਮਲਾ ਦਰਜ ਕੀਤਾ ਹੈ।
