ਆਪ ਸਰਕਾਰ ਨੇ ਲੋਕਾਂ ਨਾਲ ਕੀਤੇ ਵਾਅਦੇ ਇੰਨ-ਬਿੰਨ ਨਿਭਾਏ-ਆਗੂ

ਕੋਟ ਈਸੇ ਖਾਂ, 14 ਸਤੰਬਰ (ਗੁਰਮੀਤ ਸਿੰਘ ਖ਼ਾਲਸਾ)-ਜਦੋਂ ਤੋਂ ਪਿਛਲੀਆਂ ਵਿਧਾਨ ਸਭਾ ਚੋਣਾਂ ਦੌਰਾਨ ਆਮ ਆਦਮੀ ਪਾਰਟੀ ‘ਤੇ ਵਿਸ਼ਵਾਸ ਕਰਦੇ ਹੋਏ ਸੂਬੇ ਤੇ ਲੋਕਾਂ ਨੇ ਸੂਬੇ ਦੀ ਸੱਤਾ ਪਾਰਟੀ ਨੂੰ ਸੌਂਪੀ ਤਾਂ ਉਦੋਂ ਤੋਂ ਲੈ ਕੇ ਲਗਾਤਾਰ ਹੋ ਰਹੇ ਚੰਗੇ ਕਾਰਜਾਂ ਕਰਕੇ ਸੂਬਾ ਖ਼ੁਸ਼ਹਾਲੀ ਦੇ ਰਾਹਾਂ ‘ਤੇ ਤੁਰਿਆ ਤੇ ਲੋਕਾਂ ਨਾਲ ਜੋ ਵੀ ਵਾਅਦੇ ਆਪ ਸਰਕਾਰ ਦੇ ਆਗੂਆਂ ਨੇ ਕੀਤੇ ਸਨ, ਉਹ ਇਨ ਬਿਨ ਪੂਰੇ ਹੋ ਰਹੇ ਹਨ। ਇਹ ਪ੍ਰਗਟਾਵਾ ਆਪ ਬਲਾਕ ਪ੍ਰਧਾਨ ਤੇ ਸਰਪੰਚ ਅਮਨ ਕਾਦਰਵਾਲਾ, ਜਗਜੀਵਨ ਸਿੰਘ ਗਿੱਲ ਸਰਪੰਚ ਲੋਹਾਰਾ, ਸਰਪੰਚ ਮਲੂਕ ਸਿੰਘ ਜੋਧੂ ਮਸਤੇਵਾਲਾ, ਸਰਪੰਚ ਪਰਮਿੰਦਰ ਸਿੰਘ ਜਨੇਰ, ਸੀਨੀਅਰ ਆਪ ਆਗੂ ਮਿਸਤਰੀ ਦਰਸ਼ਨ ਸਿੰਘ ਆਦਿ ਆਗੂਆਂ ਨੇ ਕਿਹਾ ਕਿ ਪਿਛਲੀਆਂ ਰਵਾਇਤੀ ਪਾਰਟੀਆਂ ਨੇ 70 ਸਾਲਾਂ ਵਿਚ ਸੂਬੇ ਦਾ ਕੱਖ ਨਹੀਂ ਸਵਾਰਿਆ ਜਦ ਕਿ ਆਮ ਆਦਮੀ ਪਾਰਟੀ ਦੇ ਤਕਰੀਬਨ ਚਾਰ ਸਾਲ ਦੇ ਕਾਰਜਕਾਲ ਵਿਚ ਹੀ ਸੂਬੇ ਦੇ ਲੋਕਾਂ ਦੀਆਂ ਅਸਲ ਲੋੜਾਂ ਨੂੰ ਜਿੱਥੇ ਪੂਰਾ ਕੀਤਾ ਗਿਆ ਉੱਥੇ ਕਿਸਾਨਾਂ ਦੇ ਖੇਤਾਂ ਤੱਕ ਨਹਿਰੀ ਪਾਣੀ, ਬਿਜਲੀ, ਬੀਬੀਆਂ ਦਾ ਮੁਫ਼ਤ ਬੱਸ ਸਫ਼ਰ, ਮਹਿਲਾਵਾਂ ਨੂੰ ਹਜ਼ਾਰ ਅਤੇ 1500 ਰੁਪਏ, ਮੁਫ਼ਤ ਬੀਮਾ ਯੋਜਨਾਂ, ਰਾਸ਼ਨ ਕਿੱਟਾਂ ਵਰਗੀਆਂ ਯੋਜਨਾਵਾਂ ਤੋਂ ਇਲਾਵਾ ਹਰ ਲੋੜੀਦੇ ਕਾਰਜ ਹੋ ਰਹੇ ਹਨ।

Ad Position 21