ਸੰਗਰੂਰ, 28 ਮਾਰਚ (ਅਮਨਦੀਪ ਸਿੰਘ ਬਿੱਟਾ) - ਅਕਾਲ ਕਾਲਜ ਫਾਰ ਵੂਮੈਨ ਦੇ ਅਧਿਆਪਕ ਜਿਨ੍ਹਾ ਵਿੱਚ ਕਰਮਜੀਤ ਕੌਰ, ਜਸਵਿੰਦਰ ਕੌਰ, ਜਤਿੰਦਰ ਕੌਰ, ਸੀਮਾ, ਸਵਿੰਦਰ ਕੌਰ ਨੇ ਦੱਸਿਆ ਕਿ ਉਹ ਪੰਜਾਬੀ ਯੂਨੀਵਰਸਿਟੀ ਨਾਲ ਸਬੰਧਤ ਐਫਿਲੀਏਟਿਡ ਕਾਲਜ ਦੇ ਅਧਿਆਪਕ ਹਨ | ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਵਿੱਚੋਂ ਤਿੰਨ ਅਧਿਆਪਕ 2016 ਵਿੱਚ ਸੋਧੋ ਹੋਏ ਗ੍ਰੇਡ ਵਿਚੋਂ ਸੇਵਾ ਮੁਕਤ ਹੋ ਚੁੱਕੇ ਹਨ ਪਰ ਉਨ੍ਹਾਂ ਨੂੰ ਅਜੇ ਤੱਕ ਵਧਈ ਹੋਈ ਗਰੈਚੂਏਟੀ ਅਤੇ (ਕਮਾਊ ਛੁੱਟੀ ਦਾ ਲਾਭ) ਮੈਨੇਜਮੈਂਟ ਵੱਲੋਂ ਨਹੀਂ ਦਿੱਤਾ ਗਿਆ | ਕਾਲਜ ਐਡਮਿਨ ਅਤੇ ਪਿ੍ੰਸੀਪਲ ਨੂੰ ਮਿਲ ਕੇ ਉਨ੍ਹਾ ਪ੍ਰਧਾਨ ਤੋਂ ਸਮਾ ਲੈਣ ਦੀ ਬੇਨਤੀ ਵੀ ਕੀਤੀ ਸੀ ਪਰ ਅਜੇ ਤੱਕ ਉਨ੍ਹਾਂ ਨੂੰ ਸਮਾਂ ਨਹੀਂ ਮਿਲਿਆ | ਉਨ੍ਹਾਂ ਅਪੀਲ ਕਰਦਿਆਂ ਕਿਹਾ ਕਿ ਉਨ੍ਹਾਂ ਦੀ ਮੰਗਾਂ ਉੱਤੇ ਧਿਆਨ ਦਿੱਤਾ ਜਾਵੇ ਅਤੇ ਬਕਾਏ ਜਲਦ ਦਵਾਏ ਜਾਣ | ਇਸ ਸੰਬਧੀ ਕਾਲਜ ਦੇ ਪ੍ਰਧਾਨ ਅਤੇ ਮੈਨੇਜਮੈਟ ਨਾਲ ਸੰਪਰਕ ਕਰਨ ਦਾ ਯਤਨ ਕੀਤਾ ਪਰ ਵਾਰ-ਵਾਰ ਸੰਪਰਕ ਕਰਨ ਦੇ ਬਾਵਜੂਦ ਉਨ੍ਹਾਂ ਦਾ ਪੱਖ ਨਹੀਂ ਮਿਲ ਸਕਿਆ |
