ਖਨੌਰੀ, 2 ਮਈ (ਬਲਵਿੰਦਰ ਸਿੰਘ ਥਿੰਦ) - ਖਨੌਰੀ ਦੇ ਵਾਰਡ ਨੰਬਰ 3 ਅਤੇ 6 ਦੇ ਸਾਂਝੇ ਪਲਾਟ ਦੀ ਬਿਲਡਿੰਗ ਦਾ ਅੱਜ ਲੈਂਟਰ ਪਾਉਣ ਦਾ ਕੰਮ ਸਫਲਤਾ ਪੂਰਵਕ ਮੁਕੰਮਲ ਹੋ ਗਿਆ ਹੈ | ਜਿਸ ਪ੍ਰਤੀ ਦੋਵੇਂ ਵਾਰਡਾਂ ਦੇ ਵਾਸੀਆਂ ਵਿੱਚ ਭਾਰੀ ਖ਼ੁਸ਼ੀ ਦੇਖਣ ਨੂੰ ਮਿਲ ਰਹੀ ਹੈ | ਇਸ ਮੌਕੇ ਮੌਜੂਦ ਕੌਂਸਲਰ ਬਲਵਿੰਦਰ ਸਿੰਘ ਅਤੇ ਆਮ ਆਦਮੀ ਪਾਰਟੀ ਦੇ ਬਲਾਕ ਪ੍ਰਧਾਨ ਵਿਸ਼ਾਲ ਕਾਂਸਲ ਸਮੇਤ ਹੋਰ ਆਗੂਆਂ ਨੇ ਕਿਹਾ ਕਿ ਜੋ ਵਾਅਦਾ ਇਲਾਕਾ ਨਿਵਾਸੀਆਂ ਨਾਲ ਕੀਤਾ ਗਿਆ ਸੀ, ਉਸ ਨੂੰ ਅੱਜ ਪੂਰਾ ਕਰ ਦਿੱਤਾ ਗਿਆ ਹੈ | ਸਮੂਹ ਆਗੂਆਂ ਅਤੇ ਹਾਜ਼ਰ ਲੋਕਾਂ ਨੇ ਇਸ ਪ੍ਰਤੀ ਕੈਬਨਿਟ ਮੰਤਰੀ ਅਤੇ ਹਲਕਾ ਵਿਧਾਇਕ ਬਰਿੰਦਰ ਗੋਇਲ ਦਾ ਵਿਸ਼ੇਸ਼ ਧੰਨਵਾਦ ਕੀਤਾ ਹੈ | ਇਸ ਮੌਕੇ ਮਾਸਟਰ ਜੋਗਾ ਸਿੰਘ, ਸੰਦੀਪ ਭੱਟੀ, ਜਸਪਿੰਦਰਪਾਲ ਸਿੰਘ, ਹਰਜਿੰਦਰ ਸਿੰਘ, ਡਾਕਟਰ ਸਾਬ ਸਿੰਘ, ਆਸ਼ੂ ਸਿੰਗਲਾ, ਮੱਖਣ ਕੁਮਾਰ, ਮਨਜੀਤ ਸਿੰਘ ਅਰੋੜਾ ਫਰੂਟ ਵਾਲੇ, ਹਰਵਿੰਦਰ ਸਿੰਘ ਸਮੇਤ ਦੋਵੇਂ ਵਾਰਡਾਂ ਦੇ ਹੋਰ ਵੀ ਪਤਵੰਤੇ ਸੱਜਣ ਹਾਜ਼ਰ ਸਨ |
