ਇਕਬਾਲ ਸਿੰਘ ਝੂੰਦਾ ਦੇ ਅਕਾਲੀ ਦਲ ਵਾਰਿਸ ਪੰਜਾਬ ਵਿੱਚ ਸ਼ਾਮਿਲ ਨਾਲ ਪੰਥਕ ਰਾਜਨੀਤੀ ਨੂੰ ਹੋਰ ਬਲ ਮਿਲੇਗਾ - ਸੋਹਲ/ ਜੱਸਲ

ਅਹਿਮਦਗੜ, 14 ਅਗਸਤ (ਸੁਖਜੀਤ ਸਿੰਘ ਖੇੜਾ) - ਵਿਧਾਨ ਸਭਾ ਹਲਕਾ ਅਮਰਗੜ੍ਹ ਤੋਂ ਸਾਬਕਾ ਵਿਧਾਇਕ ਇਕਬਾਲ ਸਿੰਘ ਝੂੰਦਾ ਦੇ ਅਕਾਲੀ ਦਲ ਵਾਰਿਸ ਪੰਜਾਬ ਵਿੱਚ ਸ਼ਾਮਿਲ ਹੋਣ ਦਾ ਸ਼ਹਿਰ ਅਹਿਮਦਗੜ੍ਹ ਦੇ ਆਗੂਆਂ ਵੱਲੋਂ ਭਰਵਾਂ ਸਵਾਗਤ ਕਰਦਿਆਂ ਸਹਿਰੀ ਪ੍ਰਧਾਨ ਕੁਲਵੰਤ ਸਿੰਘ ਸੋਹਲ ਅਤੇ ਜ਼ਿਲ੍ਹਾ ਆਗੂ ਅਵਤਾਰ ਸਿੰਘ ਜੱਸਲ ਨੇ ਕਿਹਾ ਕਿ ਇਸ ਨਾਲ ਪੰਜਾਬ ਦੀ ਪੰਥਕ ਰਾਜਨੀਤੀ ਨੂੰ ਹੋਰ ਬਲ ਮਿਲੇਗਾ ਅਤੇ ਪੰਜਾਬ ਦੀ ਪੰਥਕ ਸਿਆਸਤ ਨੂੰ ਮੁੜ ਤੋਂ ਲੀਹਾਂ ਤੇ ਲਿਆਉਣ ਲਈ ਇੱਕੋ ਇੱਕ ਉਮੀਦ ਭਾਈ ਅੰਮ੍ਰਿਤਪਾਲ ਸਿੰਘ ਹੀ ਦਿਖ ਰਿਹਾ ਹੈ। ਇਸ ਲਈ ਜੋ ਫੈਸਲਾ ਝੁੰਦਾ ਸਾਹਿਬ ਵੱਲੋਂ ਅਕਾਲੀ ਦਲ ਵਾਰਿਸ ਪੰਜਾਬ ਦੇ ਵਿੱਚ ਸ਼ਮੂਲੀਅਤ ਕੀਤੀ ਗਈ ਹੈ ਇਸ ਦਾ ਸਮੁੱਚੇ ਸਮਰਥਕਾਂ ਕੁਲਵੰਤ ਸਿੰਘ ਸੋਹਲ ਅਵਤਾਰ ਸਿੰਘ ਜੱਸਲ, ਮਾਸਟਰ ਬਲਵੀਰ ਸਿੰਘ ਧਲੇਰ, ਮਾਸਟਰ ਪਰਮਜੀਤ ਸਿੰਘ ਜਵੰਦਾ, ਨਵਜੋਤ ਸਿੰਘ ਜੋਤੀ, ਇੰਦਰ ਸਿੰਘ ਘਟੌੜਾ, ਸੁਪਰਡੈਂਟ ਮਨੋਜ ਗਰਗ, ਜਸਵਿੰਦਰ ਸਿੰਘ ਜੱਸੀ, ਕੌਂਸਲਰ ਅਮਨ ਅਫਰੀਦੀ, ਨਿਰਮਲ ਸਿੰਘ ਚੇਅਰਮੈਨ, ਹਰਪ੍ਰੀਤ ਸਿੰਘ ਬੌੜਹਾਈ, ਦਲਵਾਰਾ ਸਿੰਘ ਮਹੇਰਨਾਂ, ਹਰਦੀਪ ਸਿੰਘ ਹੂੰਝਣ, ਨਿਰਭੈ ਸਿੰਘ ਅਕਰਪੁਰਾ, ਮਾਸਟਰ ਕੁਲਦੀਪ ਸਿੰਘ, ਹਰਜਿੰਦਰ ਸਿੰਘ ਸਾਬਕਾ ਸਰਪੰਚ ਛੰਨਾ, ਕਾਲਾ ਪੰਚ ਛੰਨਾ, ਗਗਨਦੀਪ ਸਿੰਘ ਕਲੇਰਾਂ, ਅਜਮਲ ਖਾਂ ਸਰਪੰਚ ਦਹਿਲੀਜ, ਸਰਬਰ ਖਾਂ, ਅੰਬੂ ਸ਼ਾਹ ਆਦਿ ਵੱਲੋਂ ਸਵਾਗਤ ਕਰਦਿਆਂ ਉਹਨਾਂ ਦਾ ਹਰ ਪੱਖੋਂ ਸਮਰਥਨ ਕਰਨ ਦਾ ਐਲਾਨ ਕੀਤਾ ਗਿਆ।