ਅਬੋਹਰ ,4 ਅਪ੍ਰੈਲ (ਸੁਖਜੀਤ ਸਿੰਘ ਬਰਾੜ)-ਸਥਾਨਕ ਨਗਰ ਥਾਣਾ-1 ਦੀ ਪੁਲਿਸ ਵਲੋ ਹੈਰੋਇਨ ਸਮੇਤ ਇਕ ਵਿਅਕਤੀ ਨੂੰ ਗਿ੍ਫ਼ਤਾਰ ਕੀਤਾ ਹੈ | ਥਾਣਾ ਪੁਲਿਸ ਤਾੋ ਮਿਲੀ ਜਾਣਕਾਰੀ ਅਨੁਸਾਰ ਹੌਲਦਾਰ ਸਵਰਾਜ ਸਿੰਘ ਪਾਰਟੀ ਸਮੇਤ ਖੇਤਰੀ ਖੋਜ ਕੇਂਦਰ ਸੀਡ ਫਾਰਮ ਨੇੜੇ ਬਣੇ ਓਵਰ ਬਿ੍ਜ ਪਾਸ ਚੈਕਿੰਗ ਲਈ ਮੌਜੂਦ ਸਨ | ਇਸ ਦੌਰਾਨ ਇਕ ਸਫ਼ੈਦ ਰੰਗ ਦੀ ਕਾਰ 'ਤੇ ਇਕ ਵਿਅਕਤੀ ਆ ਰਿਹਾ ਸੀ | ਜਦਾੋ ਸੱਕ ਦੇ ਆਧਾਰ 'ਤੇ ਉਸ ਦੀ ਕਾਰ ਦੀ ਤਲਾਸ਼ੀ ਲਈ ਤਾਂ 20 ਗ੍ਰਾਮ ਹੈਰੋਇਨ ਬਰਾਮਦ ਹੋਈ | ਗਿ੍ਫ਼ਤਾਰ ਕੀਤੇ ਕਾਰ ਸਵਾਰ ਦੀ ਪਹਿਚਾਣ ਮਨਪ੍ਰੀਤ ਸਿੰਘ ਪੁੱਤਰ ਸੁਰਜੀਤ ਸਿੰਘ ਵਾਸੀ ਪਿੰਡ ਮਡਾਕ ਤਹਿਸੀਲ ਜੈਤੋ ਜ਼ਿਲ੍ਹਾ ਫ਼ਰੀਦਕੋਟ ਵੱਜੋ ਹੋਈ | ਨਗਰ ਥਾਣਾ-1 ਦੀ ਪੁਲਿਸ ਵਲੋਂ ਮਨਪ੍ਰੀਤ ਸਿੰਘ ਖ਼ਿਲਾਫ਼ ਧਾਰਾ 21, 61, 85 ਤਹਿਤ ਮੁਕੱਦਮਾ ਨੰਬਰ 86 ਦਰਜ ਕਰ ਲਿਆ ਹੈ |
