ਬਠਿੰਡਾ, 18 ਅਪ੍ਰੈਲ (ਪ੍ਰੀਤਪਾਲ ਸਿੰਘ ਰੋਮਾਣਾ)- ਸੀ.ਬੀ.ਐੱਸ.ਈ. ਦੇ 10 ਵੀਂ ਕਲਾਸ ਦੇ ਆਏ ਨਤੀਜੇ ਦੌਰਾਨ ਬਠਿੰਡਾ ਦੀ ਬਰਕਤ ਵਲੋਂ ਚੰਗੇ ਅੰਕ ਹਾਸਲ ਕਰਕੇ ਬਠਿੰਡਾ ਦਾ ਨਾਮ ਰੌਸ਼ਨ ਕੀਤਾ ਹੈ | ਬਰਕਤ ਦਾ ਕਹਿਣਾ ਹੈ, ਕਿ ਉਸ ਦਾ ਸੁਪਨਾ ਐਮਬੀਬੀਐੱਸ ਕਰਨ ਦੇ ਬਾਦ ਯੂ.ਪੀ.ਐੱਸ.ਸੀ. ਕਲੀਅਰ ਕਰਨਾ | ਬਰਕਤ ਦੇ ਪਿਤਾ ਬਠਿੰਡਾ 'ਚ ਫਿਜੀਓਥਰੈਪਿਸਟ ਡਾ. ਜਸਦੇਵ ਧਨੋਆ ਹੈ | ਜਦਕਿ ਉਸ ਦੀ ਮਾਂ ਨਵਦੀਪ ਕੌਰ ਬਰਾੜ ਜੋ ਕਿ ਪਿੰਡ ਭੱੁਚੋ ਵਿਖੇ ਸਰਕਾਰੀ ਸਕੂਲ 'ਚ ਅਧਿਆਪਕਾ ਹੈ | ਬਰਕਤ ਨੇ ਦੱਸਿਆ ਕਿ ਉਸ ਨੇ ਕਦੇ ਵੀ ਟਿਊਸ਼ਨ ਦਾ ਸਹਾਰਾਂ ਨਹੀਂ ਲਿਆ, ਹਮੇਸ਼ਾ ਸਕੂਲ ਵਿਚ ਜੋ ਅਧਿਆਪਕਾਂ ਵਲੋਂ ਪੜਾਇਆ ਜਾਂਦਾ ਸੀ, ਸਿਰਫ਼ ਉਸ ਨੂੰ ਹੀ ਘਰ ਵਿਚ ਪੜ੍ਹ ਕੇ ਇਹ ਮੁਕਾਮ ਹਾਸਲ ਕੀਤਾ ਹੈ | ਬਰਕਤ ਨੇ ਕਿਹਾ ਕਿ ਉਸ ਦੀ ਭੂਆ ਅਮਨਦੀਪ ਕੌਰ ਧਨੋਆ 2018 ਬੈਚ ਦੀ ਆਈਆਰਐੱਸ ਹੈ, ਉਨ੍ਹਾਂ ਤੋਂ ਹੀ ਬਹੁਤ ਕੁਝ ਸਿੱਖਣ ਨੂੰ ਮਿਲੀਆ ਹੈ | ਇਸ ਮੌਕੇ ਡਾ. ਜਸਦੇਵ ਧਨੋਆ ਨੇ ਕਿਹਾ ਕਿ ਉਸ ਨੂੰ ਮਾਣ ਹੈ, ਕਿ ਉਸ ਦੀ ਬੇਟੀ ਵੀ ਐਮਬੀਬੀਐੱਸ ਦੀ ਪੜਾਈ ਕਰਕੇ ਇਕ ਚੰਗੀ ਡਾਕਟਰ ਬਣੇ |
