ਲਹਿਰਾ ਮੁਹੱਬਤ, 29 ਮਈ (ਸੁਖਪਾਲ ਸਿੰਘ ਸੁੱਖੀ)-ਨਗਰ ਪੰਚਾਇਤ ਲਹਿਰਾ ਮੁਹੱਬਤ ਦੇ ਜਰਨਲ ਵਾਰਡ 9 ਵਿਚ ਆਜ਼ਾਦ ਉਮੀਦਵਾਰ ਮਨਜੀਤ ਕੌਰ ਪਤਨੀ ਅੰਮਿ੍ਤਪਾਲ ਸਿੰਘ ਕਾਲਾ ਨੇ ਆਪਣੀ ਦਰਾਣੀ ਅਕਾਲੀ ਦਲ ਦੇ ਉਮੀਦਵਾਰ ਕਰਮਜੀਤ ਕੌਰ ਪਤਨੀ ਇਕਬਾਲ ਸਿੰਘ ਤੋਂ 19 ਵੋਟਾਂ ਦੇ ਫ਼ਰਕ ਨਾਲ ਚੋਣ ਜਿੱਤ ਲਈ ਹੈ | ਇਸ ਜਰਨਲ ਵਾਰਡ ਨੰ. 9 'ਚ ਇਕੋ ਪਰਿਵਾਰ ਦੀਆਂ ਦੋ ਔਰਤਾਂ ਦਰਾਣੀ ਤੇ ਜਠਾਣੀ ਨੇ ਚੋਣ ਲੜੀ ਹੈ ਤੇ ਇਥੇ ਹੀ ਉਮੀਦਵਾਰ ਆਜ਼ਾਦ ਗੁਰਪ੍ਰੀਤ ਕੌਰ ਪਤਨੀ ਮਲਕੀਤ ਸਿੰਘ ਸਾਬਕਾ ਕੌਂਸਲਰ 35 ਵੋਟਾਂ ਨਾਲ ਤੀਜੇ ਸਥਾਨ 'ਤੇ ਰਹੇ ਹਨ | ਚੇਤੇ ਰਹੇ ਕਿ ਮੁਕਾਬਲਾ ਇਨ੍ਹਾਂ ਸਖ਼ਤ ਸੀ ਕਿ ਵਾਰਡ ਦੀ ਕੁਲ ਵੋਟ 357 'ਚੋਂ 351 ਪੋਲ ਹੋਈਆਂ ਸਨ, ਜੋ ਸਾਰੇ ਨਗਰ ਦੇ ਵਾਰਡਾਂ 'ਚੋਂ ਵੱਧ ਕਰੀਬ 90 ਫ਼ੀਸਦੀ ਵੋਟਾਂ ਪੋਲ ਹੋਈਆਂ ਸਨ |
