ਰਾਮਾਂ ਮੰਡੀ, 4 ਮਈ (ਤਰਸੇਮ ਸਿੰਗਲਾ)-ਬੀਤੇ ਦਿਨੀਂ ਸਥਾਨਕ ਰੇਲਵੇ ਸਟੇਸ਼ਨ ਦੇ ਸਾਹਮਣੇ ਸਥਿਤ ਨਵੀਂ ਬਸਤੀ ਵਿਚੋਂ ਦਿਨ-ਦਿਹਾੜੇ ਨਾਮਾਲੂਮ ਵਿਅਕਤੀ ਜਗਦੀਸ਼ ਰਾਏ ਪੁੱਤਰ ਲੁਭਾਇਆ ਰਾਮ ਦੇ ਘਰ ਦੇ ਬਾਹਰ ਖੜੀ ਉਸ ਦੀ ਨਵੀਂ ਇਲੈਕਟ੍ਰਾਨਿਕ ਸਕੂਟਰੀ ਰਾਈਡਰ ਚੋਰੀ ਕਰਕੇ ਲੈ ਗਿਆ | ਜਿਸ ਦੀ ਸੂਚਨਾ ਪੀੜ੍ਹਤ ਜਗਦੀਸ਼ ਰਾਏ ਵਲੋਂ ਪੁਲਿਸ ਨੂੰ ਦੇ ਦਿੱਤੀ ਗਈ ਹੈ | ਪੀੜ੍ਹਤ ਨੇ ਕਿਹਾ ਕਿ ਅਜਿਹੇ ਰਾਜ ਦਾ ਲੋਕਾਂ ਨੂੰ ਕੀ ਲਾਭ ਹੈ, ਜਿੱਥੇ ਲੋਕਾਂ ਦਾ ਸਮਾਨ ਆਵਦੇ ਘਰ ਵਿਚ ਵੀ ਸੁਰੱਖਿਅਤ ਨਹੀਂ ਹੈ | ਚੋਰੀ ਹੋਇਆ ਸਮਾਨ ਮਿਲਣਾ ਤਾਂ ਦੂਰ, ਚੋਰੀ ਦੀ ਰਿਪੋਰਟ ਦਰਜ ਕਰਵਾਉਣ ਲਈ ਵੀ ਸੰਘਰਸ਼ ਕਰਨਾ ਪੈਂਦਾ ਹੈ |
