ਕੈਂਟਰ ਤੇ ਟਰਾਲੇ ਦੀ ਟੱਕਰ ਕਾਰਨ ਡਰਾਈਵਰ ਗੰਭੀਰ ਜ਼ਖਮੀ
ਬਠਿੰਡਾ , 29 ਅਕਤੂਬਰ ( ਅਵਤਾਰ ਸਿੰਘ ਕੈਂਥ )- ਬਠਿੰਡਾ ਬਰਨਾਲਾ ਰੋਡ ’ ਤੇ ਚੇਤਕ ਪਾਰਕ ਨੇੜੇ ਰਾਤ ਦੇ ਸਮੇਂ ਇਕ ਕੈਂਟਰ ਖ਼ਰਾਬ ਖੜ੍ਹੇ ਟਰਾਲੇ ਦੇ ਪਿਛਲੇ ਹਿੱਸੇ ਨਾਲ ਟਕਰਾ ਗਿਆ । ਟਰਾਲੇ ਵਾਲੇ ਨੇ ਕੋਈ ਕੰਮ ਕਰਨ ਵਾਲੇ ਸੰਕੇਤਕ ਲਾਈਟਾਂ ਨਹੀਂ ਜਗਾਈਆਂ ਸਨ , ਜਿਸ ਕਾਰਨ ਇਹ ਹਾਦਸਾ ਵਾਪਰਿਆ ।
ਬਠਿੰਡਾ , 29 ਅਕਤੂਬਰ ( ਅਵਤਾਰ ਸਿੰਘ ਕੈਂਥ )- ਬਠਿੰਡਾ ਬਰਨਾਲਾ ਰੋਡ ’ ਤੇ ਚੇਤਕ ਪਾਰਕ ਨੇੜੇ ਰਾਤ ਦੇ ਸਮੇਂ ਇਕ ਕੈਂਟਰ ਖ਼ਰਾਬ ਖੜ੍ਹੇ ਟਰਾਲੇ ਦੇ ਪਿਛਲੇ ਹਿੱਸੇ ਨਾਲ ਟਕਰਾ ਗਿਆ । ਟਰਾਲੇ ਵਾਲੇ ਨੇ ਕੋਈ ਕੰਮ ਕਰਨ ਵਾਲੇ ਸੰਕੇਤਕ ਲਾਈਟਾਂ ਨਹੀਂ ਜਗਾਈਆਂ ਸਨ , ਜਿਸ ਕਾਰਨ ਇਹ ਹਾਦਸਾ ਵਾਪਰਿਆ । ਕੈਂਟਰ ਦਾ ਡਰਾਈਵਰ ਕੈਂਟਰ ਦੇ ਅੰਦਰ ਬੁਰੀ ਤਰ੍ਹਾਂ ਫਸ ਗਿਆ ਅਤੇ ਗੰਭੀਰ ਜ਼ਖਮੀ ਹੋ ਗਿਆ । ਹਾਦਸੇ ਦੀ ਸੂਚਨਾ ਮਿਲਣ ’ ਤੇ ਸਹਾਰਾ ਜਨ ਸੇਵਾ ਦੀ ਟੀਮ ਦੇ ਸੰਦੀਪ ਗਿੱਲ ਰਾਤ ਦੇ ਸਮੇਂ ਸਹਾਰਾ ਐਂਬੂਲੈਂਸ ਲੈ ਕੇ ਮੌਕੇ ’ ਤੇ ਪਹੁੰਚੇ । ਸੜਕ ਸੁਰੱਖਿਆ ਬਲ ਦੀ ਮਦਦ ਨਾਲ ਸਹਾਰਾ ਟੀਮ ਨੇ ਬਹੁਤ ਜੱਦੋ - ਜਹਿਦ ਤੋਂ ਬਾਅਦ ਕੈਂਟਰ ਦੇ ਡਰਾਈਵਰ ਨੂੰ ਬਾਹਰ ਕੱਢਿਆ । ਜ਼ਖ਼ਮੀ ਕੈਂਟਰ ਡਰਾਈਵਰ ਨੂੰ ਗੰਭੀਰ ਹਾਲਤ ਵਿਚ ਏਮਜ਼ ਹਸਪਤਾਲ ਪਹੁੰਚਾਇਆ । ਜ਼ਖਮੀ ਕੈਂਟਰ ਡਰਾਇਵਰ ਹਨੀ ਵਾਸੀ ਜਨਤਾ ਨਗਰ ਦਾ ਰਹਿਣ ਵਾਲਾ ਹੈ ।
