ਕਰਵਾ ਚੌਥ ਦਾ ਵਰਤ ਆਸਥਾ ਦੇ ਨਾਲ ਆਧੁਨਿਕਤਾ ਦੇ ਰੰਗ ’ਚ ਰੰਗਿਆ
ਬਠਿੰਡਾ, 29 ਅਕਤੂਬਰ (ਵੀਰਪਾਲ ਸਿੰਘ)- ਦੇਸ਼ ਭਰ ਵਿਚ ਸੁਹਾਗਣ ਔਰਤਾਂ ਵਲੋਂ ਆਪਣੇ ਪਤੀ ਦੀ ਲੰਮੀ ਉਮਰ, ਚੰਗੀ ਸਿਹਤ ਅਤੇ ਸੁਖੀ ਵਿਆਹੁਤਾ ਜੀਵਨ ਦੀ ਕਾਮਨਾ ਲਈ ਰੱਖਿਆ ਜਾਣ ਵਾਲਾ ਕਰਵਾ ਚੌਥ ਦਾ ਵਰਤ ਹੁਣ ਧਾਰਮਿਕ ਆਸਥਾ ਦੇ ਨਾਲ-ਨਾਲ ਆਧੁਨਿਕ ਜੀਵਨ ਸ਼ੈਲੀ ਦਾ ਰੂਪ ਵੀ ਧਾਰਨ ਕਰ ਚੁੱਕਾ ਹੈ। ਰਵਾਇਤੀ ਢੰਗ ਨਾਲ ਵਰਤ ਰੱਖਣ, ਪੂਜਾ ਕਰਨ ਅਤੇ ਚੰਦਰਮਾ ਨੂੰ ਅਰਘ ਦੇਣ ਦੀ ਪ੍ਰਥਾ ਦੇ ਨਾਲ ਹੁਣ ਕਿੱਟੀ ਪਾਰਟੀਆਂ, ਥੀਮ ਆਧਾਰਿਤ ਸਮਾਗਮਾਂ, ਮਹਿੰਗੇ ਕੱਪੜਿਆਂ, ਗਹਿਣਿਆਂ ਅਤੇ ਰੈਸਟੋਰੈਂਟਾਂ ਵਿਚ ਵਿਸ਼ੇਸ਼ ਭੋਜਨ ਦਾ ਰੁਝਾਨ ਵੀ ਦੇਖਣ ਨੂੰ ਮਿਲ ਰਿਹਾ ਹੈ।
ਬ
ਬਠਿੰਡਾ ਵਿਚ ਕਰਵਾ ਚੌਥ ਦਾ ਵਰਤ ਰੱਖਣ ਉਪਰੰਤ ਕਹਾਣੀ ਸੁਣਦੀਆਂ ਹੋਈਆਂ ਸੁਹਾਗਣਾਂ। ਤਸਵੀਰ: ਲਵਲੀ
30-10-2026
ਬਠਿੰਡਾ, 29 ਅਕਤੂਬਰ (ਵੀਰਪਾਲ ਸਿੰਘ)- ਦੇਸ਼ ਭਰ ਵਿਚ ਸੁਹਾਗਣ ਔਰਤਾਂ ਵਲੋਂ ਆਪਣੇ ਪਤੀ ਦੀ ਲੰਮੀ ਉਮਰ, ਚੰਗੀ ਸਿਹਤ ਅਤੇ ਸੁਖੀ ਵਿਆਹੁਤਾ ਜੀਵਨ ਦੀ ਕਾਮਨਾ ਲਈ ਰੱਖਿਆ ਜਾਣ ਵਾਲਾ ਕਰਵਾ ਚੌਥ ਦਾ ਵਰਤ ਹੁਣ ਧਾਰਮਿਕ ਆਸਥਾ ਦੇ ਨਾਲ-ਨਾਲ ਆਧੁਨਿਕ ਜੀਵਨ ਸ਼ੈਲੀ ਦਾ ਰੂਪ ਵੀ ਧਾਰਨ ਕਰ ਚੁੱਕਾ ਹੈ। ਰਵਾਇਤੀ ਢੰਗ ਨਾਲ ਵਰਤ ਰੱਖਣ, ਪੂਜਾ ਕਰਨ ਅਤੇ ਚੰਦਰਮਾ ਨੂੰ ਅਰਘ ਦੇਣ ਦੀ ਪ੍ਰਥਾ ਦੇ ਨਾਲ ਹੁਣ ਕਿੱਟੀ ਪਾਰਟੀਆਂ, ਥੀਮ ਆਧਾਰਿਤ ਸਮਾਗਮਾਂ, ਮਹਿੰਗੇ ਕੱਪੜਿਆਂ, ਗਹਿਣਿਆਂ ਅਤੇ ਰੈਸਟੋਰੈਂਟਾਂ ਵਿਚ ਵਿਸ਼ੇਸ਼ ਭੋਜਨ ਦਾ ਰੁਝਾਨ ਵੀ ਦੇਖਣ ਨੂੰ ਮਿਲ ਰਿਹਾ ਹੈ। ਕਰਵਾ ਚੌਥ ਮੌਕੇ ਕਈ ਸ਼ਹਿਰਾਂ ਵਿਚ ਔਰਤਾਂ ਵਲੋਂ ਸਮੂਹਿਕ ਤੌਰ ‘ਤੇ ਕਿੱਟੀ ਪਾਰਟੀਆਂ ਅਤੇ ਮਿਲਣ-ਜੁਲਣ ਦੇ ਪ੍ਰੋਗਰਾਮ ਕੀਤੇ ਗਏ। ਹੋਟਲਾਂ, ਬੈਂਕੁਇਟ ਹਾਲਾਂ ਅਤੇ ਪਾਰਟੀ ਸਥਾਨਾਂ ਵਿਚ ਵਿਸ਼ੇਸ਼ ਸਜਾਵਟ, ਮਹਿੰਦੀ, ਰਵਾਇਤੀ ਪਹਿਰਾਵੇ ਅਤੇ ਫ਼ੋਟੋ ਸੈਸ਼ਨਾਂ ਦਾ ਪ੍ਰਬੰਧ ਕੀਤਾ ਜਾਂਦਾ ਗਿਆ। ਕੁਝ ਮਹਿੰਗੇ ਹੋਟਲਾਂ ਅਤੇ ਪਾਰਟੀ ਹਾਲਾਂ ਵਿਚ ਇਸ ਮੌਕੇ ਬੁਕਿੰਗ ਦਾ ਦਬਾਅ ਵਧ ਜਾਂਦਾ ਹੈ। ਹਾਲਾਂਕਿ ਦੇਸ਼ ਭਰ ਦੇ ਹੋਟਲਾਂ ਵਿਚ 60 ਫ਼ੀਸਦੀ ਹਾਲ ਬੁੱਕ ਹੋਣ ਦਾਅਵਾ ਹੈ। ਵਰਤ ਦੀ ਪੂਜਾ ਤੋਂ ਬਾਅਦ ਔਰਤਾਂ ਵਲੋਂ ਮਹਿੰਗੇ ਰੈਸਟੋਰੈਂਟਾਂ ਵਿਚ ਕੀਤਾ ਪ੍ਰੀਤੀ ਭੋਜਨ ਦੇਸ਼ ਭਰ ਵਿਚ ਬਹੁਤ ਗਿਣਤੀ ਹਿੰਦੂ ਔਰਤਾਂ ਵਲੋਂ ਦਿਨ ਭਰ ਨਿਰਜਲਾ ਵਰਤ ਰੱਖਿਆ ਗਿਆ ਅਤੇ ਸ਼ਾਮ ਨੂੰ ਕਰਵਾ ਚੌਥ ਦੀ ਕਥਾ ਸੁਣ ਕੇ ਰਵਾਇਤੀ ਰੀਤੀ-ਰਿਵਾਜਾਂ ਅਨੁਸਾਰ ਪੂਜਾ ਕੀਤੀ ਗਈ। ਚੰਦਰਮਾ ਨਜ਼ਰ ਆਉਣ ਤੋਂ ਬਾਅਦ ਉਸ ਨੂੰ ਅਰਘ ਦੇ ਕੇ ਪਤੀ ਦੇ ਹੱਥੋਂ ਪਾਣੀ ਪੀ ਕੇ ਵਰਤ ਖੋਲ੍ਹਿਆ ਗਿਆ। ਇਸ ਤੋਂ ਬਾਅਦ ਕੁਝ ਪਰਿਵਾਰ ਘਰ ਵਿਚ ਭੋਜਨ ਕਰਨ ਦੀ ਬਜਾਏ ਹੋਟਲਾਂ ਅਤੇ ਮਹਿੰਗੇ ਰੈਸਟੋਰੈਂਟਾਂ ਵਿਚ ਪੁੱਜ ਕੇ ਪਰਿਵਾਰਕ ਡਿਨਰ ਅਤੇ ਵਿਸ਼ੇਸ਼ ਖਾਣੇ ਦੇ ਪ੍ਰਬੰਧ ਕਰਵਾਏ ਗਏ। ਦੂਜੇ ਪਾਸੇ, ਕਰਵਾ ਚੌਥ ਦੇ ਵਰਤ ਕਾਰਨ ਦਿਨ ਵੇਲੇ ਖਾਣ-ਪੀਣ ਦੀਆਂ ਕਈ ਦੁਕਾਨਾਂ ‘ਤੇ ਆਮ ਦਿਨਾਂ ਦੇ ਮੁਕਾਬਲੇ ਕੁਝ ਔਰਤਾਂ ਦੀ ਖ਼ਰੀਦਦਾਰੀ ਘੱਟ ਰਹਿ ਸਕਦੀ ਹੈ। ਖ਼ਾਸ ਕਰਕੇ ਫਾਸਟ ਫੂਡ ਅਤੇ ਸਨੈਕਸ ਖਾਣ ਵਾਲੀਆਂ ਔਰਤਾਂ ਵਰਤ ਕਾਰਨ ਇਨ੍ਹਾਂ ਤੋਂ ਦੂਰੀ ਬਣਾਈ ਰੱਖਦੀਆਂ ਹਨ। ਹਾਲਾਂਕਿ ਇਸ ਨਾਲ ਫਾਸਟ ਫੂਡ ਦੀ ਕੁੱਲ ਵਿਕਰੀ ਵਿਚ ਵੱਡੀ ਗਿਰਾਵਟ ਦਰਜ ਹੋਈ ਹੈ। ਕਰਵਾ ਚੌਥ ਦਾ ਬਦਲਦਾ ਰੂਪ ਦਰਸਾਉਂਦਾ ਹੈ ਕਿ ਧਾਰਮਿਕ ਪਰੰਪਰਾਵਾਂ ਨੂੰ ਨਵੀਂ ਪੀੜ੍ਹੀ ਆਪਣੇ ਢੰਗ ਨਾਲ ਮਨਾ ਰਹੀ ਹੈ। ਇਕ ਪਾਸੇ ਵਰਤ ਦੀ ਆਸਥਾ ਅਤੇ ਰਵਾਇਤੀ ਰੀਤੀ-ਰਿਵਾਜ ਬਰਕਰਾਰ ਹਨ, ਉੱਥੇ ਦੂਜੇ ਪਾਸੇ ਸਮਾਜਿਕ ਮਿਲਣ-ਜੁਲਣ, ਕਿੱਟੀ ਪਾਰਟੀਆਂ ਅਤੇ ਬਾਜ਼ਾਰ ਦੀ ਰੌਣਕ ਇਸ ਤਿਉਹਾਰ ਦਾ ਨਵਾਂ ਰੂਪ ਦੇ ਰਹੇ ਹਨ।
