20-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 06-01-2026

ਖੰਨਾ ਨੂੰ ਜ਼ਿਲ੍ਹਾ ਬਣਾਉਣ ਅਤੇ ਕੋਰਟ ਕੰਪਲੈਕਸ ਦੀਆਂ ਗੰਭੀਰ ਸਮੱਸਿਆਵਾਂ ਖ਼ਿਲਾਫ਼ ਭੁੱਖ ਹੜਤਾਲ ਸ਼ੁਰੂ

Ad Position 21
No active advertisement
ਖੰਨਾ ਨੂੰ ਜ਼ਿਲ੍ਹਾ ਬਣਾਉਣ ਅਤੇ ਕੋਰਟ ਕੰਪਲੈਕਸ ਦੀਆਂ ਗੰਭੀਰ ਸਮੱਸਿਆਵਾਂ ਖ਼ਿਲਾਫ਼ ਭੱੁਖ ਹੜਤਾਲ 'ਤੇ ਬੈਠੇ ਆਗੂ | ਤਸਵੀਰ : ਸੋਨੀ ਗਿੱਲ <br/> 06-01-2026
ਖੰਨਾ, 5 ਜਨਵਰੀ (ਹਰਜਿੰਦਰ ਸਿੰਘ ਲਾਲ)-ਖੰਨਾ ਨੂੰ ਪੂਰਨ ਜ਼ਿਲ੍ਹਾ ਬਣਾਉਣ ਅਤੇ ਬੁੱਲੇਪੁਰ (ਖੰਨਾ) ਵਿਖੇ ਤਿਆਰ ਹੋ ਰਹੇ ਕੋਰਟ ਕੰਪਲੈਕਸ ਨਾਲ ਜੁੜੀਆਂ ਗੰਭੀਰ ਸੁਰੱਖਿਆ, ਡਰੇਨਜ, ਆਵਾਜਾਈ, ਟਰੈਫਿਕ, ਪਾਰਕਿੰਗ ਅਤੇ ਵਕੀਲਾਂ ਦੀ ਬੁਨਿਆਦੀ ਢਾਂਚਾਗਤ ਕਮੀ ਦੇ ਵਿਰੋਧ ਵਿੱਚ ਅੱਜ 5 ਜਨਵਰੀ 2026 ਤੋਂ ਸ਼ਾਂਤਮਈ ਭੁੱਖ ਹੜਤਾਲ ਸ਼ੁਰੂ ਕਰ ਦਿੱਤੀ ਗਈ ਹੈ | ਅੱਜ ਪਹਿਲੇ ਦਿਨ ਕਰਨੈਲ ਸਿੰਘ ਇਕੋਲਾਹਾ ਕੌਮੀ ਜਨਰਲ ਸਕੱਤਰ ਆਲ ਇੰਡੀਆ ਸੰਯੁਕਤ ਕਿਸਾਨ ਸਭਾ, ਜਥੇਦਾਰ ਸਰਬਜੀਤ ਸਿੰਘ ਖ਼ਾਲਸਾ ਕੇਂਦਰੀ ਕਮੇਟੀ ਮੈਂਬਰ ਯੂਨਾਇਟੇਡ ਟਰੇਡਜ ਯੂਨੀਅਨ ਕਾਂਗਰਸ, ਬਹਾਲ ਸਿੰਘ ਨਾਗਰਾ ਆਗੂ ਭਾਰਤੀ ਕਿਸਾਨ ਯੂਨੀਅਨ ਰਾਜੇਵਾਲ, ਰਾਜਿੰਦਰ ਸਿੰਘ ਸਾਬਕਾ ਪੰਚ ਆਲ ਇੰਡੀਆ ਕਿਸਾਨ ਸਭਾ, ਐਡਵੋਕੇਟ ਲਵਪ੍ਰੀਤ ਸਿੰਘ ਇਕੋਲਾਹਾ ਭੁੱਖ ਹੜਤਾਲ ਤੇ ਬੈਠੇ | ਇਸ ਮੌਕੇ ਭੁੱਖ ਹੜਤਾਲ ਕਰ ਰਹੀਆਂ ਜਥੇਬੰਦੀਆਂ ਦੇ ਆਗੂਆਂ ਨੇ ਦੱਸਿਆ ਕਿ ਖੰਨਾ ਉਦਯੋਗਿਕ, ਵਪਾਰਕ ਅਤੇ ਆਬਾਦੀ ਦੇ ਹਿਸਾਬ ਨਾਲ ਪੂਰੀ ਤਰ੍ਹਾਂ ਜ਼ਿਲ੍ਹਾ ਬਣਨ ਦੇ ਮਾਪਦੰਡ ਪੂਰੇ ਕਰਦਾ ਹੈ, ਪਰ ਸਰਕਾਰ ਵੱਲੋਂ ਲਗਾਤਾਰ ਅਣਦੇਖੀ ਕਾਰਨ ਲੋਕਾਂ ਨੂੰ ਅੱਜ ਵੀ ਪ੍ਰਸ਼ਾਸਕੀ ਅਤੇ ਨਿਆਂਕ ਕੰਮਾਂ ਲਈ ਲੁਧਿਆਣਾ ਜਾਣ ਲਈ ਮਜਬੂਰ ਕੀਤਾ ਜਾ ਰਿਹਾ ਹੈ |
ਕਰਨੈਲ ਸਿੰਘ ਇਕੋਲਾਹਾ ਨੇ ਕਿਹਾ ਕਿ ਬੁੱਲੇਪੁਰ ਵਿਖੇ ਬਣ ਰਹੇ ਕੋਰਟ ਕੰਪਲੈਕਸ ਨਾਲ ਸਭ ਤੋਂ ਵੱਡਾ ਖ਼ਤਰਾ ਗੈਬ ਦੀ ਪੁਲੀ ਨੂੰ ਲੈ ਕੇ ਹੈ, ਜੋ ਕਿ ਕੋਈ ਪੁਲ ਜਾਂ ਰਸਤਾ ਨਹੀਂ, ਸਗੋਂ ਖੰਨਾ ਸ਼ਹਿਰ ਦਾ ਇਕੱਲਾ ਮੀਂਹ ਦੇ ਪਾਣੀ ਦਾ ਨਿਕਾਸੀ ਰਸਤਾ ਹੈ | ਇਸ ਨਾਲ ਕਿਸੇ ਵੀ ਤਰ੍ਹਾਂ ਦੀ ਛੇੜਛਾੜ ਮਾਨਸੂਨ ਦੌਰਾਨ ਹੜ੍ਹਾਂ, ਜਾਨ-ਮਾਲ ਦੇ ਨੁਕਸਾਨ ਅਤੇ ਵੱਡੀ ਤਬਾਹੀ ਦਾ ਕਾਰਨ ਬਣ ਸਕਦੀ ਹੈ |
ਉਨ੍ਹਾਂ ਦੱਸਿਆ ਕਿ ਕੋਰਟ ਕੰਪਲੈਕਸ ਲਈ ਕੋਈ ਸਿੱਧਾ ਆਵਾਜਾਈ ਰਸਤਾ ਨਹੀਂ, ਸਾਰੀ ਆਵਾਜਾਈ ਮੰਡੀ ਗੋਬਿੰਦਗੜ੍ਹ ਅਤੇ ਖੰਨਾ ਫੋਕਲ ਪੁਆਇੰਟ ਦੇ ਭਾਰੀ ਉਦਯੋਗਿਕ ਟਰੈਫ਼ਿਕ ਵਿਚੋਂ ਲੰਘਦੀ ਹੈ, ਜਿਸ ਨਾਲ ਹਾਦਸਿਆਂ ਅਤੇ ਟਰੈਫ਼ਿਕ ਜਾਮ ਦਾ ਭਾਰੀ ਖ਼ਤਰਾ ਹੈ | ਜਥੇਬੰਦੀਆਂ ਨੇ ਇਹ ਵੀ ਦੋਸ਼ ਲਗਾਇਆ ਕਿ ਕੋਰਟ ਕੰਪਲੈਕਸ ਵਿੱਚ ਪਾਰਕਿੰਗ ਅਤੇ ਵਕੀਲਾਂ ਦੇ ਕੈਬਿਨ ਬਹੁਤ ਘੱਟ ਹਨ ਅਤੇ ਭਵਿੱਖ ਲਈ ਕੋਈ ਵਿਸਥਾਰ ਯੋਜਨਾ ਨਹੀਂ ਬਣਾਈ ਗਈ |
ਭੁੱਖ ਹੜਤਾਲ ਕਰ ਰਹੀਆਂ ਜਥੇਬੰਦੀਆਂ ਨੇ ਸਰਕਾਰ ਤੋਂ ਮੰਗ ਕੀਤੀ ਕਿ ਖੰਨਾ ਨੂੰ ਤੁਰੰਤ ਪੂਰਨ ਜ਼ਿਲ੍ਹਾ ਘੋਸ਼ਿਤ ਕੀਤਾ ਜਾਵੇ, ਬੁੱਲ੍ਹੇਪੁਰ ਸਾਈਡ ਨਵੇਂ ਬਣਨ ਵਾਲੇ ਕੋਰਟ ਕੰਪਲੈਕਸ ਸਾਈਟ ਦੀ ਤੁਰੰਤ ਤਕਨੀਕੀ ਮੁੜ ਜਾਂਚ ਕਰਵਾਈ ਜਾਵੇ, ਗੈਬ ਦੀ ਪੁਲੀ ਅਤੇ ਡਰੇਨਜ ਸਿਸਟਮ ਦੀ ਪੂਰੀ ਸੁਰੱਖਿਆ ਯਕੀਨੀ ਬਣਾਈ ਜਾਵੇ, ਉਦਯੋਗਿਕ ਟਰੈਫ਼ਿਕ ਤੋਂ ਹਟ ਕੇ ਵੱਖਰਾ ਆਵਾਜਾਈ ਰਸਤਾ ਬਣਾਇਆ ਜਾਵੇ, ਪਾਰਕਿੰਗ ਅਤੇ ਵਕੀਲਾਂ ਦੇ ਕੈਬਿਨਾਂ ਵਿੱਚ ਤੁਰੰਤ ਵਾਧਾ ਕੀਤਾ ਜਾਵੇ, ਨੇਤਾਵਾਂ ਨੇ ਚੇਤਾਵਨੀ ਦਿੱਤੀ ਕਿ ਜੇਕਰ ਸਰਕਾਰ ਨੇ ਜਲਦੀ ਕੋਈ ਠੋਸ ਫ਼ੈਸਲਾ ਨਾ ਲਿਆ, ਤਾਂ ਇਹ ਸੰਘਰਸ਼ ਹੋਰ ਤਿੱਖਾ ਕੀਤਾ ਜਾਵੇਗਾ, ਜਿਸ ਦੀ ਪੂਰੀ ਜ਼ਿੰਮੇਵਾਰੀ ਸਰਕਾਰ ਦੀ ਹੋਵੇਗੀ | ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਗੁਰਦੀਪ ਸਿੰਘ ਕਾਲੀ, ਕੈਪਟਨ ਨੰਦ ਲਾਲ ਮਾਜਰੀ, ਨਾਜ਼ਰ ਸਿੰਘ ਢਿੱਲੋਂ, ਰਾਜਬੀਰ ਸਿੰਘ ਐਡਵੋਕੇਟ, ਜਥੇਦਾਰ ਗੁਰਮੇਲ ਸਿੰਘ ਖ਼ਾਲਸਾ, ਦਿਲਪ੍ਰੀਤ ਸਿੰਘ ਢਿੱਲੋਂ ਕੋਚ, ਚਰਨਜੀਤ ਸਿੰਘ, ਐਡਵੋਕੇਟ ਅਸ਼ੋਕ ਕੁਮਾਰ ਮੱਗੂ, ਮੇਵਾ ਸਿੰਘ, ਅਮਰਜੀਤ ਸਿੰਘ, ਅਮਰਜੀਤ ਸਿੰਘ ਰਸੂਲੜਾ, ਅਮਨਦੀਪ ਸਿੰਘ, ਅਭਿਸ਼ੇਕ ਰਾਜ, ਚਰਨਜੀਤ ਕੌਰ ਚਰਜੀਤ ਸਿੰਘ ਚੰਨੀ, ਹਰਚਰਨ ਸਿੰਘ ਰਹਾਉਣ, ਅਵਤਾਰ ਸਿੰਘ, ਰਮੇਸ਼ ਸਿੰਘ ਰਸੂਲੜਾ, ਇੰਦਰਜੀਤ ਸਿੰਘ ਆਦਿ ਮੌਜੂਦ ਸਨ |
Ad Position 22
No active advertisement
ਪਿਛਲੀ ਖ਼ਬਰ ਪੰਜਾਬ ਦੇ ਓਵਰਏਜ਼ ਬੇਰੁਜ਼ਗਾਰ ਸੂਬਾ ਸਰਕਾਰ ਦੀਆਂ ਨੀਤੀਆਂ ਤੋਂ ਨਿਰਾਸ਼ ਅਗਲੀ ਖ਼ਬਰ ਨਿੱਜੀਕਰਨ ਦੀ ਨੀਤੀ ਖ਼ਿਲਾਫ਼ ਡੀ. ਸੀ. ਦਫ਼ਤਰ ਅੱਗੇ 16 ਦੇ ਰੋਸ ਮੁਜ਼ਾਹਰੇ ਦੀ ਕਾਮਯਾਬੀ ਲਈ ਕੀਤਾ ਝੰਡਾ ਮਾਰਚ
Ad Position 24