ਖੰਨਾ, 31 ਜਨਵਰੀ (ਹਰਜਿੰਦਰ ਸਿੰਘ ਲਾਲ)-ਉਪ ਮੰਡਲ ਸਿਟੀ 2 ਖੰਨਾ ਪੀ. ਐਸ. ਪੀ. ਸੀ. ਐਲ. ਵਲੋਂ ਬਿਜਲੀ ਦੇ ਖਪਤਕਾਰਾਂ ਨੂੰ ਇਕ ਨੋਟਿਸ ਜਾਰੀ ਕਰ ਕੇ ਕਿਹਾ ਗਿਆ ਹੈ ਕਿ ਜਿਨ੍ਹਾਂ ਦੇ ਬਿੱਲਾਂ ਦੀ ਬਿੱਲ ਭਰਨ ਦੀ ਆਖਰੀ ਮਿਤੀ ਲੰਘ ਚੁੱਕੀ ਹੈ ਅਤੇ ਉਨ੍ਹਾਂ ਵਲੋਂ ਆਪਣੇ ਬਿੱਲਾਂ ਦੀ ਅਦਾਇਗੀ ਅਜੇ ਤੱਕ ਨਹੀਂ ਕੀਤੀ ਗਈ ਹੈ | ਉਹ ਆਪਣੀ ਜ਼ਿੰਮੇਵਾਰੀ ਸਮਝਦੇ ਹੋਏ ਬਿੱਲਾਂ ਦੀ ਅਦਾਇਗੀ ਜਲਦ ਤੋਂ ਜਲਦ ਕਰਨ | ਬਕਾਇਦਾ ਰਕਮ ਖੜੀ ਹੋਣ ਦੀ ਸੂਰਤ ਵਿਚ ਕੁਨੈਕਸ਼ਨ ਕੱਟ ਦਿੱਤੇ ਜਾਣਗੇ | ਖਪਤਕਾਰ ਆਪਣਾ ਬਿੱਲ ਗੂਗਲ ਪੇਅ ਤੇ ਵੀ ਭਰ ਸਕਦੇ ਹਨ | ਪੇਮੈਂਟ ਕਰਨ ਤੋਂ ਪਹਿਲਾਂ ਆਪਣਾ ਖਾਤਾ ਨੰਬਰ ਅਤੇ ਨਾਮ ਚੈਕ ਕਰ ਲਿਆ ਜਾਵੇ | ਖਪਤਕਾਰ ਆਪਣਾ ਬਿੱਲ ਦਫਤਰੀ ਸਮੇਂ ਦੌਰਾਨ ਸ/ਡ ਸਿਟੀ 1, 2 ਵਿਖੇ ਭਰ ਸਕਦੇ ਹਨ | ਖਪਤਕਾਰ ਆਪਣਾ ਬਿੱਲ ਪੀ. ਐਸ. ਪੀ. ਸੀ. ਐਲ. ਦੀ ਐਪ ਵਿਚ ਦੇਖ ਅਤੇ ਭਰ ਸਕਦੇ ਹਨ |
