ਰਾੜਾ ਸਾਹਿਬ,11 ਮਾਰਚ (ਪ੍ਰੀਤਮ ਸਿੰਘ ਮੁਕੰਦਪੁਰੀ)-ਸਰਕਾਰੀ ਕਾਲਜ ਕਰਮਸਰ, ਰਾੜਾ ਸਾਹਿਬ ਵਿਖੇ ਪਿ੍ੰਸੀਪਲ ਡਾ. ਮੁਹੰਮਦ ਇਰਫ਼ਾਨ ਦੀ ਅਗਵਾਈ ਹੇਠ ਕਾਲਜ ਦੇ ਰੈੱਡ ਰਿਬਨ, ਰੈੱਡ ਕਰਾਸ ਕਮੇਟੀ ਅਤੇ ਯੂਥ ਕਲੱਬ ਵਲੋਂ ਏਡਜ ਜਾਗਰੂਕਤਾ ਸਬੰਧੀ ਲੈਕਚਰ ਕਰਵਾਇਆ ਗਿਆ | ਵਿਭਾਗ ਵਲੋਂ ਸਾਲ 2026 ਲਈ ਨਿਰਧਾਰਿਤ ਥੀਮ 'ਮੁੜ ਸੋਚਣਾ, ਮੁੜ ਨਿਰਮਾਣ ਅਤੇ ਅੱਗੇ ਵਧਣਾ' ਨੂੰ ਮੁੱਖ ਰੱਖਦਿਆਂ ਹੋਇਆ ਵਿਦਿਆਰਥੀਆਂ ਦੀ ਸਿਹਤ ਸੁਰੱਖਿਆ ਲਈ ਆਯੋਜਿਤ ਪ੍ਰੋਗਰਾਮ ਦੌਰਾਨ ਪ੍ਰੋ. ਅਮਨਦੀਪ ਕੌਰ, ਮੈਂਬਰ ਰੈੱਡ ਕਰਾਸ ਕਮੇਟੀ ਨੇ ਬੋਲਦਿਆਂ ਏਡਜ਼ ਮਹਾਂਮਾਰੀ ਬਾਰੇ ਦੱਸਿਆ | ਉਨ੍ਹਾਂ ਇਸ ਦੇ ਕਾਰਨਾਂ, ਲੱਛਣਾਂ, ਉਪਾਅ, ਸਾਵਧਾਨੀਆਂ ਅਤੇ ਰੋਕਥਾਮ ਦੇ ਢੰਗਾਂ ਅਤੇ ਇਲਾਜ ਬਾਰੇ ਅਹਿਮ ਜਾਣਕਾਰੀ ਵੀ ਦਿੱਤੀ | ਪ੍ਰੋ. ਗਗਨਦੀਪ ਕੌਰ, ਮੈਂਬਰ ਰੈੱਡ ਰਿਬਨ ਕਲੱਬ ਅਤੇ ਪ੍ਰੋ. ਰਮਨਦੀਪ ਕੌਰ ਨੇ ਸਿਹਤ ਸੁਰੱਖਿਆ ਸਬੰਧੀ ਮਹੱਤਵਪੂਰਨ ਜਾਣਕਾਰੀ ਸਾਂਝੀ ਕੀਤੀ |