ਦੋਰਾਹਾ, 16 ਅਪ੍ਰੈਲ (ਪੱਤਰ ਪ੍ਰੇਰਕ)- ਗੁਰੂ ਨਾਨਕ ਮਾਡਲ ਸੀਨੀਅਰ ਸੈਕੰਡਰੀ ਸਕੂਲ ਦੋਰਾਹਾ ਦਾ ਸੀ. ਬੀ. ਐੱਸ.ਈ. ਦੁਆਰਾ ਐਲਾਨਿਆ ਗਿਆ, ਦਸਵੀਂ ਜਮਾਤ ਦਾ ਨਤੀਜਾ ਬਹੁਤ ਹੀ ਸ਼ਾਨਦਾਰ ਰਿਹਾ | ਸਕੂਲ ਦੇ ਦਸਵੀਂ ਜਮਾਤ ਦੇ ਕੁੱਲ 155 ਵਿਦਿਆਰਥੀਆਂ ਵਿਚੋਂ ਤਨਜੋਤ ਕੌਰ ਨੇ 98 ਫੀਸਦੀ ਅੰਕ, ਸੁਸ਼ਾਂਤ ਸਿੰਘ ਰਾਣਾ ਤੇ ਜਪਨੀਤ ਕੌਰ ਨੇ 96.8 ਫੀਸਦੀ, ਅਭਿਨਿਊ ਨੇ 95.8 ਫ਼ੀਸਦੀ, ਸੰਜਨਾ ਕੁਸ਼ਵਾਹਾ ਨੇ 93.6 ਫ਼ੀਸਦੀ, ਲਵੱਨਿਆ ਸ਼ਰਮਾ ਨੇ 93.4 ਫ਼ੀਸਦੀ, ਸ਼ਾਈਨਪ੍ਰੀਤ ਕੌਰ ਨੇ 93.2 ਫ਼ੀਸਦੀ, ਮੰਯਕ ਭਕਤਾ ਨੇ 92.6 ਫ਼ੀਸਦੀ, ਕੋਮਲਪ੍ਰੀਤ ਕੌਰ ਨੇ 91.2 ਫ਼ੀਸਦੀ, ਨੇਹਾ ਨੇ 91 ਫ਼ੀਸਦੀ, ਗੁਰਨੂਰ ਕੌਰ ਨੇ 90.4 ਫ਼ੀਸਦੀ ਤੇ ਅਨਮੋਲਦੀਪ ਸਿੰਘ ਨੇ 90.2 ਫ਼ੀਸਦੀ ਅੰਕ ਪ੍ਰਾਪਤ ਕਰਕੇ ਆਪਣੇ ਸਕੂਲ, ਮਾਤਾ-ਪਿਤਾ, ਅਧਿਆਪਕਾਂ ਅਤੇ ਇਲਾਕੇ ਦਾ ਨਾਮ ਰੌਸ਼ਨ ਕੀਤਾ | ਇਸ ਤੋਂ ਇਲਾਵਾ ਇਨਫ਼ਾਰਮੇਸ਼ਨ ਤਕਨਾਲੋਜੀ ਵਿਸ਼ੇ ਵਿਚੋਂ ਸੁਸ਼ਾਂਤ ਸਿੰਘ ਰਾਣਾ ਨੇ 100 ਵਿਚੋਂ 100 ਅੰਕ ਪ੍ਰਾਪਤ ਕੀਤੇ | ਸਕੂਲ ਕਮੇਟੀ ਦੇ ਪ੍ਰਧਾਨ ਹਰਪ੍ਰਤਾਪ ਸਿੰਘ ਬਰਾੜ ਅਤੇ ਡਾਇਰੈਕਟਰ ਰੁਪਿੰਦਰ ਕੌਰ ਬਰਾੜ, ਮੀਤ ਪ੍ਰਧਾਨ ਪਵਿੱਤਰਪਾਲ ਸਿੰਘ ਪਾਂਗਲੀ ਤੇ ਕਮੇਟੀ ਮੈਂਬਰਾਂ ਨੇ ਇਸ ਮੌਕੇ 'ਤੇ ਪਿ੍ੰਸੀਪਲ ਡੀ. ਪੀ. ਠਾਕੁਰ, ਸਮੂਹ ਸਟਾਫ਼, ਮਾਤਾ-ਪਿਤਾ ਅਤੇ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ ਅਤੇ ਸ਼ਲਾਘਾ ਕੀਤੀ |
