ਜਗਰਾਉਂ, 20 ਮਈ (ਵਿਨੋਦ ਕੁਮਾਰ)-ਨਗਰ ਕੌਂਸਲ ਜਗਰਾਉਂ ਦੀਆਂ ਚੋਣਾਂ 'ਚ ਵਾਰਡ ਨੰਬਰ 15 ਤੋਂ ਭਾਜਪਾ ਦੀ ਉਮੀਦਵਾਰ ਰਜਨੀ ਚੋਪੜਾ ਪਤਨੀ ਅਨਿਲ ਕੁਮਾਰ ਸੰਟੀ ਦੇ ਚੋਣ ਦਫ਼ਤਰ ਦਾ ਉਦਘਾਟਨ ਕੀਤਾ ਗਿਆ | ਇਸ ਮੌਕੇ ਹਨੂਮਾਨ ਚਾਲੀਸਾ ਦਾ ਪਾਠ ਕੀਤਾ ਗਿਆ | ਇਸ ਮੌਕੇ ਭਾਜਪਾ ਦੀ ਸੀਨੀਅਰ ਆਗੂ ਰਾਸ਼ੀ ਅਗਰਵਾਲ ਵਿਸ਼ੇਸ਼ ਤੌਰ 'ਤੇ ਪਹੁੰਚੀ | ਇਸ ਮੌਕੇ ਉਦਘਾਟਨ ਕਰਦਿਆਂ ਰਾਸ਼ੀ ਅਗਰਵਾਲ, ਜ਼ਿਲ੍ਹਾ ਪ੍ਰਧਾਨ ਡਾ: ਰਾਜਿੰਦਰ ਸ਼ਰਮਾ, ਕੰਵਰ ਨਰਿੰਦਰ ਸਿੰਘ ਤੇ ਅਨਿਲ ਕੁਮਾਰ ਸ਼ੰਟੀ ਨੇ ਕਿਹਾ ਕਿ ਵਾਰਡ 'ਚ ਭਾਜਪਾ ਉਮੀਦਵਾਰ ਨੂੰ ਲੋਕਾਂ ਦਾ ਭਰਵਾਂ ਸਮਰਥਨ ਮਿਲ ਰਿਹਾ ਹੈ ਤੇ ਲੋਕ ਸਾਡਾ ਉਦੇਸ਼ ਸਿਰਫ਼ ਜਿੱਤ ਨਹੀਂ, ਸਗੋਂ ਜਗਰਾਉਂ ਦੇ ਵਾਰਡ ਦਾ ਵਿਕਾਸ ਅਤੇ ਜਨਤਾ ਦੀ ਸੇਵਾ ਹੈ | ਇਸ ਮੌਕੇ ਉਮੀਦਵਾਰ ਰਜਨੀ ਚੋਪੜਾ ਨੇ ਕਿਹਾ ਕਿ ਮੇਰਾ ਪਹਿਲਾ ਕੰਮ ਵਾਰਡ 'ਚ ਅਧੂਰੇ ਪਏ ਕੰਮ ਕਰਵਾਉਣਾ ਹੈ, ਜਿਹੜਾ ਤੁਹਾਡੇ ਸਹਿਯੋਗ ਨਾਲ ਹੋ ਸਕਦਾ ਹੈ | ਵਾਰਡਾਂ ਦੀ ਨੁਹਾਰ ਬਦਲਣ ਲਈ ਮੈਨੂੰ ਸੇਵਾ ਦਾ ਮੌਕਾ ਦਿੱਤਾ ਜਾਵੇ | ਇਸ ਮੌਕੇ ਸਤੀਸ਼ ਕੁਮਾਰ ਪੱਪੂ, ਰਾਜਨ ਖੁਰਾਣਾ, ਸੋਨੀ ਮੱਕੜ, ਹਿੰਮਤ ਜੋਸ਼ੀ, ਪਰਮਿੰਦਰ ਕੋਹਲੀ, ਅਜੀਤ ਸਿੰਘ ਅਖਾੜਾ, ਦਿਨੇਸ਼ ਕਾਕਾ, ਰਾਜਾ ਵਰਮਾ, ਨਵਨੀਤ ਨਿਸ਼ੂ, ਅੰਕੁਸ਼ ਅਰੋੜਾ, ਅੰਕੁਸ਼ ਸਹਿਜਪਾਲ ਆਦਿ ਹਾਜ਼ਰ ਸਨ |
