ਕਾਰਾਂ ਦੀ ਭਿਆਨਕ ਟੱਕਰ, ਬਜ਼ੁਰਗ ਗੰਭੀਰ ਜ਼ਖ਼ਮੀ

ਮਾਛੀਵਾੜਾ ਸਾਹਿਬ, 10 ਅਕਤੂਬਰ (ਮਨੋਜ ਕੁਮਾਰ)-ਸਮਰਾਲਾ ਰੋਡ ’ਤੇ ਦੋ ਕਾਰਾਂ ਦੀ ਆਹਮੋ ਸਾਹਮਣੇ ਹੋਈ ਟੱਕਰ ਵਿਚ ਕਾਰ ਸਵਾਰ 85 ਸਾਲਾ ਬਜ਼ੁਰਗ ਗੁਰਦੀਪ ਸਿੰਘ ਗੰਭੀਰ ਜ਼ਖਮੀ ਹੋ ਗਿਆ ਤੇ ਉਸ ਦੀ ਬੇਟੀ ਨੂੰ ਵੀ ਕੁੱਝ ਸੱਟਾਂ ਆਈਆਂ ਹਨ। ਇਹ ਘਟਨਾ ਉਸ ਸਮੇਂ ਵਾਪਰੀ ਜਦੋਂ ਬਜ਼ੁਰਗ ਗੁਰਦੀਪ ਸਿੰਘ ਵਾਸੀ ਮਾਛੀਵਾੜਾ ਨੂੰ ਹਰ ਵਾਰ ਦੀ ਤਰਾਂ ਉਨ੍ਹਾਂ ਦੀ ਬੇਟੀ ਕਾਰ ਵਿਚ ਡੈਲਸਿਸ ਕਰਵਾਉਣ ਲਈ ਸਬੰਧਿਤ ਡਾਕਟਰ ਕੋਲ ਲੈ ਕੇ ਜਾ ਰਹੀ ਸੀ ਕਿ ਅਚਾਨਕ ਮਾਛੀਵਾੜਾ ਤੋਂ ਕਿ੍ਰਪਾਨ ਭੇਂਟ ਨੂੰ ਮੁੜਦੇ ਰਾਹ ਤੋਂ ਕੋਈ ਰਾਹਗੀਰ ਗਲਤ ਸਾਈਡ ਤੋਂ ਆ ਗਿਆ ਤੇ ਸਾਹਮਣੇ ਤੋਂ ਆ ਰਹੀ ਤੇਜ ਰਫ਼ਤਾਰ ਕਾਰ ਸਾਹਮਣੇ ਆ ਵੱਜੀ ਤੇ ਉਸ ਕਾਰ ਵਿਚ ਸਵਾਰ ਨੌਜਵਾਨ ਹਰਿਆਣਾ ਤੋਂ ਹਿਮਾਚਲ ਘੁੰਮਣ ਜਾ ਰਹੇ ਸਨ।