ਧਨੌਲਾ, 30 ਜਨਵਰੀ (ਜਤਿੰਦਰ ਸਿੰਘ ਧਨੌਲਾ)-ਸ਼ਹੀਦ ਭਗਤ ਸਿੰਘ ਯੂਥ ਸਪੋਰਟਸ ਕਲੱਬ ਧਨੌਲਾ ਵਲੋਂ ਐਨ.ਆਰ.ਆਈ. ਭਰਾਵਾਂ ਅਤੇ ਗੁਰਦੁਆਰਾ ਰਾਮਸਰ ਸਾਹਿਬ ਪ੍ਰਬੰਧਕ ਕਮੇਟੀ ਦੇ ਸਹਿਯੋਗ ਨਾਲ 41ਵਾਂ ਯਾਦਗਾਰੀ ਟੂਰਨਾਮੈਂਟ 13, 14 ਅਤੇ 15 ਫਰਵਰੀ ਨੂੰ ਸ਼ਹੀਦ ਭਗਤ ਸਿੰਘ ਸਟੇਡੀਅਮ ਪੱਕਾ ਬਾਗ ਵਿਖੇ ਕਰਵਾਇਆ ਜਾ ਰਿਹਾ ਹੈ | ਜਾਣਕਾਰੀ ਦਿੰਦਿਆਂ ਸੀਨੀਅਰ ਆਗੂ ਸਿਮਰਦੀਪ ਸਿੰਘ ਦੀਪੀ ਡੀ.ਪੀ ਨੇ ਦੱਸਿਆ ਕਿ 13 ਫਰਵਰੀ ਨੂੰ ਫੁੱਟਬਾਲ ਇਕ ਪਿੰਡ ਓਪਨ, ਬਾਸਕਟਬਾਲ ਓਪਨ, ਬਾਸਕਟਬਾਲ ਸਮੈਸਿੰਗ ਇਨਵੀਟੇਸ਼ਨ, 14 ਫਰਵਰੀ ਨੂੰ ਕਬੱਡੀ 50 ਕਿੱਲੋ ਇਕ ਪਿੰਡ, ਇਕ ਖਿਡਾਰੀ ਬਾਹਰੋਂ ਅਤੇ ਬਾਸਕਟਬਾਲ ਫਾਈਨਲ ਦੇ ਮੁਕਾਬਲੇ ਕਰਵਾਏ ਜਾਣਗੇ | ਉਨ੍ਹਾਂ ਦੱਸਿਆ ਕਿ 15 ਫਰਵਰੀ ਨੂੰ ਕਬੱਡੀ 65 ਕਿੱਲੋ ਫਾਈਨਲ ਅਤੇ ਕਬੱਡੀ ਓਪਨ (ਆਲ ਓਪਨ) ਚਾਰ ਟੀਮਾਂ ਦੇ ਦਿਲਕਸ਼ ਮੁਕਾਬਲੇ ਕਰਵਾਏ ਜਾਣਗੇ ਅਤੇ ਜੇਤੂ ਟੀਮਾਂ ਨੂੰ ਤਕਰੀਬਨ 5 ਲੱਖ ਰੁਪਏ ਦੇ ਨਗਦ ਇਨਾਮ ਦਿੱਤੇ ਜਾਣਗੇ |
