ਬਰਨਾਲਾ, 24 ਅਪ੍ਰੈਲ (ਅਸ਼ੋਕ ਭਾਰਤੀ)-ਵਾਈ.ਐੱਸ. ਸਕੂਲ ਬਰਨਾਲਾ ਵਿਖੇ ਇੰਟਰਐਕਟਿਵ ਓਰੀਐਂਟੇਸ਼ਨ ਅਤੇ ਕਾਉਂਸਲਿੰਗ ਆਧਾਰਿਤ ਸਮਾਗਮ ਕਰਵਾਇਆ ਗਿਆ | ਜਿਸ ਦਾ ਉਦੇਸ਼ ਵਿਦਿਆਰਥੀਆਂ ਵਿਚ ਆਤਮ-ਵਿਸ਼ਵਾਸ, ਭਾਵਨਾਤਮਕ ਸੁਰੱਖਿਆ ਅਤੇ ਸੰਸਥਾ ਨਾਲ ਜੁੜਾਅ ਦੀ ਭਾਵਨਾ ਨੂੰ ਮਜ਼ਬੂਤ ਕਰਨਾ ਸੀ | ਇਸ ਮੌਕੇ ਪਿ੍ੰਸੀਪਲ ਵਿੰਮੀਪੁਰੀ ਨੇ ਵਿਦਿਆਰਥੀਆਂ ਦੀਆਂ ਆਮ ਜਿਗਿਆਸਾਵਾਂ ਅਤੇ ਚਿੰਤਾਵਾਂ ਨੂੰ ਸਮਝਦਾਰੀ ਅਤੇ ਸਪਸ਼ਟਤਾ ਨਾਲ ਦੂਰ ਕਰਦੇ ਹੋਏ ਸਕੂਲ ਦੀ ਵਿੱਦਿਅਕ ਪ੍ਰਣਾਲੀ, ਮੁੱਲ-ਆਧਾਰਿਤ ਸਿੱਖਿਆ, ਆਚਾਰ-ਸੰਹਿਤਾ ਅਤੇ ਅਨੁਸ਼ਾਸਨ ਦੇ ਮੂਲ ਸਿਧਾਂਤਾਂ ਨਾਲ ਜਾਣੂ ਕਰਵਾਇਆ ਅਤੇ ਸਮੂਹਿਕ ਵਿਕਾਸ, ਸਵੈ-ਪ੍ਰੇਰਿਤ ਸਿੱਖਣ, ਮਾਨਸਿਕ ਸਿਹਤ, ਸਹਿਯੋਗਾਤਮਕ ਸਿੱਖਣ ਅਤੇ ਕਲਾਸਰੂਮ ਵਿਚ ਸਕਾਰਾਤਮਿਕ ਭਾਗੀਦਾਰੀ ਦੇ ਮਹੱਤਵ 'ਤੇ ਵੀ ਜ਼ੋਰ ਦਿੱਤਾ |
