ਵਿਸਾਖੀ ਆਈ ਏ ਵਿਸਾਖੀ ਆਈ ਏ
ਖੇਤਾਂ ਦੇ ਵਿਚ ਰੌਣਕ ਛਾਈ ਏ।
ਸੋਨੇ ਵਰਗੇ ਮਹਿਕਦੇ ਖੇਤ,
ਸੋਨਾ ਉਗਲਿਆ ਖੇਤਾਂ ਦੀ ਰੇਤ,
ਹਰ ਪਾਸੇ ਖ਼ੁਸ਼ੀ ਰੁਸ਼ਨਾਈ ਏ।
ਵਿਸਾਖੀ ਆਈ ਏ ਵਿਸਾਖੀ ਆਈ ਏ
ਖੇਤਾਂ ਦੇ ਵਿਚ ਰੌਣਕ ਛਾਈ ਏ।
ਵਾਹਿਗੁਰੂ ਦਾ ਕਰੀਏ ਧੰਨਵਾਦ,
ਦਿੱਤੀਆਂ ਸਾਨੂੰ ਖ਼ੁਸ਼ੀਆਂ ਬੇਹਿਸਾਬ,
ਭੰਗੜਾ ਪਾਈਏ ਗਿੱਧਾ ਪਾਈਏ,
ਵਿਸਾਖੀ ਆਈ ਏ ਵਿਸਾਖੀ ਆਈ ਏ,
ਖੇਤਾਂ ਦੇ ਵਿਚ ਰੌਣਕ ਛਾਈ ਏ।
ਰੰਗ ਬਿਰੰਗੇ ਮੇਲੇ ਲੱਗ ਗਏ,
ਢੋਲ ਢਮੱਕੇ ਕਿਧਰੇ ਵੱਜ ਗਏ,
ਖ਼ੁਸ਼ੀ ਦੇ ਅਸੀਂ ਗੀਤ ਗਾਈਏ,
ਵਿਸਾਖੀ ਆਈ ਏ, ਵਿਸਾਖੀ ਆਈ ਏ
ਖੇਤਾਂ ਦੇ ਵਿਚ ਰੌਣਕ ਛਾਈ ਏ।
ਲੋਕੀਂ ਗੁਰਦੁਆਰੇ ਜਾਵਣ,
ਇਸ਼ਨਾਨ ਕਰਨ ਤੇ ਸ਼ਬਦ ਗਾਵਣ,
ਮੱਥਾ ਟੇਕੀਏ ਅਸੀਸਾਂ ਪਾਈਏ,
ਵਿਸਾਖੀ ਆਈ ਏ ਵਿਸਾਖੀ ਆਈ ਏ
ਖੇਤਾਂ ਦੇ ਵਿਚ ਰੌਣਕ ਛਾਈ ਏ।
